1Ba u'ila samõsa mala'ika bõ'õ sabõlõ si mõi mitou moroi ba zorugo. No i'olohuni ia lawuo, ba no ifali hõgõnia dumi. Bawania humaga hulõ luo, ba ahenia no hulõ gehomo alitõ.
2Ba so ba dangania nga'õlu zura side'ide si no teboka. Ahenia kambõlõ ihundragõ nasi, ba ahenia kabera ihundragõ danõ.
3Ba mu'ao ia si fao fa'ebua li hulõ zingo si'ao. Me no aefa mu'ao mala'ika andrõ, ba latema li fe'ugu'ugu mbanua andrõ si fitu.
4Fa muhede sibai we'ugu'ugu mbanua andrõ si fitu, ba omasido usura, ba urongo li moroi ba mbanua si yaw̃a sanguma'õ, "Bini'õ hadia ia niw̃a'õ we'ugu'ugu mbanua andrõ si fitu; bõi sura ia!"
5Ba mala'ika ni'ilagu andrõ sohundragõ asi ba tanõ, ifazaw̃a dangania kambõlõ ituturu mbanua si yaw̃a.
6Ba fahõlu ia ba dõi Lowalangi sauri si rugi zi lõ aetu, sombõi banua si yaw̃a awõ danõ ba asi awõ nõsinia fefu. Imane mala'ika andrõ, "Lõ sa'ae madou'õ ginõtõnia!
7Na ifoli dorofenia mala'ika numero fitu andrõ, ba Ifalua nikhoi dõdõ-Nia si tobini andrõ Lowalangi, si mane si no I'ombakha'õ khõra sawuyu-Nia, ya'ia ndra sama'ele'õ."
8Aefa da'õ ba li si no muhede khõgu moroi ba zorugo andrõ, ifuli zui humede khõgu, imane, "Ae halõ nga'õlu zura si no teboka ba danga mala'ika sohundragõ asi ba tanõ andrõ."
9Ba mõido khõ mala'ika andrõ ba u'andrõ ena'õ ibe'e khõgu nga'õlu zura side'ide andrõ. Imane, "Halõ, ba a da'e. Tobali afeto dania ia bakha ba dalumõ, ba ami ia ba mbawau si mane w̃e w̃ani."
10Ba uhalõ nga'õlu zura side'ide andrõ moroi ba dangania ba u'a. Ba mbawagu hulõ w̃e w̃ani, ba me no aefa utõlõ ia, ba tobali afeto ia bakha ba dalugu.
11Aefa da'õ ba law̃a'õ khõgu, "Ombakha'õ samuza tõ zui duria Lowalangi sanandrõsa ba ngawalõ soi, negara, li, ba khõ ndra razo."
Download Audio MP3 (Wahyu 10):
Mobile (Low Quality) - CD (High Quality)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel