Alkitab Mobile SABDA
[VER] : [NIAS]     [PL]  [PB] 
 <<  Roma 13 >> 

1Dozi niha lõ tola lõ la'o'õ li zamatõrõ, bõrõ me lõ samatõrõ sanõndra kuaso si tenga moroi khõ Lowalangi. Ba samatõrõ iada'e, ifalua wamatõrõ bõrõ wareta soroi Lowalangi.

2Da'õ mbõrõ wa solaw̃a samatõrõ, no ilaw̃a zi no Ihonogõi Lowalangi. Solau si manõ itema dania huku.

3Bõrõ me lõ moguna ata'u khõ zamatõrõ niha solau si sõkhi. Ha niha solau si lõ sõkhi zata'u. Na lõ omasi ndra'ugõ õ'ata'ufi zamatõrõ, ba lau zi sõkhi, ba tesuno ndra'ugõ.

4Bõrõ me sawuyu Lowalangi zamatõrõ andrõ ba wamalua si sõkhi khõmi. Ba na milau zi lõ sõkhi, ba tatu manõ wa ata'u ami khõnia, bõrõ me tenga zayazaya gõlõ wa so khõnia kuaso wanguhuku niha. Sawuyu Lowalangi ia sangetu'õ huku soroi Lowalangi ba niha si lõ sõkhi.

5Da'õ mbõrõ wa lõ tola lõ mi'o'õ li zamatõrõ -- tenga ha bõrõ ena'õ bõi tehuku ami, no bõrõ gõi wehede dõdõmi side'ide.

6Da'õ gõi zi tobali danedane wamu'a beo, bõrõ me fagaw̃e khõ Lowalangi zamatõrõ, samalua halõw̃õ ni'oniagõ andre.

7Tobali bu'a khõ zamatõrõ hadia zi lõ tola lõ mibu'a khõnia. Bu'a mbeo, na samu'a beo ami; ba bu'a mbe'elõ na samu'a be'elõ ami. Ata'ufi ndra si lõ tola lõ mu'ata'ufi ba fosumange ndra si lõ tola lõ mufosumange.

8Bõi mo'õmõ ami hadia ia ma gofu ha'õkhõ; baero gõmõ fa'omasi ba nawõ faoma fatambai. Bõrõ me sangomasi'õ awõnia niha, no ifõnui fefu goroisa Lowalangi nifa'ema Moze.

9Bõrõ me huku agama niha Yahudi, ya'ia: Bõi ohorõ, bõi amunu niha, bõi anagõ, bõi isõ hadia ia zi so khõ nawõu, no terahugõ tobali ha sambua huku manõ, ya'ia, "Omasi'õ nawõu niha si mane fangomasi'õu ya'ugõ."

10Sangomasi'õ niha bõ'õ, lõ ilau zi lõ sõkhi ba niha andrõ. Tobali sangomasi'õ awõnia, no niha si no mamõnui fefu amakhoita ba huku agama.

11Baero da'õ fefu, mi'ila wa inõtõ iada'e no inõtõ khõmi wemaoso moroi ba wemõrõ. Bõrõ me no ahato ginõtõ wangorifi ya'ita iada'e moroi ba ginõtõ me awena ibõrõtaigõ faduhu dõdõda.

12No aefa zi bongi; ba lõ ara tõ moluo sa'ae. Tobali sõkhi na tabato wamazõkhi amuata zogõmigõmi. Tafa'anõ ita fangõna haga.

13Lõ tola lõ talau hadia ia zolakhõmi si mane si to'õlõ lalau niha ba zi ma'õkhõ; tenga folau owuloa si tõra su'asu'a, ma femabu. Bõi mohorõ, ma zui molau si lõ enahõi. Bõi fabago, ma zui fa'afõkhõ dõdõ.

14Akha So'aya Yesu Keriso zangahonogõi hadia zi tola lõ milau. Ba bõi mi'o'õ zomasi nõsi niha andrõ si so horõ ba wangabusoi'õ ya'ira fangisõ.



Download Audio MP3 (Roma 13):
Mobile (Low Quality) - CD (High Quality)

 <<  Roma 13 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel