1Tõngõni da'e: Ba ginõtõ safuria oya alua wa'abu dõdõ.
2Ba ginõtõ da'õ dania, ha soguna khõnia samõsa i'alui niha, mangisõ ba gefe, fayaw̃a ba molau faya. Omasi ira wango'aya niha wolaw̃a satua, ba lõ la'ila mangandrõ saohagõlõ, fatiu khõra ngawalõ zo'amakhaita ba wa'alowalangi.
3Lõ manõ khõra fa'omasi, lõ la'efa'õ zala zi so sala khõra, omasi ira wangobongobousi tõi niha bõ'õ, la'oguna'õ wa'afaito, amu'i ira, ba lõ omasi ira zi sõkhi.
4Omasi ira waminisa tõdõ, fayaw̃asa, lõ khõra fa'anau wangerangera. Abõlõ omasi ira gisõ'isõ dõdõ gulidanõ moroi ba wolo'õ khõ Lowalangi.
5Hew̃a'ae dali zoroma ba hõrõ la'o'õ wamalua ngawalõ halõw̃õ ba agama, ba latimbagõ sa duho wamahaõ agama da'õ. Arõu'õ ndra'ugõ moroi ba niha si mane da'õ.
6So ba gotaluara zi no manõrõi omo, ba lahalõ dõdõ ndra alawe si lõ fa'abõlõ ba si fahõna horõ bõrõ gisõ'isõ dõdõ soya ngawalõ.
7Ira alawe da'õ lõ mamalõmalõ la'andrõ'andrõ ena'õ lafahaõ ira, ba lõ irai tola lasõndra wangi'ila famaha'õ soroi Lowalangi.
8Hulõ si mane Yane ba Yambere solaw̃a Moze fõna, si manõ gõi zolaw̃a famahaõ soroi Lowalangi. Fangerangerara no tekiko, ba lõ mamati ira sa'ae ba wamahaõ sindruhu andrõ.
9Ba no tatu wa lõ lakhamõ gohitõ dõdõra, bõrõ me fa'abodora oi la'ila niha fefu, hulõ Yane ba Yambere andrõ gõi.
10Ba no õ'o'õ wamahaõ andrõ khõgu, amuatagu ba ohitõ dõdõ wa'aurigu. No õ'ila samõsa wamatigu, fa'ebolo dõdõgu, fa'omasigu ba fanaha tõdõ.
11No õ'ila wa no lafakao ndra'o ba utaha manõ wa'afõkhõ. No õ'ila fefu zalua khõgu ba Gandriokhia, ba Nikoniu, ba ba Lisitera; ba no õ'ila fefu zi no utaõgõ! Ba no I'orifi ndra'o So'aya moroi ba da'õ fefu.
12Dozi sedõna auri ba wamosumange Lowalangi ba somasi ha sambua khõ Yesu Keriso, ba si gõna folohi dania;
13niha si lõ sõkhi ba niha si falimo itugu lõ sõkhi dania. Lalimo niha bõ'õ, ba hiza, lalimolimo gõi ira niha.
14Ba sanandrõsa khõu, Timoteo, bõi bõhõli a'aro'õ ndra'ugõ ba zindruhu andrõ si no ufahaõ khõu, ba si no afõnu õfaduhusi tõdõ; bõrõ me õ'ila haniha ndra samahaõ ya'ugõ.
15Lõ tola lõ õtõrõ tõdõu wa i'otarai iraono ndra'ugõ no õ'ila Mbuku Ni'amoni'õ. Buku andrõ zi tola mame'e fa'aboto ba dõdõ ba wanõndra fangorifi ba wamati khõ Yesu Keriso.
16Fefu zi no musura bakha ba Mbuku Ni'amoni'õ, no ni'ehehaini Lowalangi ba moguna ba wamahaõ sindruhu, ba wanegu ba ba wangatulõ'õ si sala, ba ba wamahaõ niha ena'õ auri molo'õ somasi Lowalangi.
17Ba faoma Buku Ni'amoni'õ andrõ tola mo'ahonoa ba ngawalõ halõw̃õ si sõkhi niha somasi mõi enoni Lowalangi.
Download Audio MP3 (2 Timotius 3):
Mobile (Low Quality) - CD (High Quality)
<< 2 Timotius 3 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel