Alkitab Mobile SABDA
[VER] : [MONGONDOW]     [PL]  [PB] 
 <<  Yohanes 1 >> 

1Nongkon pinomangkoianpamai, wakutu in dunia na'a diaípa pinomia, Pirman i Allah tatua koyongan bidon oyuíon. Pirman i Allah tatua koyotaki-takin i Allah, bo Sia-Siakabií ing ki Allah.

2Nongkon pinomangkoianpabiímai Sia noyotakin i Allah.

3Bayongan yagi-yagi pinomia pinodoyon ko'i-Nia, bo nongkon bayongan inta oyuíon, diaíbií in tobatuímai pinomia diaí pinodoyon ko'i-Nia.

4Ko'i-Nia oyuíon ing kobiagan, bo kobiagan tatua inta monimbayag kon intau.

5Bayag tatua in nonindar kon sindip, bo Sia in diaíbií kokawasa'an in sindip tatua.

6Namangoidon tobatuí intau inta pinotabaí i Allah, ki Yohanes in tangoinya.

7Sia namangoi nopota'au kon soaáḷ bayag tatua, simbaí mopirisayadon im bayongan intau.

8Sia tontani de'emanbií bayag tatua, sia in tongaíbií nopota'au.

9Bayag totokea inta monimbayag kom bayongan intau, tayo-tayowdon mamangoi kon dunia.

10Pirman tatua na'a bidon kon dunia, Siabií tua in nomia kon dunia na'a, ta'e dunia diaí nonota'au ko'i-Nia.

11Sia namangoi in dunia inta pinomia-Nya tontanií ta'e intau mita kapunya'an-Nya tatua doií motarima ko'i-Nia.

12Tongaí oyuíon doman in notarima ko'i-Nia bo nopirisaya ko'i-Nia; mosia tua inogoian in hak mobalií ki adií i Allah,

13inta pinononggadií de'eman nongkon intau, sing kobiagan mobagu tua in nongkon i Allahbií im pangkoinya.

14Pirman ain nobalií intau, Sia nogutun kon sigad naton, bo kita ain noko'ontong kong kamulia'an-Nya. Kamulia'an inta sinarima-Nya saḷaku Adií tuḷong i Amaí. Pinongin i-Nia tua kita moko'ontong ko'i Allah bo tabi-Nya ko'i naton.

15Ki Yohanes namangoi saḷaku saksi-Nya, sia nopohabar: "Na'adon in Sia inta pinogumanku: Mo'iduduimai ko'inakoí, mo'iangoi in Sia inta mokawa-kawasa nongkon inakoí, sin Sia oyuíondon kowakutu in aku'oi diaípa."

16Moḷoben totok in tabi-Nya, diaí ing gogainya Sia momarakat ko'i naton.

17Hukum i Tuhan sinarima naton nongkon i Musa. Ta'e tabi bo kososatia i Allah pinonyatadon ko'i Yesus Kristus.

18Diaíbií im pernah noko'ontong ko'i Allah, kolikudbií ing ki Adií tuḷong i Amaí, inta notongkai i Amaí bo modagin totok ko'i-Nia. Ko'i-Nia tuata monyata ko'i naton ing ki Amaí.

19Ponguasa mita Yahudi kon Yerusalem nopotabaí kon imang mita bo intau mita in Lewi minayak ko'i Yohanes bo noliboí nana'a, "Ki ine ikow na'a?"

20Taran-tarangandon ki Yohanes nongaku, "Aku'oi in de'emanbií Raja Mopoposaḷamat."

21Daí bui iliboí monia, "Aka natua, ki ine ikow? Ki Elia degaí ikow?" Tubagnya: "De'eman". "Tobatuí nabi degaí?" iliboí bui monia. Ta'e ki Yohanes notubag doman: "De'eman".

22"Aka natua, daí pogumandon ko'inami mongo ki ine ikow na'a? simbaí kota'auan nami im potubag ko'i monia inta nopotabaí mangoi ko'inami. Aka podudui in raianmu yo ki ine in ikow nion?"

23Ki Yohanes notubag: "Aku'oibií na'a inta imakusud in singog i Nabi Yesaya nana'a: 'Intau inta nobaḷuí kom padang gurun: Tondodaidon daḷan ko'i Tuhan.'"

24Intau mita inta pinotabaí i intau im Parisi,

25noliboí ko'i Yohanes nana'a: "Aka ikow de'eman Raja Mopoposaḷamat, de'eman ki Elia, bo de'eman doman tobatuí nabi, yo nongonu sin ikow i mobaptisbií?"

26Ki Yohanes notubag, "Aku'oi mopobaptis in tubig. Ta'e kon yuaí-yuaík monimu, oyuíon tobatuí intau inta diaí kinota'auan monimu.

27Sia inta namangoi no'iduduimai ko'inakoí, ta'e umpakah tongaí mobuka kon togot in sapatu-Nya, yo diaí patus in aku'oi."

28Tua komintan nobalií kom Betania inta kon ḷoḷanmai Ongkag in Yordan inta pobaptisanmai i Yohanes.

29Nopo'ikoḷomai kon singgai, indoianmai Yohanes ki Yesus namangoi ko'inia. Bo ki Yohanes noguman, "Indoiai, tuata ing ki Adií in Domba i Allah inta momopat kon dosa in dunia."

30Sia tuata inta imakusud in singogku, "Mo'iduduimai ko'inakoí mamangoi in Sia inta mokawa-kawasa nongkon inakoí, sing kowakutu in aku'oi diaípa pinolahir, Sia koyongandon oyuíon."

31Aku'oi tontanií, diaíbií nonota'au ko'i-Nia ing kolipod. Padahaḷ aku'oi namangoi nobaptis in tubig simbaí intau mita Israel monota'au ko'i-Nia.

32Ki Yohanes noguman doman nana'a, "Aku'oi noko'ontong kon Roho i Allah noponag nongkon ḷangit naonda bo ḷagapan paḷoma dinumompaí bo nogutun ko'i-Nia.

33Tungkuḷ intua diaípabií kinota'auanku mongo ki ine in Sia. Ta'e ki Allah inta nopotabaí ko'inakoí mopobaptis in tubig nogumandon ko'inakoí nana'a: 'Aka moko'ontong ikow kon Roho i Allah moponag bo mogutun kon tobatuí intau, yo intaubií tatuata inta mopobaptis in Roho i Allah.'

34Bo inontongkudon tontanií intua," guman i Yohanes, "Bo pota'aukudon ko'i monimu kon Siabií tua ing ki Adií i Allah."

35Nopoikoḷomai kon singgai, ki Yohanes kon tampat bui tatua takin muriínya doyowa.

36Naonda inontongnya ing ki Yesus no'italib, Sia noguman: "Indoiai! Tuata Adií Domba i Allah."

37Dinongog i muriínya doyowa tatua in singognya tatua, daí minayak in taya dua dinumudui ko'i Yesus.

38Ki Yesus nobobui ko'i monia inta dumuduianmai ko'i-Nia bo poḷat noliboí, "Onu in tayakon monimu?" Tubag monia, "Rabi, kon onda im pinogutunan i Rabi?" (Rabi mangalenya guru.)

39Daí kai Yesus doman, "Koligai! Indoiaidon monimu tontanií." Mosia namangoi domandon bo no'idoi kom pinogutunan-Nya. Dodai intua jam empatdon moḷoḷabung. Singgai intua mosia nogutunpa noyotakin i Yesus.

40Tobatuí kon sigad nayadua tua inta ain nokodongog kon onu inta pinoguman i Yohanes bo inta minayak dinumudui ko'i Yesus, tangoinya ing ki Andreas ki utat i Simon Petrus.

41Daí ki Andreas ḷagi notayak ko'i Simon ki utatnya bo noguman ko'inia, "Kami ain noyodungkuḷ i Mesias!" (Mesias notongkai ing Kristus: Raja Mopoposaḷamat.)

42Ki Simon dinia i Andreas minayak ko'i Yesus. Ki Yesus inimindoi ko'i Simon, bo noguman: "Ikow ki Simon, ki adií i Yohanes. Ikow tangoiondon ki Kepas." (Kepas notongkai im Petrus, mangalenya buḷud batu.)

43Nopo'ikoḷomai kon singgai ki Yesus nonantuídon kom mayak ing Galilea. Sia noyodungkuḷ i Pilipus. Ki Yesus noguman ko'i Pilipus, "Koligai duduidon ko'i-Nakoí!"

44Ki Pilipus na'a intau im Betsaida, kotaí inta pinogutunan i Andreas bo i Petrus.

45Bo ki Pilipus noyodungkuḷ i Natanael bo poḷat noguman ko'inia, "No'uliídon nami in intau inta sinangoi i Musa kom bonu im buk hukum i Allah, bo inta aim pinota'au muna in nabi mita. Sia tua ing ki Yesus, intau in Nazaret, ki adií i Yusup."

46Ta'e ki Natanael noguman, "Eta oyuíon degaí im mopia mamangoi nongkon Nazaret?" Daí kai Pilipus doman, "Koligai, indoianmudon tontanií!"

47Inontong i Yesus ing ki Natanael namangoi, daí ki Yesus noguman nana'a soaáḷ ki Natanael tua, "Indoiai, tua intau Israel motulid, diaíbií in uboḷ kong ginanya!"

48Daí ki Natanael noliboí ko'i Yesus: "Naonda ing kinotota'au i Amaí ko'inakoí?" Tubag i Yesus, "Wakutu in diaípa inoinií i Pilipus ikow, inontong-Kudon ikow kon limonag im pangkoi ara tatua."

49"Pak Guru, guman i Natanael, ki Amaí ing ki Adií i Allah!"

50Ki Yesus noguman ko'i Natanael, "Ikow nopirisaya ko'i-Nakoí tongaí lantaran dega' Aku'oi noguman ko'inimu kon ikow inontong-Kudon kon siungonmai pangkoi in ara tatua? Soaáḷ mita inta lebe moḷobe-ḷoben nongkon tua ko'ontonganmubií!"

51Ki Yesus noguman doman, "Totu'u, popirisayadon! Ikow moko'ontongbií kon ḷangit mobukat bo malaekat mita i Allah moponik-moponag mamangoi ko'i Adií Intau."



 <<  Yohanes 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel