1Ki Yesus nongonguman doman kom porumpama'an tana'a kom murií-Nya mita kai-Nia, "Oyuíon tobatuí intau no'oyuíon. Sia tua nogamaí kon intau nobalií bendaharanya mongolamai kom bayongan kapunya'annya. Intau no'oyuíon tatua noko'ulií kon lapuran kon intaunya tatua totokdon im mongi'ibognya mopomakeí in doitnya.
2Daí inoiniínyadon im bendaharanya tatua bo pinoliboaín nana'a, 'Degaí totu'u im bayongan inta ain dinongogku soaáḷ oaíidmu? Aka totu'u kon natua, yo tana'a makow posarahkaidon modait ko'inakoí in lapuran bayongan oaíidanmu, sin pogogaionkudon ikow.'
3Bo norai im bendahara tatua kom bonu ing ginanya, 'Onu degaí im pomiaan tana'a? Aku'oi aindon pinogogai i tuangku. Momasoḷ, aku'oi diaí mokomampu; mobalií mo'o'igum magiímakow kon daḷa-daḷanannya, mo'oyak in aku'oi.
4Oyuíon in akaḷku; aka pogogaiondon aku'oi nongkon oaíidanku tana'a, yo musti kobarongonku in yobayat inta mo'ibog pogutunanku!'
5Bo nadaitnya inoinií im bayongan intau inta koboli ko'i tuangnya bo pinoliboían. Sia noliboí kon intau inta muna, 'Degaí tongonu im bolimu ko'i tuangku?'
6Intau tatua noguman, 'ḷana Zaitun mogatut notampayang.' Daí bendahara tatua noguman kon intau tatua, 'Na'a in surat bobolianmu. lituí bo baḷuiai in surat tanion. Pais lima nopuḷuh notampayang.'
7Onda intua sia noliboí kon intau induanya, 'Tongonu im bolimu?' Intau tatua noguman, 'Gandum mogatut nokarong.' Da' kaiín bendahara doman tatua, 'Na'a in surat bobolianmu. Baḷuiai in surat tanion bo pais waḷu nopuḷuh nokarong.'
8Daí pinuji i tuangnya im bendahara inta diaí mojujur tatua lantaran mobayong in akaḷnya; sin intau mita inta modunia lebe mopandoi monompira kon oaíidan monia daripada intau mita inta nobiag kon nobayag."
9Bo ki Yesus bui noguman, "Indongogai in na'a! Pakeídon ing kapunya'an kon dunia potayak kon yobayat, simbaíaka kapunyaan tatua bo diaídon im mangalenya, yo mo'ikow in tantuíbií tarimaan kon tampat inta mononoi.
10Intau inta mota'au pirisayaan pokiaíidan in oaíidan mo'intok, sia mota'au doman pirisayaan pokiaíidan in oaíidan moḷoben. Ta'e intau inta diaí mota'au pirisayaan pokoaíidan in oaíidan mo'intok, yo sia in diaí doman mota'au pirisayaan pokiaíidan in oaíidan moḷoben.
11Daí aka bagupa soaáḷ kapunya'an dunia na'a bo diaídon mota'auan pirisayaan im mo'ikow, apapa doman kapunya'an inta kon soroga.
12Naí doman tua, aka mo'ikow bo diaídon mota'au pokilukadan ing kapunya'an intau, yo ki inebií im mo'ibog mobogoi onu inta mobalií kapunya'anmu?
13Simpaḷ tobatuí diaíbií mota'au monontuang kon doyowaí. Sin aka natua, tobatuí in saturuonnya yo tobatuí ing kotabinya. Andeka kosatianya in tongaíbií tobatuí, yo tobatuí in diaíbií indongogannya. Natua doman mo'ikow. Aka mo'ikow bo mopirisayadon ko'i Allah yo dona'ai bidon mo'ibog mokidongog kon onu inta indunia na'a."
14Onu in siningog i Yesus tatua dinongog in intau mita im Parisi ta'e tongaí kinosingan monia, sim mosia tua dinoit.
15Daí siningog i Yesus im mosia, "Mo'ikow ontongon naí intau mongobanar, ta'e kino'ta'auanbií i Allah kom bonu ing gina monimu. Sin onu inta kino'ibog in intau, tuata inta kinodoií i Allah.
16Hukum i Musa bo buk in nabi mita umuranpabií pinakeí nodapot kom masa i Yohanes Mobobaptis. Bo pinangkoidon nongkon wakutu intua Habar Mopia kon naíonda ing ki Allah mamangoi momarentah saḷaku raja tantuídon pinota'au. Bo intau mita umuran moramiji totok simbaí mobalií umat i Allah.
17Mogampa-gampang kon ḷangit bo butaí im moyoyang daripada tobatuí hurup kom bonu in hukum i Allah mo'inggamaí.
18Pomuḷoi intau inta mongga'at ko'i buḷoinya bobay bo bui mobuḷoi kom bobay ibanea, yo sia in nonualing; bo ki ine im motonibuḷoi takin bobay tatua inta aing gina'at i buḷoinya ḷoḷaki, yo sia in nonualingbií doman."
19"Oyuíon intau no'oyuíon inta umuran mogiḷambung in ḷambung inta totok im momahaḷ, bo pomuḷoi in singgai sia umuran moka'an kon ka'anon inta mongopia.
20Kon tayowon baḷoinya pinolituídon makow in tobatuí intau inta nobiag nobogaí totok, tangoinya ki Lazarus. Awak i Lazarus na'a totok im pinali-paliímai.
21Lantaran totokdon ginogoy daí nopunyutdon in sia kon onu kadon im moḷabuí nongkon meja in intau inta no'oyuíon tatua. Bo ungkuí mita mamangoi bo modelemut kom paliínya.
22Diaí no'onggot kon tua minatoi intau bogaí tatua bo dinia im malaekat mita pinobayak in tampat inta mopia kon diug i Abraham kon soroga. Natua doman in intau inta no'oyuíon tatua, minatoidon doman bo iḷobong.
23Kon dunia intau minatoi sia mororiga totok. Bo wakutu in sia iḷumangag nongkon tampatnya tatua, inontongnya ing ki Abraham bo ki Lazarus in ilimituí doman makow kon diugeamai.
24Daí intau no'oyuíon tatua nomaḷuí, 'Amaí Abraham! Kotabipa in aku'oi na'a. Tuḷungaipa potabaí ing ki Lazarus mopoḷodok in tononuyuínya kon tubig bo mamangoi momuntad kon dilaíku. Aku'oi totok mororiga kom bonu in tuḷu tana'a.'
25Ta'e ki Abraham notubag, 'Ule, toropdon adiíku: ikow aindon nokorasa kom bayongan inta mopira wakutu ikow nobiagpa kon dunia, ta'e ki Lazarus na'a in tongaíbií nokorasa kom bayongan inta diaí mopia. Manangka intua tana'a makow sia moko'ulií kon inta mopia kon na'a. Yo ikow im moko'ulií kon roriga.
26Apapa doman kon sigad nami bo inimu oyuíondon irang inta diaí mota'au bayaían. Tua im mangalenya simbaí intau inta nongkon na'a diaí mota'au mayak in nion bo intau inta nongkon nion diaí mota'au mamangoi in na'a!'
27Intau no'oyuíon tatua noguman nana'a, 'Aka natua, daí nana'adon im po'igumonku ko'i amaí: tuḷungaipa bo potabaí ing ki Lazarus mayak im baḷoi i amaíku.
28Sin taya limapa ing ki utatku kon tua. Potabaípa ing ki Lazarus mayak mobogoi im poringatan ko'i monia simbaí mosia diaí mobalií naí aku'oi mo'iukat kon tampat inta mororiga nana'a.'
29Daí ki Abraham notubag, 'Ko'i monia tua oyuíondon buk i Musa bo buk in nabi mita! Pomayakdon makow mosia in dumudui kon onu inta aim pinais kom bonu im buk mita tatua.'
30Ta'e intau no'oyuíon tatua noguman, 'Diaípabií tugat intua amaí Abraham. Ta'e aka oyuíon in intau minatoi mobiag bui bo mamangoi ko'i monia, yo mogogai bidon im mosia mogaid kon dosa mita monia.'
31Ta'e ki Abraham bui doman noguman ko'inia nana'a, 'Aka mosia tua bo diaí mokidongog kon onu inta pinoguman i Musa bo i nabi mita, yo mangalenya mosia tua in diaíbií doman mopirisaya, umpakahbií oyuíon intau minatoi im bui mobiag bo mamangoi mobogoi im poringatan ko'i monia.'"
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel