Alkitab Mobile SABDA
[VER] : [MEYAH]     [PL]  [PB] 
 <<  1 Tesalonika 1 >> 

1Didif Paulus jera dedin edohujirga Silas gonu Timotius bera monogu surat egens kef gu iwa ongga irek rusnok ongga Allah efen noba ongga iroru Tuhan Yesus Kristus tein gij kota Tesalonika. Memef mois gu Allah jeskaseda Ofa eita oufamofa eteb gu iwa noba jeskaseda iwa imesma eiteij ah ongga ongkoska jeska Allah.

2(1:1)

3Orofosut mona ongga memef mom meiteij gu Allah beda memef mom meiteij gu Ofa nou iwa tein. Noba memef mesitit gu Ofa jeska mek iwa, tina yeyin ita mar ongga erek ongkoska ojgomuja fob. Koma erek iwa irocunc rot oida iwa iroru Yesus rot tenten fob. Noba iwa idou okora rot rusnok enjgineg fogora yumfij rua tein fob. Noba iwa tein yunt joug idou efesi rot ahais fob, jeska iwa ijginaga rot tenten oida mifmin Tuhan Yesus Kristus bera omoksons en si.

4Memef mejginaga rot oida Allah odou okora eteb rot iwa fob, jefeda Ofa oncunc iwa erek efen rusnok tein fob.

5Memef mejginaga rot mar insa koma fob, jeska memef bera ongga manggot rot Allah oga ongga oufamofa gu iwa gij mona ongga sismeni. Noba mar insa koma bera enen jeska mar ongga memef mesinsa monsujohu rot ojgomu guru. Tina memef mejginaga rot tenten oida mar ongga manggot insa koma gu iwa fob bera en jeska Efena Ebsi Allah ojgomu. Iwa ijginaga rot oida gij mona ongga memef mengker morototuma jera iwa, beda motunggom mar erek mofij iwa ojgomu.

6Iwa iroru jeni mar ongga memef moncunc gu iwa, jefeda rusnok enjgineg rita efera okora eteb gu iwa rot fob. Noba iwa iroun mar ongga memef manggot gu iwa gij mona insa koma rot idou ongga efaga ouka eteb. Efena Ebsi Allah bera ongga eita idou ongga efaga ouka eteb rot fob.

7Jeska iwa ita mar erek insa koma fob, jefeda rua ongga Kristen gij monuh Makedonia jera monuh Akaya bera rik fogora rua tein ruroru jeni mar ongga iwa intunggom tein.

8Iwa bera erek rusnok sismeni ongga rimfesij rot Allah oga ongga oufamofa gu rusnok enjgineg fob, jefeda oga insa koma bera enja jah monuh Makedonia jera monuh Akaya tein. Noba iwa iroru Yesus oga rot ahais fob jefeda rusnok rufoukou rifesij moguma rot mar koma rejrej monuh ofoukou fob. Jefeda ebeibeyaif enadaij nou memef mefesij mar rot iwa gu rusnok rineya deika guru, jeska rua rijginaga rot iwa fob.

9Rusnok insa koma nomnaga rifesij moguma rot teinefa iwa iroun memef gij mona ongga sismeni fob. Rua rifesij moguma rot teinefa iwa ingkikif jeska yeyin mar ongga oska ongga iwa yugif gu sis fob fogora in skoita Allah noba yugif gu Ofa ojgomu.

10Rua rifesij moguma rot oida iwa yum idou nou mona ongga Yesus Kristus ongksons en jeska mebaga. Yesus koma bera Allah efen efesa ongga Ofa omfra jeska anggos fob. Ofa bera ongga omoskotu mimif nomnaga jeska mar okum ongga emen.



 <<  1 Tesalonika 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel