Alkitab Mobile SABDA
[VER] : [SANGIR]     [PL]  [PB] 
 <<  Galatia 1 >> 

1Manga anạ u sěmbaụ apan jamaatẹ̌ su kạguwạu Galatia; Iạ Paulus dingangu kěbị anạ u sěmbaụ Sahani apan dingangku, mělẹ̌harapẹ̌ milombọko Mawu Ruata i Amang i kitẹ dingangu Mawu Yesus Kristus mangonggọ u al᷊amatẹ̌ dingangu karal᷊unsemahẹ̌ si kamene. Iạ nakoạ rasulẹ̌ e bal᷊inewe ual᷊ingu taumata arau ual᷊ing nihengkẹ u taumata, kaiso kai ual᷊ingu i Yesus Kristus dingangu Mawu Ruata i Amang i kitẹ kụ seng niapẹ̌biah'i Sie kapia wọu kapapohong'E.

2(1:1)

3(1:1)

4Tumol᷊e kapulun Duata i Amang i kitẹ, i Kristus e nanarakang u watangenge nakoạ sasal᷊iung kal᷊awọu rosang kitẹ, tadeạu i kitẹ ipakasal᷊amatẹ̌ bọu tempong karal᷊aị ini e.

5Dalo su Ruata sarang marěngụ-děngụ. Aming!

6Iạ dụdal᷊inaụ u manga anạ u sěmbaụ! I kamene nịkakuin Duata ual᷊ingu tatal᷊ěntụ i Kristus, arawe ini i kamene kawe kal᷊ighạe měmpẹ̌bilingu Ruata kụ tumol᷊e, "injilẹ̌" bal᷊ine, su l᷊ikudu Injilẹ̌ bọu anun Duata.

7Tumuhụ dal᷊enge ute, tawẹ, "injilẹ̌ bal᷊ine". Kětạeng piạu mělẹ̌habaru "injilẹ̌" mạanun Kristus si kamene ipẹ̌kẹ̌kakal᷊iu hakịewen makạkoạ ganohạ si kamene.

8Taumata kụ mělẹ̌habar'u "injilẹ̌" su l᷊ikudu Injilẹ̌ ilẹ̌habari kami e, ute walạe kere i sie pakihukung u Ruata, maningbe lai tau ene kawe i kami hala arau kawe malaekatẹ̌ bọu sorga.

9I kami seng bọu nẹ̌bera kal᷊imona, kụ ini e tangu sěnsul᷊eko l᷊ai iạ mẹ̌bera: taumata mělẹ̌habaru, "injilẹ̌" bal᷊ine, su l᷊ikudu Injilẹ̌ kụ seng kinatarimạ i kamene wọi kami e ute taumata ene mạpiangbe nịlahukungu Ruata.

10Kụ kiwụau ual᷊ingu ene tangú kai iạ mangạ e mělẹ̌harapẹ̌ ilẹ̌akun taumata? Mambeng tala! Iạ kětạeng mělẹ̌harapẹ̌ pěngangakun Duata. Apa měnsang iạ kai kạpẹ̌ngẹ̌ngal᷊ạ e naungu taumata tadeạu makal᷊uasẹ̌ naungu taumata? Kereu iạ bẹ̌dang mẹ̌kẹ̌kọa kerene ute, wal᷊inewe ěllang i Kristus.

11Manga anạ u sěmbaụ harusẹ̌ masingkạ u Injilẹ̌ takụ nihabarẹ̌ e wal᷊inewe wọu taumata.

12Iạ e tawe manarimạ u habarẹ̌ ene wọu taumata, ringangu tawẹ u sarang sěngkatau l᷊ai kụ naněntiro si siạ. I Yesus Kristus sẹ̌sane e nělahẹ u ral᷊ohon Injilẹ̌ ene si siạ.

13Tantu i kamene seng nakaringihẹ̌ mạanung pẹ̌bawiahẹ̌ku nạung kal᷊imona kere sěngkatau tumatol᷊e agaman Yahudi. I kamene masingkạu kereapa kahẹ̌gise iạ mẹ̌koạ jamạat'u Mawu ringangu kereapa kasẹ̌gade iạ mẹ̌deạu makapěminasa.

14Su hal᷊ẹ̌ u měndal᷊engu agaman Yahudi, iạ nangělembo wue wọu kal᷊awọu taumatan Yahudi apạewen sěntinuwo ringangku. Iạ e makěhagẹ̌ bue su hal᷊ẹ̌ u manga tundung i upung gaghurang i kami.

15Kai ual᷊ingu kapian naungu Mawu Ruata, i Sie namile si siạ kal᷊imonan iạ niwantelẹ̌ dingangu nẹ̌kui si siạ tadeạu mẹ̌tangkiang si Sie.

16Mawu Ruata nělahẹ u Ahus'E si siạ tadeạu Wal᷊o Mapia mạanung Ahus'E botonge takụ ihabarẹ̌ su apam bal᷊ine tau Yahudi. Su tempo ene iạ tawe nakoạ sol᷊ong anun sarang sěngkatau mědeạu makitěgu.

17Iạ e tawe lai nakoạ sarang anun sai-sai su Yerusalem apan seng kal᷊imona wọu iạ nakoạ rasulẹ̌. Kai iạ e rimal᷊eng sarang banuang Arabẹ̌, mase wọu ene nẹ̌sul᷊e kapia sol᷊ong Damsyik lai.

18Těllu taung tuhụ e, iạ nakoạ sarang Yerusalem mẹ̌deạu mẹ̌sombang dingangi Petrus. Iạ nẹ̌tanạ dingange kětạu mapul᷊o l᷊ima su ěllone karěngụe.

19Iạ tawe nẹ̌sombang dingangu manga rasul bal᷊ine, kětạewen i Yakobus anạ u sěmbaụ u Mawu.

20Apang kụ takụ niwohẹ ini e kai těngadẹ̌. Ruata e masingkạ u iạ tawe mẹ̌konti!

21Bọu ene iạ nakoạ sarang manga wanuan Siria ringangu Kilikia.

22Sarang tempo ene manga jamạat Sahani su Yudea e wẹ̌dang tawe apidu nakakiral᷊a.

23I sire kětạeng makạdingihẹ̌ taumata němpẹ̌bera, "Taumata kụ nạung kạngerẹ mạnumbiagẹ̌ si kami, ini e mẹ̌lẹ̌habaru pangangimang kụ kạngerẹ nạung kapulune kawe winasaěng."

24Tangu i sire němpẹ̌dalo Ruata ual᷊ingu iạ.



 <<  Galatia 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel