Alkitab Mobile SABDA
[VER] : [MONGONDOW]     [PL]  [PB] 
 <<  Kisah Para Rasul 25 >> 

1Toḷu nosinggai naonda ing ki Pestus no'idapot im propinsi tatua, sia nobuat nongkon Kaisarea bo minayak in Yerusalem.

2Kon tua imang mita itoi takin itoi mita intau Yahudi namangoi kon tayowonnya bo nopongadu kon taḷa' i Paulus.

3Mosia umuran modondo'uḷug ko'i Pestus simbaí monotabi ko'i monia bo mo'ibog mopotabaí kon intau modia ko'i Paulus mayak in Yerusalem; sim mosia ain notobatuí kong gina molimod ko'inia wakutu in sia kon yuaíkpa in daḷan.

4Ta'e ki Pestus notubag, "Ki Paulus in sinahangbií kong Kaisarea in tana'a bo aku'oi tontanií diaídon mo'onggot mobui kon tua.

5Sia noguman doman: manikah intau mita inta inogoian monimu in hak mayakdon moyotakinku bo mopoyaput in tuntutan ko'inia aka oyuíon in taḷaínya."

6Degaí waḷupa andeka mopuḷuh nosinggai ing ki Pestus nogutun kon Yerusalem bodongka mobui kong Kaisarea. Nopo'ikoḷomai kon singgai mosia nosidang bo ki Paulus pinoki'oiniínya namangoi in tayowon monia.

7Naonda ing ki Paulus no'iyaputdon in ruangan pinosidangan, intau mita in Yahudi inta namangoi mita nongkon Yerusalem sinimindog ilimibu ko'inia, bo yagi-yagidon im pinonapud monia ko'inia. Ta'e mosia diaí noko'ulií kom bukti in onu inta pinonapud monia tua ko'inia.

8Ki Paulus nopoyaput doman in tosingogonnya kainia, "Aku'oi in diaíbií nogaid kon taḷaí tobatuímai kon hukum i Musa andeka kom Baḷoi Tuhan andeka doman ko'i Kaisar in Rum."

9Ta'e ki Pestus inta motayak kom perhatian intau Yahudi noguman ko'i Paulus, "Mo'ibog degaí ikow mayak in Yerusalem simbaí sidangon kon tua kon tayowonku soaáḷ porkara tana'a?"

10Ta'e ki Paulus notubag, "Na'a aku'oi simindog makow kon tayowon pongadilan i Kaisar bo kon na'abií in tampat ponantuían kon taḷaí bo aim bidon totok kinota'auan i Tuang tontanií kon aku'oi in diaíbií kotaḷaí kon intau mita in Yahudi tanion.

11Aka aku'oi bo totu-totu'u kotaḷaí inta mota'au baliíon monimu dodoyonan pohukuman ko'inakoí dapot im matoi, yo kodu-koduduibií in aku'oi. Ta'e aka onu im pinonapud monia tua bo diaí totu'u, yo diaí tobatuímai intau ing ko hak moposarahkan ko'inakoí sin tongaí lantaran ponotabi ko'i monia nion. Aku'oi im monuntut kon tantuíondon kom pongadilan i Kaisar!"

12Daí naonda in sia noyosingog in intau inta monononginanya mita, ki Pestus noguman nana'a, "Ikowbií in no'igum kom baí tantuíondon kom pongadilan i Kaisar, daí ikow musti mayak ko'i Kaisar."

13Diaí no'onggot kon tua ki Raja Agripa bo ki Bernike namangoi kong Kaisarea sim mobogoi in saḷamat ko'i Pestus.

14Naonda in tongonumaidon nosinggai kon tua im mosia, ino'uman i Pestus ko'i Raja Agripa im persoalan i Paulus tatua kainia, "Kon na'a oyuíon tobatuí intau inta i hukum ko wakutupa ki Peliks nobalií gubernur.

15Wakutu in aku'oi kon Yerusalem imang mita itoi bo itoi mita intau Yahudi namangoi nopongadu kon intau tatua bo po'igumondon monia simbaí aku'oi mopoḷabuídon in hukuman ko'inia.

16Ta'e aku'oi in noguman ko'i monia, kon intau in Rum diaíbií mota'au im moposarahkan makow natua kon intau inta sinangka kotaḷaí sin hukumon, aka intau inta sinangka tatua diaípa noyogintayow in intau mita inta noponapud ko'inia bo ogoian ing kasampatan mosingog kon onu im pomayownya.

17Daí wakutu im mosia namangoi in na'a noyotakinku, nopo'ikoḷomai kon singgai ḷagi nogaid kon sidang bo intau tatua inoinií pinotayow ko'i monia.

18Ta'e naonda intau mita inta nopongadu tatua sinimindog kon libunyamai, diaíbií in tobatuímai pinongadu monia in oaíid mora'at im pinomianya naí inta kon raianku.

19Mosia in tongaíbií mobobayowan kon soaáḷ agama monia, bo soaáḷ intau inta ki Yesus in tangoinya. Sia aim minatoi, ta'e ki Paulus in noguman kon Sia in totu'-totu'ubií nobiag bui.

20Lantaran aku'oi moragu-ragu kon naíonda im pomomirikisa kom porkara mita natua, daí aku'oi noliboí ko'i Paulus mongo mo'ibog in sia mayak in Yerusalem simbaí tantuíon kon tua im porkaranya tatua.

21Ta'e ki Paulus nopo'igum simbaí porkaranya tatua poki tantuí ko'i Kaisar. Sia nopo'igum doman simbaí sia mogutunpa kom bonu in tahanan, pogoḷa-goḷatan kom ponantuían i Kaisar kon porkaranya tatua."

22Daí ki Agripa noguman ko'i Pestus nana'a, "Aku'oi mo'ibog mongindongog ko'inia tontanií." Ki Pestus notubag nana'a, "Bain ikoḷom bo indongoganmu in singognya tua."

23Nopo'ikoḷomai kon singgai, ki Agripa bo ki Bernike takin pakeang dinas monia sinumu'ot kon ruang pososidangan takin itoi mita in tontara bo itoi mita kong kota tatua. Onda intua ki Pestus nomarentah kon diadon tumu'ot ing ki Paulus.

24No'itu'otmai ing ki Paulus, ki Pestus noguman nana'a, "Tuang Raja Agripa bo bayongandon intau kon na'a! Intau tana'a aindon pinongadu ko'inakoí i intau mita in Yahudi inta kon Yerusalem bo inta kon na'a. Mosia namangoi bo kopia momaḷuí sim momakisa simbaí intau naí tana'a diaídon mota'au biagan kon dunia na'a.

25Ta'e diaíbií kino'uliíanku in sia kon taḷaí tobatuímai inta mota'auku baliíon dodoyonan pohukuman ko'inia modapot im matoi. Bo siabií tontanií in nopo'igum simbaí porkaranya tatua tantuíondon kom pongadilan i Kaisar, daí tuamai sinantuíkudon kon sia in diaandon ko'i Kaisar.

26Ta'e diaípa tobatuímai in no'uliíku ing katarangan mopia inta mota'auku paison kon surat bo kirimon ko'i Kaisar soaáḷ porkaranya tatua. Tuamai diniakudon in sia kon tayowon i Tuang mita torutama ko'i Tuang Raja Agripa. Makusudku tua aka mopaḷutdon pirikisa'an oyuíon in soaáḷ inta mota'auku paison.

27Sin podudui in raianku diaíbií mopia aka mogatod kon tobatuí intau inta i hukum bo diaí kotaki-takin alasan taḷaí mita inta pinonapud ko'inia."



 <<  Kisah Para Rasul 25 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel