1Koma oisa fob beda didif dik mar ongga onswos eteb gu mebaga ongga orocunc rot mar erek kef oida, Didif dik ojaga egens ongga efen meisoufa ongga eisa egigir eteb erek mowa. Noba mesta ah gu okoda obohoh. Noba manggem ongga efen motur setka kungkob erfeka bera ah tumu eitoufu.
2Noba ofa efen efaga okum eteb rot efesa fogora ofa agerir rot otkonu okora, jeska ai juens beda eker rot efen efesa.
3Erek koma beda didif dik mar egens deika gu mebaga ongga orocunc rot mar erek kef oida, didif dik magosu eteb doska egens ongga ofoka Naga. Efen efeb titnetna ongga erek ogugufu, noba efen ebirfaga cinja erfeka jera oubukum setka. Noba orofosutut ebirfaga egens egens insa koma bera efen manggem cinja erfeka ongga eirirbi tumu eitoufu cinja erfeka insa koma tein.
4Beda ofa efen oiraga bera erajgej motur oknama jeska mebaga fogora esiri gu mebif. Noba magosu egens insa koma osku joug jah ojaga egens insa koma odou jeskaseda oskotu ofa efen efesa ongga onjuj rot fogora oub ojgomu.
5Beda ojaga insa koma onjuj rot efen efesa orna fob. Noba gij mona kahma Allah omoskotu efen efesa insa koma fogora ofra Ofa gu mebaga. Jah suma Allah ofoka ereij keingg mar nomnaga. Tina askesi efesa insa koma engker mebif ros, beda efen mosu egens insa koma oku rot efen efesa jah gu monuh ongga mebi oska ongga Allah ensejah nou ofa jeskaseda engker gij. Beda Allah ont joug ofa jera efen efesa egens insa koma jah suma ojgomuja gij mona rara ribu egens noba ofod (1,260) fob. Beda efesa insa koma esma owesa efek eteb morototuma jera Allah. Noba Ofa bera ongga omofoka ereij keingg rusnok monuh mebif nomnaga rot efen owesa efek eteb si.
6(12:5)
7Erek koma beda didif dik malaikat-malaikat rimedima eteb gij monuh mebaga. Malaikat Mikhael, ongga erek ebirfaga rot Allah efen malaikat-malaikat enjgineg tein, bera rimedima jera magosu egens insa koma ongga ofoka Naga rot ofa efen malaikat-malaikat tein.
8Tina Naga insa koma bera efen owesa efek enadaij guru, jefeda Mikhael jera Allah efen malaikat-malaikat rikemeji Naga rot ofa efen malaikat nomnaga jeska monuh mebaga.
9Koma bera, rua rij magosu egens insa koma ongga mijeka efen ofoka oida Bilis tein rot efen malaikat nomnaga jeska mebaga gu mebif. Ofa bera erek ebirfaga efena ofogog ongga orokrusa rusnok mebif nomnaga fogora risiri gij rerin mar ongga oska.
10Beda didif dig oga egens gu mebaga agot rot oga eteb oida, "Ebeibeyaif bera Allah efen eimofoj adaij fob nou oskotu efen rusnok jeska rerin mar ongga oska fob. Noba Ofa oncunc efen owesa efek eteb jeskaseda ofoka ereij keingg rusnok. Noba Ofa oncunc rot Kristus koma, ongga osuwa rusnok jeska rerin mar ongga okum, rot efen owesa efek tein. Jeska rua rungkoja Bilis jeska mebaga fob. Ofa bera ongga oh mojen rourou ojgomuja gu mifmin muhujir orofosut mona jera motu tein jah Allah odou.
11Mifmin muhujir bera ruin keingg ofa oisouska Domba Efer efen ogufu ongga eya tumu mega salib nou rua, jera oisouska mar ongga rua rimfesij rot osok gij Allah oga sis fob. Noba rua rinefeneinei rot risinsa riteij ah guru, tina rua raha risinsa jeskaseda ragos rot Allah oga insa koma ojgomu.
12Jefeda iwa nomnaga ongga ingker gu mebaga ita idou ongga efaga ouka eteb rot ojgomu. Tina ayo, teinefa nou iwa ongga ingker gu mebif jera mei mojumu efei teino. Jeska Bilis onjuj gu mebif fob. Noba ofa odou otkonu oska eteb doska, jeska ofa ejginaga rot oida efen eimofoj bera erek estir nou ofa ojgomu fob."
13Nou ongga Bilis, ongga erek magosu egens insa koma, ek rot teinefa rua rungkoja ofa jeska mebaga fob, beda ofa otoij ojaga egens insa koma ongga engker rot efen efesa orna insa koma.
14Tina Allah eita efembra ofou erek mem nesmei efembra ofou gu ofa jeskaseda ofa ofu ebeirens erek mem jah monuh mebi oska ongga Allah ensejah nou ofa. Jah suma bera Allah omot joug ofa rot tahun rara orgomu noba ofod. Jeska enadaij nou Bilis, ongga erek magosu insa koma, ohca ofa jah suma jinaga guru.
15Beda magosu insa koma ej awesi noba mei mosu eteb eya fogora oforkamaga gij mebif jeskaseda edi ojaga egens insa koma fogora ageben gij ojgomu.
16Tina mebif ofij ojaga egens insa koma fogora ohoda awesi ongga eteb doska. Jefeda mei mosu eteb ongga oforkamaga insa koma eya gij mebi efesi ojgomu.
17Erek koma beda magosu egens insa koma odou otkonu oska eteb rot ojaga egens insa koma, jefeda ofa eja jeskaseda edi ojaga egens insa koma efen rusnok ongga runjuj jeska ofa. Rua bera erek rusnok ongga rugif gu Allah rot efen oga noba ruroru mar ongga Yesus omftuftu rot sis fob tein. Noba magosu egens insa koma ongga ofoka Naga ont jah mei mojumu efembra rot.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel