1Ya faoma lõ mamalõ mi'omasi'õ nawõmi si mane Niha Keriso si fatalifusõ.
2Bõi alaw̃õ ami wanema ba nomomi niha si lõ mi'ila. Bõrõ ba wamalua si manõ, irasoi niha, ba zi lõ i'ila'ila no itema mala'ika ba nomonia.
3Mitõrõ tõdõmi niha si so ba gurunga, hulõ na ya'ami gõi zi so bakha ba gurunga awõra. Ba niha nifalua si lõ sõkhi, ya mitõrõ tõdõmi ira, hulõ na khõmi gõi mulau zi manõ.
4Fefu niha lõ tola lõ la'oroma'õ wamosumange farongasa andrõ, da'õ mbõrõ wa fo'omo ira matua ba fo'omo ira alawe lõ farõi khõ nawõra. Niha sohorõ ba niha sohorõni donga zodonga Ihuku Lowalangi dania.
5Bõi ifatõrõ wa'aurimi kefe, ba ya'ahono dõdõmi ba ngawalõ zi no so khõmi. Bõrõ me Lowalangi zi no manguma'õ, "Lõ manõ Ululu dania ndra'ugõ, lõ manõ farõi-Do khõu."
6Bõrõ da'õ barani ita wanguma'õ, "So'aya Zanolo ya'o, lõ ata'u ndra'o. Hadia zi tola lalau niha khõgu?"
7Bõi mi'olifugõ zondrõnia'õ ya'ami si no mama'ema turia soroi Lowalangi khõmi. Ba minehegõ hewisa wa'aurira ba hewisa wa'amatera, ba mihalõ dumaduma khõmi wamatira.
8Yesu Keriso andrõ ba ya'iya'ia manõ, he mefõna, he iada'e, ba irugi gõtõ wa'ara.
9Bõi mitehegõ ifaelungu ami famahaõ soya ngawalõ andrõ si no fabõ'õbõ'õ. Tõdõda lõ tola lõ i'abe'e'õ fa'asõkhi dõdõ Lowalangi, da'õ zi sõkhi; bõi amakhoita sanandrõsa ba gõ. Bõrõ me niha me fõna la'o'õ sibai gamakhoita andrõ si lõ hadõi hare.
10No so khõda sambua naha ba wame'e sumange khõ Lowalangi. Ba ere sangai halõw̃õ bakha ba Nose Zo'aya andrõ, lõ tola i'a zumange si so yaw̃a ba nahia zumange andrõ.
11Do gurifõ nibe'e fasõmbata si tobali sumange ba wangefa'õ horõ, ni'ohe gere sebua ba Naha Fondrege Ni'amoni'õ bakha ba Nose Wangandrõ andrõ, ba amatela gurifõ andrõ nitunu baero nose.
12Da'õ mbõrõ wa Yesu gõi mate baero mbawa gõli mbanua ba wangehaogõ banua-Nia moroi ba horõ faoma do-Nia samõsa.
13Bõrõ da'õ, da mõi ita khõ-Nia baero nose andrõ ba fao ita ni'o'aya awõ-Nia.
14Ba gulidanõ andre lõ hadõi naha si lõ tebulõ khõda, ba naha si so fõnada ni'aluida.
15Bõrõ da'õ, Yesu zama'ema, ya lõ mamalõmalõ tasunosuno Lowalangi; da'õ zi no amaedola zumange fangandrõ saohagõlõ soroi ita khõ-Nia, nibe'eda faoma fehede niw̃a'õ mbeweda, ba wanuno tõi-Nia.
16Bõi mi'olifugõ ami wolau si sõkhi ba faoma mitolo nawõmi, bõrõ me da'e zumange somasi dõdõ Lowalangi.
17Mi'o'õ wareta ndra sondrõnia'õ ya'ami, ba bõi mi'olaw̃a khõra. Bõrõ me ya'ira lõ mamalõ lafaigifaigi nosomi, ba ya'ira zi lõ tola lõ monoro dõdõ khõ Lowalangi. Na mi'o'õ khõra, ba ohahau dõdõra wohalõw̃õ; ba na lõ'õ, ba mangarõngarõ ira wohalõw̃õ, ba tenga sohare ami ba da'õ.
18Bõi mifamalõ wangandrõ salahima. Faduhu dõdõma, wa tõdõma sõkhi, bõrõ me lõ mamalõ omasi ndra'aga malau hadia zi duhu.
19U'andrõ sibai, ena'õ mi'angandrõ salahigu. Mi'angandrõ ena'õ alio I'ohe ndra'o Lowalangi mangawuli khõmi.
20Lowalangi zi no mangorifi So'aya ya'ita Yesu moroi ba wa'amate. Bõrõ wa'amate-Nia andrõ, wa Ya'ia iada'e no tobali Kubalo Sebua khõda si no biribiri-Nia. Fa'amate-Nia andrõ zi no amaedola we'ewe'e dõdõ ba wawu'usa li si lõ tebulõ soroi Lowalangi.
21Ya Lowalangi, umbu wa'ohahau dõdõ andrõ, zama'anõ ya'ami ba ngawalõ zi sõkhi ni'oguna'õmi ba wamalua somasi Ia. Ya Lowalangi zangohalõw̃õgõigõ ba dõdõda hadia zomasi Ia, nifa'ema Yesu Keriso. Ya nisuno Keriso irugi gõtõ wa'ara! Yaduhu.
22Ba u'andrõ khõmi ena'õ mitõngõni menemenegu andre si fao fa'ebolo dõdõ, bõrõ me suragu andre lõ anau sibai.
23Ya'aboto ba dõdõmi wa talifusõda Timoteo no te'efa'õ moroi ba gurunga. Na no so ia ba nahiagu andre, ba u'ohe dania ia ba ginõtõ u'ondrasi ami.
24Mifa'ema wangowaima khõ ndra sondrõnia'õ ya'ami fefu ba ba Mbanua Lowalangi. Mitema gõi wangowai ndra talifusõ si so ba Italia.
25Ya lõ mamalõmalõ Ifahowu'õ ami fefu So'aya.
Download Audio MP3 (Ibrani 13):
Mobile (Low Quality) - CD (High Quality)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel