1Sabanarnya diaí bidon paraḷuku paison bui ko'i monimu in soaáḷ sumbangan monimu kon umat i Allah inta kon Yudea.
2Sing kota'auanku bidon kom mo'ikow im mo'ibogbií motuḷung, bo mo'ikow in umurankubií dinuiduií kon yuaí-yuaík intau im Makedonia. Pinogumankudon ko'i monia kon nongkon taongpabií inta nopaḷut na'a in tai utat mita kon Akhaya ain nobasadia mobogoi in sumbangan. Bo lantaran totok domandon ing gina monimu, sahingga intau ibanea totok domandon no'ibog.
3Bo tana'a aku'oi nopotabaí ko'i Titus bo ko'i utat naton taya dua mamangoi ko'i monimu, simbaí onu inta dinuiduií nami soaáḷ mo'ikow, de'eman tongaí o'uman inta diaí totu'u. Daí mo'ikow im mustibií mobasadia, sin aim pinogumanku ko'i monia kom mo'ikow ain domandon nobasadia.
4Sim molia-liau ing ginaku, dika bo oyuíon intau mita im Makedonia mamangoi moyotakinku ko wakutu im mopoaíngoi ko'i monimu. Bo aka mo'ulií magií monia im mo'ikow bo diaípa nobasadia, yo mo'oyak totok ing kami ko'i monimu! Naí doman tua, mo'ikow doman im mo'oyak.
5Manangka intua, iraikumai yo manií potabaíkudon muna mamangoi ko'i monimu i mosia, simbaí mota'au mono'uḷut muna kon onu inta ogoi monimu podudui in dandi monimu tungkuḷ intua. Aka natua yo monyatadon kon onu in inogoi monimu nion inogoibií takin nosanang ing gina bo de'emanbií tongaí pakisa.
6Torop kopira in singogku na'a! Intau inta nomuḷa kon topilik, topilik doman im mo'uliínya, ta'e intau inta nomuḷa kon nobayong, yo mobayong doman im mo'uliínya.
7Ta'e po'igumonku makow mo'ikow mobogoibií takin pia ing gina, diaí tongaí pakisa, sin intaubií inta mobogoi takin pia ing gina ing kotabi i Allah.
8Sing ki Allah im mokawasabií mobogoi im barakat ko'i monimu, simbaí tantuí oyuíon im pakeíon monimu; bo baí tantuí oyuíon im pogaid monimu kon inta mopia bo potuḷung kon intau.
9Naí inta aim pinais kom Buk Mosuci nana'a, "Ki Tuhan nobogoi magií-makow kon intau mita mobogaí; kopopia ing gina-Nya tantuí mononoi dapot kopaḷutanea."
10Sinadia-Nyadon bibit kon intau inta mogogambor bo ka'anon ko'i naton. Siabií doman inta moposadia im bibit inambor monimu tua, simbaí bungai ing kopopia ing gina monimu moguntu-guntuḷ domandon.
11Aka natua yo mo'ikow im mobalií bidon mo'oyuíon kom bayongan yagi-yagi, sahingga mo'ikow tantuí mobogoi takin pia ing gina. Bo onu inta inogoi monimu inta sinila-silaidon makow nami tua, nobalií dodoyonan kom mobayong totok intau im mopoyaput in sukur moaíntoí ko'i Allah.
12Sin oaíid mopia inta inaidan monimu na'a de'emanbií tongaí modugang kon onda inta noga'atpa kon umat mita i Allah, ta'e nobaliíbií doman dodoyonan nodapot in nobayong intau mopoyaput in sukur ko'i Allah.
13Bo nongkon oaíid mopia inta aim pino'ontong monimu tua, mobayong intau ing Keresten kon Yudea modayow ko'i Allah lantaran ontongon monia ing kototoindudui monimu kon Habar Mopia soaáḷ ki Kristus inta duduiandonmai monimu tua. Bo modayow doman mosia ko'i Allah, sin lantaran kopopia ing gina monimu mo'ibog mosila-silai makow ko'i monia bo kon intau mita ibanea, onu in oyuíon ko'inimu.
14Daí tantuí monia sambayangan im mo'ikow takin tabi modaḷom lantaran pia ing gina i Allah ko'inimu.
15Posukurdon ko'i Allah sin diaí im poliu kom barakat inogoi-Nya.
<< 2 Korintus 9 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel