Alkitab Mobile SABDA
[VER] : [MEYAH]     [PL]  [PB] 
 <<  2 Korintus 7 >> 

1Edohuji ongga dudou okora rot, Allah bera ongga anggen rot mar insa koma nomnaga nou mimif fob. Jefeda mimif mibes mifaga jeska mar nomnaga ongga orotunggom mifmin mifaga jera mudou efesi erek oska ojgomu. Beda mimif mija erek rusnok ongga rerin rudou ongga ebsi komowa ojgomu. Noba mimif mita mar erek koma oisouska mudou ongga mugif gu Allah ojgomuja.

2Didif duis gu iwa jeskaseda iwa yuhoda idou efesi nou memef ojgomu. Jeska memef meneita mar ongga oska egema tein skoita iwa ineya jah suma guru. Noba memef meneita mar egema tein ongga orotunggom rusnok fogora risiri gij mar ongga oska guru. Noba memef monorokrusa ineya jeska iwa tein guru.

3Tina didif dinagot mar insa kef jeskaseda durocunc rot oida iwa bera erek oska, erek koma guru. Jeska didif danggot gu iwa sis fob rot oida, erek memef mefena ebah ros era magos tein askesi memef mofij iwa, beda modou omokora rot iwa ojgomuja.

4Erek koma tein, didif dudou eredi rot iwa, noba dudou erek eteb rot iwa ojgomuja. Noba mar ongga iwa itunggom bera orofij didif askesi mar okum ah keingg didif. Jefeda koma erek iwa ireita dudou erirei eteb rot ojgomu.

5Jeska gij mona ongga memef mensaga jah monuh Makedonia, beda mar ofoukou ah keingg memef ojgomuja. Koma erek rusnok enjgineg rucunc rudou ongga oska skoita memef, noba modou efesi tein erek emeesa ojgomuja.

6Tina Allah eisisi joug rusnok ongga rudou okum. Noba Ofa bera eisisi joug mefmen modou oisouska Titus ongga Ofa obk skoita memef jah sif.

7Noba mar ongga ofa emfesij osok gij iwa bera orofij memef erek eteb tein. Jeska ofa emfesij gu memef rot teinefa iwa ongga Korintus idou osos eteb jeskaseda ik didif ebeirens deika. Noba ofa emfesij rot oida iwa imeesa joug rot yeyin mar ongga oska egens koma sis fob, jera rot teinefa iwa idou okora rot didif ojgomu. Jefeda mar insa koma nomnaga erek orofij dudou efesi erek eteb rot ojgomu.

8Surat egens ongga didif dinsa skoita iwa sis fob bera ereita idou efesi erek okumkum rot fob. Jeska didif ditaha joug iwa osok gij osnok egens ongga ontunggom mar ongga oska eteb jah gu iwa ifekesa fob. Noba didif tein dudou emeesa rot. Jeska didif dik rot teinefa idou okum eteb rot. Erek koma tina didif dusujohu rot oida yeyin idou bera okumkum rot gij mona ongga estir ojgomu.

9Didif dudou okora rot iwa jeska dedin surat egens koma ereita idou okumkum rot. Tina ebeibeyaif didif dudou eskeira rot surat egens insa koma ojgomu, jeska oisouska surat egens koma bera iwa imeesa joug yeyin mar ongga oska fob. Jefeda koma bera ereita dudou eskeira eteb fob. Jeska idou ongga okumkum insa koma bera en oisouska Allah odou ejginaga rot ojgomu.

10Erek koma jeska rusnok rudou ongga okumkum oisouska Allah odou ejginaga rot bera omofij rua jeskaseda rimeesa joug rerin mar ongga oska. Beda koma bera ereita eiteij ah ongga efeinah gu rua tein. Noba koma orotunggom rusnok rudou erirei eteb rot. Tina gij mona ongga rusnok mebif rita rudou ongga okum rot rerin rita mar, beda koma onofij rua jeskaseda rita eiteij ah ongga efeinah guru. Jeska gij rudou efesi bera rua runosujohu rot mar ongga Allah anggot rot guru.

11Jefeda idou ah keingg rot teinefa Allah omfij iwa oisouska idou ongga okumkum insa koma ojgomu. Jeska idou ongga okumkum insa koma bera ongga ereita idou ongga ocosu efei ahtah rot fob ni, noba ebeibeyaif iwa idou os icunc rot oida imeesa joug yeyin mar ongga oska rot tenten fob ni, noba iwa yut joug idou efesi rot mar ongga oska ojgomuja fob ni, noba iwa idou os itunggom mar ongga tenten ni, jeska iwa idou efeneinei rot mar ongga oska ongga angh gij ifekesa ros ni, iwa insejah idou efesi jeskaseda yufra mar okum keingg rusnok ongga rutunggom mar ongga oska ni. Mar insa koma nomnaga bera ongga orocunc rot oida iwa iroru mar ongga tenten deika fob.

12Noba ongga tenten bera didif disa surat egens insa koma jeskaseda iwa isinsa ik rot teinefa iwa iroru mar ongga memef manggot rot fob ei era gurei. Beda iwa tein imejginaga rot teinefa iwa inroru mar ongga memef moftuftu rot tenten fob ojgomu. Jeska iwa yumfra mar okum keingg osnok egens insa koma fob.

13Noba jeska iwa iroru mefmen moga erek jeni rot osnok egens ongga otunggom mar ongga oska insa koma fob, jefeda memef modou erirei eteb rot iwa. Noba iwa ireita modou ongga erirei eteb ekirsa deika, jeska gij mona ongga Titus onjogog iwa, beda iwa yumfij ofa fogora ireita ofa odou eskeira eteb fob.

14Sis fob, gij mona ongga Titus eneja skoita iwa enesi, beda didif disitit rot mar ofoukou osok gij iwa gu ofa fob. Noba mar ongga didif dinsitit gu ofa sis fob koma bera mojenen didif rot guru. Jeska oisouska mar ongga oufamofa ongga iwa intunggom nou ofa bera iwa incunc rot oida didif danggot mar erek tenten osok gij iwa fob. Noba ebeibeyaif tein Titus bera emfesij rot teinefa iwa yumfij ofa erek ongkoska fob. Jefeda mar ongga ofa emfesij rot bera orocunc rot mar insa koma ongga didif danggot rot osok gij iwa sis fob.

15Noba ofa esinsa efen odou ongga okora eteb rot iwa odudu deika. Jeska ofa odou ah keingg rot teinefa iwa iroun ofa rot idou ongga ougif gu ofa ojgomu. Noba ofa odou ah keingg rot teinefa iwa insejah nou itunggom mar ongga ofa anggot rot si.

16Jefeda didif dudou efaga ouka eteb rot iwa, jeska didif dijginaga rot oida iwa imotunggom mar ongga tenten si.



 <<  2 Korintus 7 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel