1Ya'ami ira talifusõgu ni'omasi'õ! Suragu si mendrua da'e khõmi. Bakha ba zura si dombua andrõ, no u'alui lala ba wanusugi era'era sohahau ba khõmi.
2Ba ufarou dõdõmi ena'õ mifuli mitõrõ tõdõmi daroma li si no law̃a'õ ira sama'ele'õ khõ Lowalangi me fõna, ba oroisa soroi Zo'aya, Razo Sangorifi, si no mufa'ema khõmi, nifa'ema ndra sinenge.
3Ba si ofõna, lõ tola lõ aboto ba dõdõmi wa ba luo safuria andrõ, maoso niha sanõrõ lala wangisõra. La'o'aya ami dania,
4muhede ira lamane, "Iw̃a'õ no fawu'u li Zo'aya wa so Ia! Iada'e hezo so Ia? Ira tuada no oi mate, ba lõ si tebulõ fefu hadia ia si mane me i'otarai mbõrõta wamazõkhi õlia!"
5La'odõdõgõ wa lõ lafaduhu'õ ba daroma li-Nia Iwõwõi mbanua si yaw̃a awõ gulidanõ Lowalangi; Iwõwõi gulidanõ andrõ moroi ba nidanõ, ba faoma idanõ;
6ba faoma idanõ gõi -- ya'ia nidanõ moroi ba molõ sebua -- tefakiko gulidanõ si fõfõna.
7Ba banua si yaw̃a awõ gulidanõ si so iada'e, ya'ia nirorogõ bõrõ daroma li Lowalangi andrõ gõi, ba nifakiko faoma alitõ dania. Iada'e ba terorogõ nasa mbanua si yaw̃a awõ gulidanõ irugi luo wanguhuku ba famakiko niha si lõ aboto ba dõdõ Lowalangi.
8Ba ya'ami ira talifusõgu, bõi mi'olifugõ ami zi sambalõ andre: ba wamaigi Zo'aya, si sara ngaluo ba lõ amaehutania zi hõnõ fakhe -- fagõlõ manõ zi dombua balõ andre khõ-Nia.
9Lõ ahou Zo'aya wame'e hadia ia zi no Ifabu'u, hew̃a'ae so niha sanguma'õ si manõ. Ba zi tambai da'õ, sebolo tõdõ Ia khõmi, bõrõ me lõ omasi Ia tekiko samõsa. Omasi Ia ena'õ fefu niha mamalini era'era moroi ba horõra.
10Fa'atohare luo we'aso Zo'aya andrõ hulõ we'aso zanagõ. Ba Luo da'õ taya dania mbanua si yaw̃a si fao li si ugu'ugu, ba fefu zi so ba mbanua si yaw̃a tekiko ba akhozi, ba ulidanõ awõ nõsinia fefu ba si taya dania.
11Ba me sadudu da'õ fefu, andrõ miforege wanõrõ lala satulõ andrõ khõ Lowalangi ba ba wangata'ufi Ya'ia,
12gõtõ wombase'õ ba fangalio'õmi fa'atohare Luo Zo'aya. Ba Luo da'õ dania ba akhozi mbanua si yaw̃a, ba bõrõ wa'aukhunia, ba tobali idanõ zi so ba mbanua si yaw̃a.
13Ba tadõnadõna hadia ia zi no Ifabu'u Lowalangi, ya'ia mbanua si bohou ba tanõ si bohou, si fahõna fa'atulõ.
14Andrõ bõrõ da'õ, ya'ami ira talifusõ, ba wombalombaloi Luo andrõ, mi'oigõ dõdõmi sindruhundruhu ba wangamoni'õ fa'aurimi fa lõ sinegu fõna Lowalangi. Ba mirorogõ gamakhaita si sõkhi khõ Lowalangi.
15Akha mifaduhu'õ ba dõdõmi, fa'ebolo dõdõ Zo'aya ya'ita zi no tobali inõtõ nibe'e-Nia khõda ena'õ a'ozu te'orifi ita. Faulo, talifusõda ni'omasi'õ andrõ, no isura gõi zi manõ khõmi, Isura da'õ ba wa'atuatua nibe'e Lowalangi khõnia.
16Bakha ba zurasurania fefu lõ aetu itõrõ li Waulo. Duhu so õsa zabua famo'eluaha õsi zurania andrõ. Ba niha si lõ aro famati ba si lõ aboto ba dõdõ, no lafuyu'õ hadia ia nisura Waulo andrõ. Faosatõfaosatõ bõ'õ moroi ba Mbuku Ni'amoni'õ andrõ, no gõi lalau zi manõ. Folaura andrõ no ba wamakiko ya'ira samõsa.
17Ba ya'ami ira talifusõ ni'omasi'õ, no aboto ba dõdõmi da'e. Bõrõ da'õ, mi'angelama, fa bõi tedõnisi ami ba wa'elungu niha si lõ aboto ba dõdõ huku Lowalangi andrõ, irege lõ tebulõ ami ba naha sahono dõdõmi andrõ.
18Ba ya tedou worasoimi fa'ebua dõdõ Zo'aya, Razo Sangorifi ya'ita, Yesu Keriso, ba ena'õ itugu aboto ba dõdõmi Ia. Ya'ia nifosumange, iada'e ba irugi zi lõ aetu! Yaduhu.
Download Audio MP3 (2 Petrus 3):
Mobile (Low Quality) - CD (High Quality)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel