1Manga anạ u sěmbaụ! Abe raral᷊awọ bọu i kamene měngkakoạ mananěntiro. I kamene masingkạ u i kitẹ apang něngkakoạ mananěntiro e sarung ihukung limembong kahěgise wọu taumata wal᷊ine.
2I kitẹ kěbị e masau su sul᷊ene mẹ̌bal᷊insuhụ u pẹ̌kakoạ sal᷊a. Arawe taumata kụ tawe něsẹ̌sal᷊a su wawera e, i sie kai taumata nasukụ, kụ makạědahẹ̌ batangenge.
3Kereu i kitẹ měhosẹ tal᷊ing mohong u kawal᷊o tadeạu i sie tumol᷊ewe kapulung kitẹ e, tangu i kitẹ e makakoạ bue měngul᷊ing badangu kawal᷊o e.
4Kakěllạ e lai kapal᷊ẹ̌ e. Maningbe kapal᷊ẹ̌ e kereng kasariane kụ lantoěngu anging mal᷊aihạ e, kai i sie mang kẹ̌kawaleleng u ul᷊ing dararidị e, tuhụewe kapulum mananaghurihine.
5Kerene lai lilang kitẹ e, maningbe lilang kitẹ dararodọ e kaiso kawe makạpangobotu hal᷊ẹ̌ gaghaghuwạ e. U kakěllạe wue kereapa kasariang kěhu e, u kai mang matutungu putung dararidị e.
6Lila e mẹ̌sul᷊ungu putung. Su wadang i kitẹ e, i sie nakoạ kere simbul᷊u kararal᷊akisẹ̌ mạngekeng kararal᷊akisẹ̌ su kạguwạu wadang i kitẹ e. Kahian putungu naraka e, i sie makạkaraẹ kaguwạu pẹ̌bawiah'i kitẹ e.
7Kěbị haghim binatang dul᷊u ringangu manụ u winalangeng, binatang tụtondo, ringangu kinạ ikẹ̌kaharo, kụ sembeng nịlaharong taumata.
8Kai arawe lilan taumata e tawe ikal᷊aharong sai-sai. Lila e kai ral᷊akisẹ̌ dingangu tawe ikaal᷊ạ baharia, napenẹ u rarotine makạpate.
9Lila e ikapẹ̌berang tatarimakasẹ i kitẹ e su Mawu ringangu i Amang i kitẹ e, ringangu mal᷊aing ikạpangane sěndinganeng taumata, niriadi timuhụ awẹ u Mawu Ruata e.
10Bọu mohong sěmbaụ e sasěbangengu waweran tatarimakasẹ dingangu l᷊aane. U hinong bal᷊inewe kerene!
11Měnsang piạ simbul᷊u akẹ mapạsal᷊iwěbudu akẹ tawagẹ̌ dingangu akẹ mapaị bọu simbul᷊ẹ̌ sěmbaụ?
12Manga anạ u sěmbaụ, kalun ara e tawe něbẹ̌buan zaitun, dingangu kalun anggorẹ̌ e tawe něbẹ̌buan ara. Simbul᷊u akẹ mapěhadẹ̌ e tawe mapasěbangu akẹ tawagẹ̌.
13Kereu piạu wọu i kamene pelesa ringangu mawudi, i sie panodẹkong kapiane mẹ̌biahẹ̌ dingangu mẹ̌koạ munara mapapia, rẹ̌děndinganengu kasasanạu naung dingangu kapapelesa.
14Arawe kamagengu i kamene kawe sụsingking, naunge matědụ, mạnuntụ mạngapia watangeng e, ute abe lesạ u kapapelesa kerene, ual᷊ingu kakakoạ kerene ute kai mẹ̌sul᷊ungu i kamene měmẹ̌mal᷊intuị katěngadu hengetangu Mawu e.
15Kapapelesa kerene ute asal᷊e wal᷊inewe wọu sorga. I sie kai wọu dunia asal᷊e, wọu abul᷊ing taumata ringangu wọu setang!
16Su apang piạ pẹ̌sasasingking dingangu tabietu samatang kụkěndagu watangeng hala ute, sene mal᷊aing kaěbakeng piạ pẹ̌sasilontahẹ̌ dingangu haghing kakanoạ dal᷊akisẹ̌ e.
17Arawe taumata mạnaghuang kapapelesa e kụ asal᷊e kai wọu marangẹ, kahumotong-motongange tangu i sie susi, bọu e maghighilẹ̌, masahimbuluang, dingangu mararingihẹ̌. I sie napenẹ u kakěndagẹ̌ dingangu makạual᷊i kakanoạ mapapia, tawe mananumběka ringangu tawe měmamělle.
18Mamben těngadẹ̌ u kapapia e kai wuam bineng pẹ̌darame nisuang u taumata puluang su pẹ̌darame!
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel