1He ya'ami ira talifusõgu! Omasi sibai ndra'o ena'õ te'orifi soigu. Sindruhundruhu mangandrõ ndra'o khõ Lowalangi salahira.
2Lõ aiw̃õ ndra'o uw̃a'õ wa la'oigõ sibai dõdõra wolo'õ khõ Lowalangi. Ba hiza fangoigõra tõdõra andrõ lõ modanedane ba wa'atuatua soroi Lowalangi.
3Lõ aboto ba dõdõra lala khõ Lowalangi ba wanga'azõkhi mangawuli amakhaitara khõ Lowalangi. Ba bõrõ me lalau ba zomasi dõdõra, andrõ lõ la'o'õ lala somasi Lowalangi.
4No Ifõnui Keriso huku agama andrõ. Bõrõ da'õ, dozi niha si faduhu tõdõ khõ Keriso, tobali sõkhi mangawuli gamakhaitara khõ Lowalangi.
5No isura Moze wa niha si sõkhi amakhaita mangawuli khõ Lowalangi bõrõ huku agama andrõ, itema wa'auri moroi ba huku andrõ.
6So'amakhaita ba lala wangatulõ'õ niha khõ Lowalangi sodanedane ba wa'afaduhu dõdõ khõ-Nia, imane Buku Ni'amoni'õ, "Bõi misofu ba dõdõmi, 'Haniha dania zi mõi ba zorugo?' (eluahania solohe mitou Keriso),
7'Ma zui haniha zi mõi ba nahia niha si mate?' (eluahania solohe miyaw̃a Keriso moroi ba wa'amate)."
8Si mane geluahania, "Ahatõ sibai duria Lowalangi andrõ khõmi, ba mbawami ba ba dõdõmi." Da'õ duria ni'ombakha'õma; turia wa lõ tola lõ mamati niha.
9Bõrõ na õfaduhu'õ bawau wa "Yesu andrõ So'aya," ba faduhu dõdõu wa Lowalangi zangorifi Yesu moroi ba wa'amate, te'orifi dania ndra'ugõ.
10Bõrõ me mamati niha faoma tõdõnia, ba Itema ia Lowalangi mane niha si no atulõ khõ Lowalangi. Ba faoma bawania mamaduhu'õ niha irege te'orifi ia.
11No tesura ba Mbuku Ni'amoni'õ, "Lõ aekhu gõlõ zi faduhu tõdõ."
12Tefatõrõ ba niha fefu da'õ, bõrõ me lõ amaehutara niha Yahudi moroi ba niha soi bõ'õ. Lowalangi si samõsa andrõ no So'aya niha fefu. Ibe'e howuhowu si lõ harumani ba zangandrõ tolo khõ-Nia.
13No tesura ba Mbuku Ni'amoni'õ, "Fefu niha so'angarõfili tõi Zo'aya, te'orifi dania."
14Ba hewisa la'angarõfili dõi Zo'aya niha na lõ si faduhu dõdõra khõ-Nia? Ba hewisa tola faduhu dõdõra khõ Zo'aya na lõ nirongora turia-Nia? Ba hewisa gõi larongo duria Zo'aya, na lõ muturiaigõ khõra?
15Ba hewisa tola la'ohe duria andrõ na lõ tefatenge ira? No tesura ba Mbuku Ni'amoni'õ, "Ha wa'asõkhi wa'atohare niha solohe Turia Somuso Dõdõ soroi Lowalangi!"
16Ba hiza lõ fefu niha latema Duria Somuso Dõdõ andrõ. Bõrõ me imane Yesaya, "He So'aya, haniha zi faduhu tõdõ ba duria ni'ohema?"
17Da'õ mbõrõ wa tobali faduhu dõdõ niha, bõrõ me no larongo duria andrõ, ba larongo niha duria bõrõ me so zangombakha Turia Keriso andrõ.
18Ba manofu ndra'o: Hadia lõ nirongora turia andrõ? Tatu noa! Bõrõ me no tesura ba Mbuku Ni'amoni'õ, "No tehõngõ ba zi sagõrõ ulidanõ lira, no irugi zi fõfõ danõ wehedenia."
19Ufuli usofu zui; Hadia lõ ni'ila soi Gizera'eli? Akha itema li wanofu andrõ ua Moze. Imane Moze, "Si mane niw̃a'õ Lowalangi, 'Ubali'õ afõkhõ dõdõmi ba soi si tenga banua-Gu, ba mofõnu ami ba soi si bodo.'"
20Abõlõ barani nasa Yesaya. Imane, "Si mane niw̃a'õ Lowalangi, 'No lasõndra Ndra'o niha si lõ mangalui Ya'o; ba no U'oroma'õ-Do ba niha si lõ manofu Ya'o.'"
21Imane Yesaya sanandrõsa ba soi Gizera'eli, "Si mane niw̃a'õ Lowalangi, 'Ma'õma'õkhõ manõ U'oro'õ danga-Gu ba soi sabe'e hõgõ ba si lõ molo'õ.'"
Download Audio MP3 (Roma 10):
Mobile (Low Quality) - CD (High Quality)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel