Alkitab Mobile SABDA
[VER] : [MONGONDOW]     [PL]  [PB] 
 <<  Yohanes 3 >> 

1Oyuíon tobatuí tokoh agama nongkon golongan intau im Parisi, tangoinya ki Nikodemus.

2Kon doḷom tobatuí, sia namangoi ko'i Yesus bo noguman, "Pak Guru, kinota'auan nami kong ki Amaí im pinotabaíbií i Allah. Sin diaíbií in tobatuímai intau mota'au mogaid kon soaáḷ mita inta mokoherang naí inta pinomia i Pak Guru aka ki Allah diaí kotaki-takinnya."

3Tubag i Yesus, "Totu'u, kon diaíbií in tobatuímai intau mota'au mobalií umat i Allah, aka sia diaí polahiron bui."

4Daí ki Nikodemus noguman nana'a ko'i Yesus, "Diaíbií doman intau inta noguyangdon bo polahironbií bui! Mota'au degaí in sia tumuot bui kon sian i inaínya bo polahiron bui?"

5Ki Yesus notubag, "Totu'ubií in singog-Ku tana'a: aka intau bo diaí polahiron nongkon tubig bo nongkon Roho i Allah, yo intau tatua diaíbií mota'au mobalií umat i Allah.

6Aka awak na'a pinolahirbií ing guyanga, ta'e aka secara rohani yo pinolahirbií in Roho i Allah.

7Dika moherang aka Aku'oi moguman kom mo'ikow komintan musti polahiron bui.

8Tompot mogirup kon onda ing ko'ibognya; kodongogan naton in singognya, ta'e diaíbií kota'auan naton mongo nongkon onda ing kinoaíngoiannya bo kon onda im bayaíannya. Natua doman in intau inta pinolahir nongkon Roho i Allah."

9Ki Nikodemus noliboí bui, "Daí naondabií ing kobobalií intua?"

10Tubag i Yesus, "Ikow nion guru kon Israel, umpakah yo diaí kota'auanmu in soaáḷ tatua?

11Pirisayadon: Kami mosingog kon onu inta kinota'auan nami, bo tongaíbií doman onu inta ain inontong nami tua im pota'au nami; ta'e mo'ikow doií motarima kon onu im pinota'au nami.

12Mo'ikow diaí mopirisaya aka Aku'oi mongonguman kon soaáḷ dunia ko'inimu, daí naondabií im mo'ikow mopirisaya aka Aku'oi mongonguman ko'i monimu kon soaáḷ mita inta nongkon soroga?

13Diaíbií tobatuímai intau pernah namonik in soroga, kolikudbií in Sia inta ain noponag kon dunia na'a, Sia tuata ing ki Adií Intau.

14Bo naí doman ki Musa inta nopoponik in uḷag tambaga kom pangkoi ing kayu kom padang gurun, daí natua doman ki Adií Intau musti poḷantudon,

15Simbaí bayongan intau inta mopirisaya ko'i-Nia moko'ulií kong kobiagan mononoi.

16Lantaran naí domai tua in tabi i Allah kon intau kon dunia na'a, sahingga inogoi-Nyadon ki Adií-Nya tuḷong, simbaí bayongan intau inta mopirisaya ko'i-Nia diaí moyoyang, ta'e moko'ulií kong kobiagan mononoi."

17Sing ki Allah nopotabaí ko'i Adií-Nya namangoi in dunia na'a de'emanbií mamangoi mohakim kon intau kon dunia na'a, ta'e mamangoibií moposaḷamat ko'i monia.

18Intau inta mopirisaya ko'i-Nia diaíbií hukumon. Ta'e intau inta diaí mopirisaya in hukumondon i Allah, sin diaí mopirisaya ko'i Adií-Nya inta tuḷong.

19Na'a im mobalií dodoyonan ponuntutan ko'inia: "Bayag ain namangoi in dunia na'a, ta'e sindipbií ing ko'ibo-ibog in intau, sim mora'at in oaíid monia.

20Sin intau inta momia kom mora'at, moya'at ing ginanya kom bayag, sin dikabo ko'ontongan in oaíidnya inta mora'at tua.

21Ta'e intau inta nomia kon onu inta kino ibog i Allah, namangoi kom bayag tatua simbaí ko'ontongandon kon onu inta pinomianya tatua no'iduduibií kon inta kino ibog i Allah."

22Nopaḷut makow kon tua ki Yesus bo murií-Nya mita minayak in Yudea. Bo ki Yesus nogutunpa kon tua noyotakin monia tongonumai nosinggai bo nobaptis.

23Dodai intua ki Yohanes diaípa pinobonu monia kom ponjara daí sia umuranpa doman nobaptis kon Ainon, lipu inta diaí noyayuk nongkon Salim, sin nobayong in tubig kon tua. Intau mita namangoi ko'inia, bo binaptisnya i mosia.

24(3:23)

25Tongaí tongonumai im murií i Yohanes nomangkoidon mobobayowan takin intau mita in Yahudi soaáḷ atorang pondaritan.

26Mosia minayak ko'i Yohanes bo noguman, "Pak guru, kinotoropanpa degaí i Pak guru in intau inta noyotakin i Pak guru kon ḷoḷanmai Ongkag in Yordan tua, inta sinunduí i Pak guru wakutu intua? Sia nobaptis doman in tana'a makow bo komintan intau mayak ko'i-Nia!"

27Ki Yohanes notubag, "Diaíbií in tobatuímai intau moko'ulií kon onu bo onu sin pakeíonnya tontanií, aka de'eman ki Allah in nobogoi ko'inia.

28Dinongog bidon monimu tontanií in singogku, kon aku'oi na'a in de'emanbií Raja Mopoposaḷamat. Aku'oi in tongaíbií pinotabaí umuna ko'i-Nia.

29Nonika'an bobay tatua ing kapunya'anbií in nonika'an ḷoḷaki. Yobayat in nonika'an ḷoḷaki tatua tongaíbií simindog moyotakinnya bo mokidongog, bo mopia ing ginanya aka mokodongog kon singog in nonika'an ḷoḷaki. Natuabií doman in aku'oi. Mopiadon totok ing ginaku in tana'a.

30Kawasa-Nya im mustidon kodugang-kodugang bo aku'oi ing ko'intok-ko'intokdon."

31"Inta namangoi nongkon soroga no'iliubií nongkon bayongan yagi-yagi. Inta namangoi nongkon dunia no'ibonubií kon dunia na'a bo nongonguman doman kon soaáḷ in dunia mita na'a. Ki ine inta nongkon omonik Sia no'iliubií nongkon bayongan yagi-yagi.

32Sia nongonguman kon soaáḷ inta inontong bo dinongog-Nyadon, ta'e diaí tobatuímai intau mopirisaya kon onu ino'uman-Nya.

33Sin intau inta mopirisaya kon onu inta ino'uman-Nya tatua, akuíonnyabií kong ki Allah tua i mobanar.

34Sing ki ine im pinotabaí i Allah, daí siabií tua mopoyaput im pirman i Allah, sin sia ing kinawasaan bidon in Roho i Allah.

35Ki Amaí motabi ko'i Adií-Nya, bo pinosarakan-Nyadon bayongan ing kawasa-Nya ko'i-Nia.

36Intau inta mopirisaya kon Adií tatua, moko'uliíbií kong kobiagan mopia bo mononoi, ta'e intau inta diaí motoindudui kon Adií tatua, diaíbií doman moko'ulií kong kobiagan. Sia umuran hukumon i Allah."



 <<  Yohanes 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel