1La'ondrasi Yesu ira Farizai'o ba Sadukai'o. Omasi ira latandraw̃aisi Ia. La'andrõ khõ-Nia ena'õ Ifazõkhi dandra sahõlihõli dõdõ ba wangoroma wa si otarai Lowalangi Ia.
2Itema lira Yesu, ["Na tanõ owi, ba mimane, 'Molõkhõ, bõrõ me oyo mbanua.']
3[Ba zahulõ wongi mimane, 'Moteu ma'õkhõ andre, bõrõ me oyo mbanua ba alu.' Tola mifa'ele'õ hadia moteu ba ma molõkhõ, na mifaigi lawuo, ba tandra ginõtõ andre ba tebai mifa'ele'õ!"]
4"Ha wa'alõsõkhi ami ba ha wa'afaito niha ba ginõtõ andre. Mi'andrõ khõ-Gu ena'õ Ulau zahõlihõli dõdõ. Lõ hadõi tola mube'e khõmi, baero dandra andrõ salua khõ Yona." Me no aefa Iw̃a'õ da'õ Yesu, Irõi ira, mofanõ Ia.
5Me no larugi yefo mbaw̃a ira nifahaõ Yesu, awena la'ila wa no olifu ira wolohe roti.
6Imane khõra Yesu, "Mi'angelama ba laru Warizai'o ba Sadukai'o andrõ."
7Me no larongo wehede Yesu andrõ ira nifahaõ-Nia, ba faoma lamane khõ nawõra, "Iw̃a'õ da'õ me lõ ni'oheda roti."
8I'ila Yesu hadia nifahuhuosira. Imane khõra, "Hana wa miw̃a'õ lõ hadõi roti? No ambõ famatimi!
9Hadia lõ aboto ba dõdõmi nasa? Hadia lõ mitõrõ tõdõmi zi lima ngawua roti andrõ niboboto-Gu, nibe'e õ ba zi lima ribu niha?
10Ba hewisa gõi zi fitu ngawua roti ba niha si õfa ribu andrõ? Hadia lõ mitõrõ tõdõmi? Ha'uga daga ni'owuloimi?
11Hana wa lõ aboto ba dõdõmi wa tenga roti niw̃a'õ-Gu? Mi'angelama ba laru ndra Farizai'o ba Sadukai'o!"
12Awena aboto ba dõdõ ndra nifahaõ andrõ niw̃a'õ-Nia. Ifangelama ira Yesu, wa tenga ba laru soguna ba wamangamõi roti. Hiza sa famahaõ ndra Farizai'o ba Sadukai'o niw̃a'õ-Nia khõra.
13Mõi Yesu ba danõ ahatõ ba mbanua Kaizarea-Filifi. Ba da'õ Isofu khõ ndra nifahaõ-Nia, "Molo'õ fanguma'õ niha, haniha Nono Niha andrõ?"
14Latema li ira nifahaõ Yesu, "So zanguma'õ Yohane Samayagõ Idanõ. So gõi zanguma'õ Elia. Ba tanõ bõ'õ law̃a'õ Yeremia, ma zui samõsa ba gotalua zama'ele'õ."
15Isofu khõra Yesu, "Molo'õ ya'ami haniha Ndra'odo andre?"
16Itema li Simoni Fetero, "Razo Sangorifi Ndra'ugõ, Ono Lowalangi sauri."
17Iw̃a'õ Yesu, "Ya'ahowu sibai ndra'ugõ, Simoni ono Yona! Bõrõ me tenga niha zangombakha khõu da'õ, no Ama-Gu andrõ si so ba zorugo.
18Bõrõ da'õ haogõ wanõngõni, Fetero! No gowe saro ndra'ugõ. Ba yaw̃a ba dete gowe andre Ufasindro mbanua-Gu dania, si tebai ni'alani, he fa'amate!
19Ube'e dania khõu nono kusi ba Mbanua si Bohou khõ Lowalangi. Hadia nitenaw̃au ba gulidanõ andre, ba no nitenaw̃a gõi ba zorugo. Ba hadia ni'atulõ'õu ba gulidanõ andre, ba no gõi te'atulõ'õ ba zorugo."
20Aefa da'õ Ifangelama ndra nifahaõ-Nia ena'õ bõi la'ombakha'õ gofu ha'õkhõ wa Ya'ia Razo Sangorifi andrõ.
21I'otarai da'õ, I'ombakha'õ zi so ba dõdõ-Nia Yesu khõ ndra nifahaõ-Nia. Lõ tola lõ'õ mõi Ia ba Yeruzalema, ba lafakao Ia ira sondrõnia'õ ba Ere Sebua ba Sangila Amakhoita. Nibunu dania Ia. Ba ba ngaluo si tõlu maoso dania Ia mangawuli!
22Maoso Wetero idõni danga Yesu ba zinga ba ifangelama Ia. Imane Fetero, "He So'aya, ya'I'arou'õ Lowalangi da'õ. Bõi ya'alua zi manõ!"
23Ibali'õ Ia Yesu ba Imane khõ Wetero, "He sanandraigõ, ofanõ ba da'e! Hana wa õtahataha Ndra'odo. Fangerangera niha wangerangerau, tenga fangerangera Lowalangi!"
24Imane Yesu khõ ndra nifahaõ-Nia, "Na so zomasi molo'õ Ya'o, ya mu'ositengagõ wa'aurinia, ya mulu'i rõfania, ya mu'o'õ Ndra'o.
25Bõrõ me niha sobelegõ fa'aurinia, da'õ dania zi taya fa'auri. Ba niha sanehegõ fa'aurinia khõ-Gu, da'õ dania zanõndra fa'aurinia.
26Hadia hare niha na i'okhõgõ fefu gulidanõ andre ba te'ala ia fa'aurinia? Tatu lõ harenia. Fa'auri niha tebai mufalali faoma hadia ia!
27Lõ ara tõ mangawuli Nono Niha andrõ si fao kuaso Nama-Nia, awõ ndra mala'ika. Ba luo da'õ Isulõni ba zamõsana molo'õ amuatania.
28Mitõngõni! So ba gotaluami ba da'e zi lõ mate fatua lõ i'ila wa'atohare Nono Niha, tobali Razo."
Download Audio MP3 (Matius 16):
Mobile (Low Quality) - CD (High Quality)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel