1Mo'ikow aim bidon biniag bui noyotakin i Kristus. Tuamai poramijidon mo'ikow moko'ulií kon soaáḷ mita inta kon soroga, kon tampat kon onda ing ki Kristus nomarentah noyotakin i Allah.
2Raidon in soaáḷ mita inta kon soroga, dona'ai morai kon soaáḷ mita inta kon dunia.
3Sim mo'ikow aim minatoi bo kobiaganmu no'ibuni noyotakin i Kristus inta notobatuí i Allah.
4Aka ki Kristus inta nobalií pangkoi ing kobiagan naton, ko'ontongandon bui yo mo'ikow doman ing ko'ontongan moyotakin-Nya kom bonu ing kamulia'an-Nya.
5Tuamai inggama'aidon ibog mita in dunia inta umuran moganggu ko'i monimu, naí oaíid inta mokotor, oaíid mita inta diaí patus aidan, ibog in awak, ibog mita inta mora'at, bo ibog mita inta mo'iliu (sin ibog inta mo'iliu tua notongkaibií im mosumbah kom berhala).
6Soaáḷ mita natua inta mokopomukaí kon ya'at ing gina i Allah kon intau mita inta diaí motoindudui ko'i-Nia.
7Kolipod mo'ikow dinumudui doman kon ibog natua mita, wakutu ing kinawasa'annya im mo'ikow.
8Ta'e tana'a, ḷumbuídon monimu in soaáḷ mita inta mora'at nongkon i'nimu: dika tumoruí ande momarontak, ande moya'at ing gina kon intau ibanea, ande monibaí, bo mosingog kon tosingogon inta moromuí.
9Dikadon mosi'uboḷan sin ain sinaḷaían monimu ing kobobiag kolipod bo tabiatnya.
10Bo tana'a mo'ikow inogoiandon ing kobiagan inta mobagu. Mo'ikow nion nobalií bidon intau nobagu, inta koyogot tomobaguon i Allah inta nopomia ko'i monimu podudui im batangan-Nya tontanií. Makusudnya baí totu-totu'udon kota'auan monimu ing ki Allah.
11Sahingga diaídon yoposi intau Yahudi bo de'eman Yahudi, intau sinunat bo inta diaí sinunat. Bo diaí domandon yoposi in intau mokokiaíngoi bo intau moromuí, intau inta nobalií ata bo intau inta de'eman ata, sing ki Kristus tua Tuhanbií im bayongan yagi-yagi, bo Sia ain notobatuí intua komintan.
12Utat mita, mo'ikow nion umatbií i Allah inta ain sinotabi bo pinilií-Nya mobalií kapunya'an-Nya tontanií. Tuamai musti popo'ontong doman monimu in totabian, pia ing gina, diaí mosiḷantud, pososingog moaáḷus bo mobahasa kon tumpaḷa intau bo mosabar aka koaíntugan in roriga.
13Mokoposabar kon tumpaḷa intau, mosiaímpungan aka oyuíon intau im motaguí kon ya'at ing ginanya kon intau ibanea. Nosanangbií ing gina i Tuhan nongampung ko'i monimu, tuamai im musti doman mosiaímpungan im mo'ikow.
14Na'a in soaáḷ mita inta totok moponting: Mo'ikow musti mototabian sin totabianbií tua im mopotobatuí ko'i utat komintan sahingga im mobalií mosempurna.
15Pakeídon in dodamean inta inogoi i Kristus, simbaí kawasa'an-Nyadon ing ginamu, sin tuabií im mangale pinogoiniían ko'i monimu motobatuí kon awak, bo umuranbií posukur ko'i Allah.
16Umuran kogina-gina makow in totunduí mita i Kristus inta mobarakat tua, sahingga mo'ikow mobijaksana bo mopandoi im motunduí bo mononggina kon utat mita. Dika mokoliong im mopomanyanyi im Mazmur bo lagu mita rohani; pomanyanyidon ko'i Allah takin porasa'an mosukur kom bonu ing ginamu.
17Bayongan inta aidan andeka singogon monimu, yo aidai ande singog komintan podoyon kon tangoi i Tuhan Yesus. Poyaputdon in sukurmu ko'i Allah ki Amaí naton sim bayongan inta pinomia i Yesus ko'inimu.
18Utat mita, buḷoi bobay, hormatbií ing ki buḷoimu, sim mustibií natua in aidanmu saḷaku intau Keresten.
19Bo mo'ikow utat mita buḷoi ḷoḷaki, kotabibií ing ki buḷoimu, dikabií rumomuí ko'inia.
20Adií mita! Nobaliíbií kowajiban monimu saḷaku intau Keresten in tantuí mokopotoindudui kong guyangamu, sin tuabií ing kino ibog i Allah.
21Utat mita, guyanga ḷoḷaki! Dika posakiíon gina i adiímu mita, simbaí diaí mo'inggamaí in harapan monia.
22Utat mita inta nobalií ata! Kom bayongan rupa-rupa duduiaibií onu im pokiaíid i tuangmu kon dunia na'a. De'emanbií dumudui aka ko'ontonganpa makow monia simbaí pujion im mo'ikow. Ta'e duduiaibií im mosia takin gina motulid lantaran hormatmu ko'i Tuhan.
23Onukabií im poki-aid ko'i monimu, aidaibií totu-tou'u takin sanang gina, naonda bo mobantung ko'i Tuhan, de'emanbií tongaí kon intau.
24Simbaí kota'auan monimu, tarima'anbií monimu in tontuliínya nongkon i Tuhan. Onu in sinadia i Tuhan kon umat-Nya, tuabií in ogoi ko'inimu. Sin tuang sabanarnya inta yogot bantungan monimu tua ing ki Kristusbií tontanií.
25Bo ki inekabií im mogaid kon no'itaḷaí yo siabií im motanggung kon taḷaínya mita tatua; sin diaíbií piliían i Tuhan intau.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel