1Utat mita, ibogon nami kota'auan doman monimu naíonda ing kototabi i Allah kon jama'at mita inta kom Makedonia.
2Umpakahbií mosia kinoaíntugan in totungkuḷ inta totok mobogat, ta'e gina monia tantuíbií noḷunganga, sin umpakah kom bonu in roriga ta'e mo'ibogpabií doman mosia nobogoi in sumbangan pinotuḷung kon intau ibanea umpakah mosia totok doman nobiag nobogaí.
3Mosia nobogoi podudui ing komampuan monia, sedang bo no'iliubií totok kong komampuan monia. Tua in ibogbií monia tontanií.
4Mosiabií tontanií in nopo'igum totok ko'inami simbaí ogoian doman ing kasampatan mosia motuḷung kon umat mita i Allah kon Yudea.
5Bo mosia ain nobogoi kon no'iliu totok kon onu inta sinakuser nami. Muna-munamai mosia noposarahkan in awak monia ko'i Allah, onda intua ko'i nami, podudui kon inta kino ibog i Allah.
6Tuamai kami umuran moguman ko'i Titus -- inta ain nomangkoi kon oaíidan tana'a -- simbaí poturusonnya in oaíidan mopia tana'a kon sigad monimu doman.
7Kom bayongan yagi-yagi: Mo'ikow nion no'iliudon totok kon soaáḷ pirisaya, soaáḷ pororai, kon soaáḷ pongotahuan, kom bayongan yagi-yagi oaíidan, bo kon soaáḷ kototabi monimu ko'i nami. Tuamai po'igumonku doman makow simbaí mo'ikow mo'iliu doman kom bayongan oaíidan inta mopia tana'a.
8Na'a im pota'auku ko'i monimu de'emanbií saḷaku parentah. Ta'e moponorop kon nobayongdon totok intau moramiji motuḷung kon tumpaḷa intau, tuamai mo'ibog doman aku'oi monota'au mongo nodapot domandon onda in tabi monimu kon tumpaḷa intau.
9Sim mo'ikow totokdon nonta'au kong kita in totokbií ing kinotabi i Yesus Kristus, Tuhan naton. Sia in no'oyuíonbií, ta'e sinumon intau bogaí sin lantaranbií mo'ikow, simbaí mo'ikow mobalií mo'oyuíon.
10Aka podudui in raianku, yo no'itutui bidon totok aka mo'ikow bo moginḷapat kon onu inta aim pinangkoi monimu taong inta nopaḷutmai na'a. Sim mo'ikowbií inta muna-munamai norai bo nomangkoi kon oaíidan tana'a.
11Daí tana'a, iḷapataidon onu inta aim pinangkoi monimu tua. Aidai intua podudui in ibog monimu, ta'e podoyon domandon kong komampuan monimu.
12Aka gina monimu bo motulidbií im mobogoi, daí tarima'anbií i Allah onu inta inogoi monimu tua, asaḷ bo onu inta inogoi monimu tua, pinodoyon kon onu inta oyuíon ko'i monimu, de'emanbií pinodoyon kon onu inta diaí ing ko'i monimu.
13Mo'ikow inogoian in tanggung jawab tana'a de'emanbií makusudku kom baí intau ibanea mo'iḷagui kon tanggung jawab monia, ta'e baí tumpaḷa mokorasa. Tuamai pogumankudon in tana'a, ki ine ing kon sigad monimu in no'iliu, yo sia im mota'au mogintompod kon inta noga'atpa. Simbaí aka kon singgai mo'iduduimai, oyuíonkah in noga'atpa ko'i monimu bo ko'i monia in no'iliu, yo bain mosia im mogintompod kon inta noga'atpa ko'i monimu, simbaí motongkai.
14(8:13)
15Sing kom Buk Mosuci aim pinais nana'a, "Intau inta mosipun kom mobarong, diaíbií doman mo'iliu, bo intau inta mosipun kon topilik, diaíbií doman inta kodaitan."
16Sukurdon makow ko'i Allah, sing ki Titus im pinoporajing-Nyapa naonda bo kami inta umuran no'ibog notuḷung ko'i monimu!
17Sia in diaíbií tongaí sakadar nomaḷut kon onu inta pino'igum nami, ta'e totu-totu'ubií no'ibog notuḷung ko'i monimu no'idapot in sia tontanií in namangoi ko'i monimu.
18Bo kami in nopotabaí doman in tobatuí utat naton noyotakinnya, utat naton tana'a totokbií i hormat im bayongan jama'at sin oaíidannya nopoyaput in Habar Mopia nongkon i Allah.
19Bo de'eman doman tongaí tua! Intau tatua pinilií doman bo sinantuí in jama'at sim moyobayat nami kom bonu im bobayaían mopoyaput in sumbangan, simbaí ki Tuhan umuran dayowon bo baí ontongan doman monimu kong kami in umuranbií totu-totu'u mo'ibog motuḷung.
20Sin ingaton makow nami, dika bo potaḷaían intau ing kami mopoyaput in sumbangan moaíntoí tana'a.
21Sing kami im mo'ibogbií mogaid kon inta mopia, de'emanbií tongaí kon tayowon i Allah ta'e kon tayowonbií doman in intau.
22Selain ki Titus bo ki utat naton tobatuí tua, kami nopotabaí doman in tobatuí utat naton ibanea makow. Sia tua inujibií domandon nami, bo nonyatadon kon umuranbií in sia mo'ibog motuḷung. Sedang ibogonnya im baí tana'a bidon makow, sin totok moḷoben in harapannya ko'i monimu.
23Aka ki Titus, yo sia in yobayat topogaidanku inta notuḷung ko'i monimu. Bo soaáḷ ki utat naton taya dua tua, inta minayak noyotakinnya, mosia tua in intaubií inta pinilií bo sinantuí in jama'at sing kinosanang ing gina monia.
24Tuamai po'igumon nami, ponyatabií in tabi monimu ko'i monia, simbaí bayongan jama'at monota'auandon kom mo'ikow im motabibií ko'i monia, bo onu in dinuiduií nami soaáḷ mo'ikow monyata kon totu'ubií.
<< 2 Korintus 8 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel