1Oyuíon tobatuí intau ki Lazarus in tangoinya. Sia nogutun kom Betania noyotakin i utatnya mita bobay ki Maria bo ki Marta.
2Ki Maria na'a im bobay inta nopongipu in ḷana nobondu kon si'oḷ i Tuhan bodongka iradatannya bui im bu'oknya. Kon singgai tobatuí ki utat monia ki Lazarus na'a notakit.
3Daí ki Maria bo ki Marta na'a minayak ko'i Yesus bo nopota'au; "Tuhan, ki utat nami inta totok kinotabi Tuhan tua notakit."
4Ta'e naonda in dinongog i Yesus in habar tatua, Sia noguman:"Panyakinya tatua diaíbií mokopatoi ko'inia. Na'a in nobaliíbií simbaí kakuasa'an i Allah poponyatadon bo baí lantaran panyaki tatua ki Adií i Allah poḷantudon doman."
5Ki Yesus im motabibií ko'i Maria, ko'i Marta bo ko'i Lazarus ki utat monia.
6Ta'e naonda ki Yesus nokota'aumai kon habar kong ki Lazarus notakit, daí sangajabií in Sia nogutunpa doyowa nosinggai kon tua.
7Bain nopaḷut makow kon tua bo noguman in Sia kom murií-Nya mita: "Koligai mayakpa bui ing kita kon Yudea."
8Ta'e mosia notubag, "Pak Guru, nobagumai na'a intau mita in Yahudi moramiji mogandur im batu ko'i Pak Guru, yo tana'a nongonu sing ki Pak Guru mogoiniíbií bui mayak intua?"
9Ki Yesus notubag, "Degaí diaíbií kinota'auan monimu kon tosinggai tua mopuḷuhbií bodoyowaí, nojam? Intau inta mayak singgai, diaíbií mo'ipintud, sin ontongonnyabií bayag in dunia na'a.
10Ta'e intau inta mayak doḷom mo'ipintudbií, sin diaí im bayag ko'inia."
11Natua im pinoguman i Yesus. No'iduduimai kon tua noguman bui in Sia, "Ki utat naton ki Lazarus aindon nosiug, ta'e bayaían-Kubií bo bangonon in sia."
12Dumodudui mita i Yesus noguman, "Tuhan, aka ki Lazarus nosiug, mopiabií in sia."
13Makusud i Yesus ki Lazarus tua aim bidon minatoi. Ta'e sinangka monia makusud i Yesus tua kong ki Lazarus tua in nosiugbií naí biasamai.
14Tuamai im pinogumandon i Yesus taran-tarangan, "Ki Lazarus minatoidon.
15Ta'e nopiabií ing gina-Ku sin diaí in Aku'oi kon tua, sin natuabií i mopia ko'i monimu, simbaí mo'ikow mopirisayadon. Koligai kita mayakdon ko'i Lazarus tana'a makow."
16Ki Tomas inta dinonoi "ki Apang" noguman kon yobayatnya mita inta murií mita i Yesus, "Koligai dumudui ing kita, biar kita matoi moyotakin-Nya!"
17Naonda ing ki Yesus nodapotdon kon lipuí inta pinogutunan i Lazarus, Ki Lazarus koyongandon opat nosinggai iḷobong.
18Betania na'a in nodiug kon Yerusalem, degaí toḷumai nokilo ing koyayuknya.
19Kon tua nobayong intau in Yahudi namangoi bo nohiburmai ko'i Marta bo ko'i Maria lantaran kinopatoian i utat monia.
20Naonda in dinongog i Marta kong ki Yesus namangoi, sia iḷumuai sim monontomu ko'i Yesus, ta'e ki Maria in tongaí kom baḷoi.
21Ki Marta noguman ko'i Yesus, "Tuhan, aka kuma bo kon na'a ing ki Tuhan dodai intua, yo diaíbií minatoi ing ki utat nami.
22Tongaí kinota'auankubií doman kon tana'a makow ki Allah im mobogoibií doman kon onukabií im po'igumon i Tuhan ko'i-Nia."
23Guman i Yesus ko'i Marta, "Ki utatmu i mobiagbií bui."
24Daí kai Marta doman, "Kinota'auankubií kong ki Lazarus im mobiagbií bui aka intau minatoi biagandon kon singgai pohakiman."
25Ki Yesus noguman bui ko'i Marta, "Aku'oibií inta mobogoi ing kobiagan bo inta momiag kon intau minatoi. Intau inta mopirisaya ko'i-Nakoí in mobiagbií, umpakahbií sia minatoidon.
26Bo intau nobiag inta mopirisaya ko'i-Nakoí, mobiagbií mononoi. Mopirisaya degaí ikow kon singog-Ku tatua?"
27"Tuhan," kai Marta, "Aku'oi mopirisayabií kong ki Tuhan ki Adií i Allah, Raja Mopoposaḷamat inta mamangoi in dunia na'a."
28Noguman makow natua ing ki Marta, minayak in sia nogoinií ko'i utatnya ki Maria bo nopogombong ko'inia, "Ki Pak Guru kon na'adon, iliboí-Nya ikow."
29Nokodongogmai kon tua, ki Maria bango-bangon, bo minayak nokipodungkuḷ ko'i Yesus.
30Dodai intua, ki Yesus diaípa no'iyaput in desa. Sia kon lipuípa inta binayak i Marta pinokipodungkuḷan.
31Naonda intau mita Yahudi inta namangoi nohibur ko'i Maria kom baḷoi noko'ontong ko'i Maria bango-bangon bo ilimikat iḷumuai, dinuduian monia in sia, sin iraimai monia sia mayakbií ing kubur bo mongombaḷ.
32Wakutu ing ki Maria no'idapotdon ko'i Yesus bo noko'ontongdon ko'i-Nia, sinumungkud in Sia kon tayowon-Nya bo noguman, "Tuhan, aka kuma dodai intua ki Tuhan kon na'a, yo diaíbií minatoi ing ki utatku."
33Naonda inontong i Yesus ki Maria nongombaḷ, bo intau mita i Yahudi inta namangoi noyotakinnya tua nongombaḷ doman, noaíjar totok ing gina-Nya, bo totokdon inagiían tabi in Sia.
34Daí Sia noliboídon ko'i monia, "Kon onda im pinonguburan monimu ko'inia?" Tubag monia:"Igai mo'indoi, Tuhan."
35Bo ki Yesus nongombaḷ.
36Bo intau mita in Yahudi noguman, "Indoiaikah, totokbií in Sia motabi ko'i Lazarus!"
37Ta'e oyuíon doman ing kon sigad monia tua in nosingog, "Intau bilog mota'au baliíon-Nya moko'ontong, yo nongonu sin diaíbií in Sia nokoaímpag simbaí ki Lazarus diaí matoi?"
38Kom bonupa ing ka'ada'an notabi, ki Yesus minayak ing kubur. Kubur tatua in tobatuí goa inta sinaḷoban im batu moḷoben.
39Ki Yesus noguman, "Posidon im batu tatua." Ta'e ki Marta, ki utat in intau inta minatoi tatua notubag, "Tuhan, aindon opat nosinggai im pinonguburan ko'inia. Tantuí nobongkog bidon!"
40Daí ki Yesus noguman ko'i Marta, "Degaí kinolionganmudon inta pinoguman-Ku ko'inimu, kon aka ikow mopirisaya, yo ikow i moko'ontongbií kong kawasa i Allah inta totu'u moḷoben!"
41Daí pinosidon monia im batu tatua. Onda intua ki Yesus iḷumangag kon ḷangit bo nosingog, "Sukur moaíntoí Amaí, sin ain inindongogan-Mu in Aku'oi.
42Kinota'auan-Kubií kon umuran-Mubií indongogan in Aku'oi, ta'e singogon-Ku in na'a, kon tayowon intau mita inta kon na'a, simbaí mosia mopirisaya kon Ikowbií in nopotabaí mangoi ko'i-Nakoí."
43Nosingog makow natua, ki Yesus nomaḷuí noropot noguman, "Lazarus, ḷuaidon!"
44Daí iḷumuaidon in intau inta aim minatoi tatua. lima bo si'oḷnya kobaku-bakutpa im pusi, bo pogotnya kobaku-bakutpa doman im pusi inta pinobakut kom pogotnya. "Bukaídon im pusi tanion simbaí mobebasdon sia im mayak", guman i Yesus kon intau mita kon tua.
45Nobayong intau Yahudi inta namangoi nohibur ko'i Maria nopirisayadon ko'i Yesus naonda in noko'ontong kon onu inta nobalií tatua.
46Ta'e oyuíon doman in tongonumai kon sigad monia tua im minayak kon intau mita im Parisi bo nongonguman kon onu inta ain inaidan i Yesus.
47Sin tuamai intau mita im Parisi bo imang mita itoi nogaid kon rapat takin Mahkama Agama. Mosia noliboí, "Onu im musti aidan naton? Intau tana'a mokakitdon mogaid kon soaáḷ mita inta mokoherang kon intau!
48Aka pomayak naton Sia umuran mogaid kon oaíidan-Nya, yo bayongan intau mopirisayadon ko'i-Nia. Bo pangabisannya ponguasa in Rum mamangoi bo momoguya'at kom Baḷoi Tuhan bo bayongan intau naton!"
49Tobatuí nongkon sigad monia inta tangoinya ki Kayapas, imang moḷoben kon taong tatua, nosingog, "Mo'ikow diaíbií nonota'au in onu bo onu.
50Degaí diaíbií kinota'auan monimu, kon lantaran kopontingan intau moaíntoí, daí manikah intau tobatuí matoi daripada bayongan bangsa morimumud?"
51Sabanarnya ki Kayapas nosingog kon tua, de'emanbií nongkon raiannya tontanií. Ta'e saḷaku imang moḷoben taong tatua sia nopota'audon muna kong ki Yesus i matoibií sing kopontingan im bangusa Yahudi.
52Bo de'emanbií tongaí bangusa Yahudi, ta'e mosipunbií bo moponobatuí kon adií mita i Allah inta no'irangkapdon.
53Mulaidon singgai tua itoi mita Yahudi noyopakat kom molimod ko'i Yesus.
54Tuamai ki Yesus diaídon minayak kon sigad in intau mobayong inta kon sigad i intau Yahudi. Sia nonaḷaímaidon kon Yudea, bo minayak ing kotaí Epraim inta kon diug im padang gurun. Sia nogutun kon tua takin murií-Nya mita.
55Wakutu intua motoyongdon Singgai im Paskah intau Yahudi. Nobayongdon intau nongkon lipu-lipuíannya minayakdon in Yerusalem sim mopobayak in adat pondaritan kon awak kowakutu in diaípa singgai poraya'an tatua.
56Mosia notayak ko'i Yesus, bo wakutu noyosipun kom Baḷoi Tuhan, mosia nosi-gumanan, "Aka podudui in raianmu yo naonda? Degaí diaí in Sia mamangoi kom poramean tana'a."
57Mosia noguman natua sin imang mita itoi bo intau mita im Parisi ain nopoḷuai im parentah kong ki ine in nokota'au kon onda ing Yesus, musti mopota'au simbaí Sia kodomokan.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel