Alkitab Mobile SABDA
[VER] : [NIAS]     [PL]  [PB] 
 <<  Wahyu 15 >> 

1Aefa da'õ u'ila ba mbanua si yaw̃a zahõlihõli dõdõ ba sebua. So dafitu mala'ika ba fitu ngawalõ wamakao safuria. Da'e gafuriata wolau Lowalangi fõnu-Nia.

2Aefa da'õ ba u'ila zi hulõ nasi sõrõmi si faruka alitõ. Ba u'ila gõi niha si no mõna ba wolaw̃a urifõ andrõ awõ wamaedonia, ba mõna gõi ba wolaw̃a niha nitandra tõi faoma numero. Niha si no mõna andrõ no muzizio ba zinga nasi sõrõmi andrõ ba no lagogohe kezafi nibe'e Lowalangi khõra.

3Ba la'anunõisi zinunõ Moze, enoni Lowalangi andrõ, ba sinunõ Nono Mbiribiri andrõ. Si mane dõinia, "So'aya, Lowalangi Sabõlõ, no ebua ba sahõlihõli dõdõ nifazõkhi-Mõ andrõ! Razo yaw̃a razo, no satulõ ba sindruhu wolau-Mõ andrõ!

4Haniha zi lõ ata'u khõ-U, So'aya? Haniha zi lõ omasi manuriaigõ fa'ebua-Mõ andrõ? Ha Ya'ugõ ni'amoni'õ. Tohare dania soi fefu ba wangalulu khõ-U bõrõ wolau-Mõ andrõ satulõ si no la'ila niha fefu."

5Me no aefa da'õ ba u'ila no tebokai Nomo Zo'aya ba zorugo, ba Ose Zo'aya so bakha khõnia.

6Ba mõi baero mala'ika andrõ si dafitu ba famakao andrõ si fitu ngawalõ moroi ba Nomo Lowalangi. Nukhara ba moroi ba muko safusi si takile. Ba no lafake mbõbõ dõtõ'a nifazõkhi moroi ba gana'a.

7Aefa da'õ ba sageu moroi ba zaliw̃aliw̃a ba danõ andrõ si õfa nga'eu, ibe'e ba mala'ika andrõ si dafitu, fitu ngawua mako ana'a si falawu fõnu Lowalangi, -- Lowalangi sauri irugi zi lõ aetu.

8Ba tobali afõnu simbo Nomo Lowalangi andrõ moroi ba lakhõmi ba fa'abõlõ Lowalangi. Ba sagõtõ lõ ahori mufalua wamakao andrõ si fitu ngawalõ ni'ohe mala'ika andrõ si dafitu, ba samõsa lõ hadõi si tola mõi bakha ba Nomo Lowalangi andrõ.



Download Audio MP3 (Wahyu 15):
Mobile (Low Quality) - CD (High Quality)

 <<  Wahyu 15 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel