Alkitab Mobile SABDA
[VER] : [MONGONDOW]     [PL]  [PB] 
 <<  Lukas 17 >> 

1Ki Yesus noguman kom murií-Nya mita, "Soaáḷ mita inta mokopopisií kon intau mogaid kon dosa pastibií kon oyuíon. Ta'e moboditobií in intau inta mokopopisií tatua.

2Intau natua im manikah bo popotogotan ing gantung kon sigogownya, bo ḷadungon kon dagat daripada mobiag in sia bo tongaí mokopopisií kon intau mita mo'intok tana'a mogaid kon dosa.

3Tuamai, mokopo'ingatdon! Aka ki utatmu bo mogaid kon no'itaḷaí, yo togur. Aka sia bo mo'ibog mokidongog, yo ampungai.

4Aka sia bo nogaid kon dosa ko'inimu, kopitu in tosinggai bo pomuḷoi doman makow in sia mamangoi bo moguman, 'Maaponndon aku'oi,' yo ampungaibií doman in sia."

5Daí rasuḷ mita tatua noguman ko'i Tuhan Yesus, "Tuhan, iropotaidon im pirisaya nami."

6Tubag i Tuhan, "Aka oyuíon im pirisaya monimu tongaíkabií naí koḷoben batoḷ in sesawi, yo mo'ikow im mota'aubií moguman kom pangkoi ing kayu inta moḷoben tatua, 'Korabutdon ikow bo kobiagdon kom bonu in dagat,' daí pangkoi ing kayu tatua dumuduibií doman kon singogmu."

7"Aka kuma bo kon sigad monimu nion ko bobantung inta nomajeko kong gobaí andeka noḷukad kon domba, bo aka bobantung tatua mobuidon mangoi, yo degaí mo'ikow moguman nana'a, 'Igai baí monga'andon?'

8Tantuí diaíbií natua! Sia im pastibií moguman kom bobantungnya nana'a, 'Kolikatdon bo oḷudaidaipa in aku'oi. Pogiḷambung in ḷambung inta modarit bo oḷaton aku'oi modapot mopaḷut monga'an bo monginum, bain tua bo monga'an in ikow.'

9Umpakah yo pujionnyapa doman im bobantungnya tatua sin aindon inaidannya inta pinokiaíid ko'inia?

10Natua doman mo'ikow. Aka inaidandon mita monimu onu inta pinokiaíid ko'i monimu yo singogdon nana'a, 'Kami na'a in tongaíbií bobantung mita inta diaí baraguna; kami in tongaíbií mogaid kon onu inta pinokiaíid ko'inami!'"

11Kom bonu im binaya'an mopobayak in Yerusalem, ki Yesus nongin daḷan inta kon sigad in Samaria bo Galilea.

12Wakutu in Sia sinumu'otdon kon tobatuí lipuí, Sia inangoi in intau taya mopuḷuh inta pinanyaki kusta. Mosia tongaí sinimindog nongkon moyayuk

13bo nomaḷuí nana'a, "Yesus! Tuang! Kotabipa ing kami na'a!"

14Daí ki Yesus nobobui ko'i monia bo noguman, "Bayakdon bo poki'indoi kon imang mita in awak monimu nion." Bo kon daḷanpa im mosia, nopiadon panyaki mita monia tua.

15Wakutu in tobatuí intau kon sigad monia tua noko'ta'aumai kon sia ain nopia, sia nobui mangoi ko'i Yesus sindaḷan nodayow ko'i Allah.

16No'iyaputmai ko'i Yesus, sia sinumungkud kon tayowon si'oḷ-Nya bo nopoyaput in sukur moaíntoí ko'i Yesus. Sia tua intau in Samaria.

17Daí ki Yesus noguman ko'inia, "Kinota'auan-Ku mo'ikow mopuḷuh komintan bidon nongopia, yo onda in taya siow?

18Nongonu sin tongaíbií ikow, intau inta tongaí doman mokokiaíngoi in no'ibog namangoi bui ko'i-Nakoí bo mopoyaput in sukur moaíntoí ko'i Allah?"

19Bo ki Yesus bui noguman kon intau tatua, "Pobuatdon bo bayakdon. Ikow in nopirisaya ko'i-Nakoí daí nopia."

20Tongonumai intau im Parisi namangoi bo noliboí ko'i Yesus mongo to'onu ing ki Allah mamangoi momarentah. Daí ki Yesus notubag, "Aka ki Allah momarentah yo diaíbií pinangkoi kon tanda mita inta ko'ontongan in intau,

21sahingga intau moguman nana'a, 'Indoiaikah, Sia in na'a!' andeka, 'Kon tua in Sia!' Sing ki Allah nomangkoidon nomarentah kon yuaí-yuaík monimu."

22Ki Yesus noguman kom murií-Nya mita nana'a, "Mo'iangoibií in wakutunya, mo'ikow mo'ibog mo'indoi kon tobatuí singgai nongkon singgai mita i Adií Intau tatua, ta'e mo'ikow in diaíbií moko'ontong.

23Ta'e oyuíon intau im moguman ko'i monimu nana'a, 'Indoiai, kon tua in Sia!' andeka 'Indoiai, kon na'a in Sia!' Ta'e dikabií im mo'ikow ḷumuai bo motayak ko'i-Nia.

24Sin naíonda bo kilat inta nonimbayag nongkon popod in ḷangit toḷosi bo mopobayak doman popod in ḷangit toḷosi natuata in singgai koaíngoian Adií Intau.

25Ta'e Sia munapabií mokorasa kon roriga bo diaípabií tarima'an in intau mita masaiín tana'a.

26Kon singgai inta koaíngoian Adií Intau naíonda bo kom masa i Nabi Nuh tungkuḷ intua.

27Intau mita in nonga'anbií bo nonginum, nobuḷoi bo pinobuḷoi nodapot kon singgai ki Nuh sinumu'otdon kom bonu ing kapaḷ bo ḷunud moḷoben namangoi bo nomutuí kon intau mita tatua.

28Naí doman tua in nobalií kom masa i Lot. Intau mita nonga'an, nonginum, nopotaḷui, notaḷui, nomunak bo nobaḷoi.

29Ta'e naonda ing ki Lot iḷumuai nongkon Sodom, kon singgaipa doman tatua, tuḷu bo balerang noḷabuí nongkon ḷangit bo nomutuí ko'i monia komintan.

30Natua doman im mobalií ko wakutu in Adií Intau mamangoi.

31Kon singgai tatua, aka ki ine ing kon tudu in atop im baḷoinya, yo dona'aidon moponag bo mogamaí kong kapunya'annya kom bonu im baḷoi. Natua doman intau inta kong gobaí, dona'ai bidon mobui kom baḷoinya.

32Toropdon onu inta ain nobalií ko'i buḷoi Lot!

33Intau inta moramiji totok moposaḷamat in nyawanya, yo sia ing kobulian in nyawanya, ta'e intau inta kobulian in nyawanya sin dinumudui ko'i-Nakoí, sia im mosaḷamatbií.

34Pirisaya'ai in singog-Ku tana'a: Kon doḷom kobaliían intua, oyuíon doyowa intau in nosiug toḷanta'an. Tobatuí in diaan, tobatuí in taḷa'an.

35Doyowa im bobay inta koyogot mogiling kong gandum, tobatuí in diaan, tobatuí doman in taḷaían.

36[Aka doyowa doman intau in yogot nogaid kong gobaí, yo tobatuí in diaan, bo tobatuí doman in taḷaían.]"

37Daí murií mita i Yesus noliboí ko'i-Nia, "Kon onda ing kobaliían intua komintan, Tuhan?" Ki Yesus notubag, "Kon onda oyuíon mahaḷuk minatoi, kon tua oyuíon doman i ḷagapan mokoka'an kom mayat moyosipun."



 <<  Lukas 17 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel