1Yo tana'a in soaáḷ ka'anon inta inogoi saḷaku sosumbah kom berhala. O'o, totu'ubií ing kain intau, "Kita komintan bidon nongopandoi." Ta'e pandoi tatua nokopobaliídon kon intau mokaḷakuang, ta'e aka tabi, yo mokobiag kon intau.
2Intau inta monganggap kon nobayongdon ing kinota'auannya, sabanarnya in diaíbií nonota'au totok in sia.
3Ta'e intau inta totu-totu'udon motabi ko'i Allah, sia tua ing kota'auanbií totok i Allah.
4Yo soaáḷ moka'an kong ka'anon inta aim pinosumbah kom berhala, sabanarnya ing kinota'auanbií naton kom berhala tua in diaíbií onda. Sing kinota'auanbií doman naton kon tongaíbií tobatuí ing ki Allah; diaíbií ibanea makow.
5Totu'ubií kom moaíntoí doman inta sinangoian ki allah andeka ki tuhan ing kon dunia na'a.
6Ta'e kita in nopirisayabií kon tongaíbií tobatuí ing ki Allah. Inta nomia kom bayongan bonu in dunia na'a. Bo tongaíbií mobiag kong kopontingan-Nya ing kita. Ki Tuhan tongaíbií doman tobatuí, tuata ing ki Yesus Kristus. Pinongin i-Nia tua bayongan yagi-yagi pinomia, bo lantaran doman Sia daí nobiag ing kita.
7Umpakah natua, ta'e diaíbií komintan intau nonota'au kon soaáḷ tatua. Sin umaaipa doman masa in tana'a oyuíonpa in umuran mosumbah kom berhala mita. Tuamai oyuíonpa doman in raian kong ka'anon inta aim pinosumbah kom berhala ing ka'anonbií doman im berhala. Manangka intua aka ka'anon monia ing ka'anon tatua yo porasaan monia im baradosa'anbií im mosia; tua komintan lantaranbií diaípa noguyang im pirisaya monia.
8Sabanarnya ing ka'anon diaíbií mokopobalií kombaí modiug ko'i Allah ing kita. Aka ka'anon naton ing ka'anon tatua, yo diaíbií im pongaruhnya. Diaíbií ing ka'untungannya bo diaíbií doman ing karugiannya.
9Tongaí musti mokopopia; simbaí diaí mokopopisií kon intau mita inta diaípa noguyang im pirisaya monia baradosa'an, sin lantaran mo'ikow nobebasdon mogaid kon onukadon.
10Nana'a i makusudku: aka kuma mo'ikow inta aindon nopirisaya totu-totu'u bo indoianmai limituíbií makow bo mongaan kom bonu im baḷoi pobobogoian kon sosumbah kom berhala, bo inontong in intau mita inta diaípa noguyang im pirisayanya. Daí tantuí oaíidmu tatua im mobogoi bidon in contoh kon intau ibanea sahingga in nobarani intau tatua noka'an kong ka'anon inta inogoidon pinosumbah kom berhala.
11Mangalenya kon na'a, binaradosadon intau ibanea lantaran pirisayamu tatua. Padahaḷ lantarandon mosia tua daí ki Kristus minatoi.
12Bo aka natua in tantuí aidan monimu kom bayongan utat mita Keresten -- daí mangalenya kon tua, mo'ikow nomoguya'atdon kom pirisaya i intau inta diaípa noguyang im pirisaya -- daí baradosa'andon ko'i Kristus im mo'ikow.
13Tuamai aka mokobaradosabií ko'i utatku mita in ka'anon tatua, daí doií bidon aku'oi moka'an kom ponayak tatua, sin dikabo baradosa'an ing ki utatku tua lantaran aku'oi.
<< 1 Korintus 8 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel