1Popokanalkudon ko'i monimu ing ki utat naton bobay, ki Peibe in tangoinya, sia nobantung kon jama'at inta kong Kengkrea.
2Tarimadon in sia saḷaku tobatuí umat i Tuhan. Mustibií natua in intau mita inta mopirisaya mositarima'an. Bantuai in sia aka oyuíon im paraḷunya ko'i monimu, sin sia tontanií ain notuḷung kon intau mobayong, termasuk doman aku'oi.
3Poyaputpa in salamku ko'i Priskila bo ko'i Akwila, bo kon yobayatku mita inta tumpaḷa nogaid kon oaíidan i Kristus.
4Mosia tua ain nopotaru in nyawa monia sim moposaḷamat ko'inakoí. Aku'oi takin jama'at mita inta de'eman intau in Yahudi mopoyaput in sukur moaíntoí ko'i monia tua.
5Poyaputpa in salamku kon jama'at mita inta noyosipun kom baḷoi monia. Salam doman ko'i utatku ki Epenetus inta kinotabiku, tuata in intau inta muna-munamai nopirisaya ko'i Kristus kon Asia.
6Poyaputpa doman in salamku ko'i Maria. Sia ain irumoriga totok nogaid sing kopontingan monimu.
7Poyaputpa doman in salamku ko'i Andronikus bo ko'i Yunias. Mosia tua in tolipuíanku bo pernahdon sinumu'ot kom ponjara takinku. Wakutu in aku'oi diaípa nopirisaya ko'i Kristus mosia im munadon nopirisaya. Tangoi monia tua kinota'auan bidon totok in rasul mita.
8Salampa ko'i Ampliatus, inta kotabiku sin sia ain noyotakinku notobatuí takin i Tuhan.
9Poyaputpa in hormatku ko'i Urbanus, yobayat topogaidan naton sing kopontingan i Kristus. Bo hormatku doman ko'i Stakhis inta kinotabiku.
10Salam ko'i Apeles. Kotoinduduinya ko'i Kristus aindon no'uji. Salam doman kong koluarga i Aristobulus,
11bo ko'i Herodion. Sia tua in tosukuku. Salam doman ko'i utat naton inta mopirisaya ko'i Kristus inta tombonu im baḷoi Narkisus.
12Salam doman ko'i Tripena bo ko'i Triposa inta ain noramiji totok nogaid sing kopontingan i Tuhan, bo salam doman ko'i Persis inta kinotabiku. Sia doman tua inta ain noramiji totok nogaid sing kopontingan i Tuhan.
13Salam ko'i Rupus bo ko'i inaínya inta inanggapkudon naí ki inaíku tontanií. Ki Rupus tua in intau inta aim pinilií i Tuhan bo mopia doman in oaíidnya.
14Poyaputpa doman in salamku ko'i Asinkritus, ko'i Plegon, ko'i Hermes, ko'i Patrobas, ko'i Hermas bo kom bayongan intau inta mopirisaya ko'i Kristus inta noyotakin monia.
15Salam doman ko'i Pilologus bo ko'i Yulia; ko'i Nereus bo ko'i bobaynya; ko'i Olimpas bo kom bayongan intau mopirisaya inta noyotakin monia.
16Posisalamanbií takin tabi saḷaku tumpaḷa utat inta mopirisaya ko'i Kristus. Bayongan jama'at i Kristus kon na'a nopoyaput in salam ko'i monimu komintan.
17Utatku mita! Indongogaipa in tongginaku tana'a: Mokopo'ingatdon kon intau mita inta mo'ibog moropatoi kon jama'at bo inta mopotomba'uk im pirisaya intau ko'i Tuhan. Sin soaáḷ tatua noyoposibií in inta ain sinunduí ko'i monimu. Dikadon moyobayat in intau mita natua!
18Sin intau mita inta momia kon natua, de'emanbií mogaid sing kopontingan i Kristus inta Tuhan naton, ta'e tongaíbií motayak kong kasanangan ing gina monia tontanií. Dondouḷug bo singog monia moaáḷus inta kodongogan tua in tongaíbií pakeíon monia monguboḷ kon intau mita inta diaípa nonota'au in onu bo onu.
19Bayongan intau ain nonota'au kon naí onda ing kotoindudui monimu kon totunduí soaáḷ Habar Mopia inta nongkon i Allah. Nokota'aumai kon natua in aid monimu, nopia totok ing ginaku. Ibogonku mobijaksana im mo'ikow mogaid kon soaáḷ mita inta mopia, bo diaí mota'au mogaid kon soaáḷ mita inta mora'at.
20Ki Allah inta mobogoi ing kobiagan motompia kon intau, mopotungkudbií in Ibilis kon limonag ing kawasamu bo rimumudonmu in sia. Po'igumon doman makow, mo'ikow umuran barakatan i Yesus Kristus, Tuhan naton!
21Yobayat topogaidanku ki Timotius, nopoyaput doman in salamnya ko'i monimu. Naí doman tua ing ki Lukius, ki Yason bo ki Sosipater, inta tosukuku.
22Nomais kon surat tana'a in aku'oi ki Tertius. Aku'oi im mopoyaput in salam pogogutat ko'i monimu.
23Ki Gayus nopoyaput doman in salam ko'i monimu. Aku'oi in nonganduppa kom baḷoinya, bo jama'at nami nongandupa doman no'ibadah kon tua. Ki Erastus, tobatuí itoi im mokokadai kon doit kong kotaí nokipoyaput doman in salamnya ko'i monimu. Naí doman tua ing ki Kwartus, ki utat naton.
24[Po'igumondon makow, ki Tuhan naton ki Yesus Kristus momarakat ko'i utat mita. Amin.]
25Dinayo-dayowdon ki Allah! Sia im mongawasa moginrigon kom pirisaya monimu podudui in Habar Mopia nongkon i Allah inta pinota'auku soaáḷ ki Yesus Kristus. Habar inta pinota'auku tua notongkai in onu inta pino'ontong i Allah ko'inakoí; tuata in soaáḷ roncana i Allah inta no'onggotdon totok ing kinota'auan intau.
26Ta'e masai na'a, podudui im parentah i Allah inta mononoi, roncana tatua aim pinonyata bo ain pinota'au kom bayongan intau, inta pinongin onu inta aim pinais in nabi mita, simbaí mosia komintandon mopirisaya bo motoindudui ko'i Allah.
27Tongaíbií Sia-sia mita in Allah, mobijaksana totok in Sia. Po'igumondon makow Sia umuran duiíon bo dayowon pomuḷoi makow pongin i Yesus Kristus! Amin. Homat nami, Ki Paulus, mogogaid kon oaíidan i Kristus Yesus
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel