Alkitab Mobile SABDA
[VER] : [SASAK]     [PL]  [PB] 
 <<  2 Tesalonika 3 >> 

1Ahirne semeton senamian, pade do'eang tiang pade. Pade bedo'e adẽq manik Tuhan sayan teterimaq dait temulieang, pade maraq saq sampun telaksane lẽq antare side.

2Dait adẽq tiang pade teselametang lẽman dengan-dengan saq bejat dait jahat. Sẽngaq ndẽqne selapuq dengan mauq iman.

3Laguq Tuhan setie. Ie gen neguqang atẽnde dait ngelindungin side pade lẽman saq jahat.

4Dait tiang pade percaye lẽq dalem Tuhan, bahwe side pade kenyeke ngelaksaneang dait gen terus ngelaksaneang napi saq tiang pade pesen lẽq side.

5Semoge Tuhan tetep bimbing atẽnde tipaq kasih Allah, dait tipaq ketabahan Almasih.

6Semeton senamian, dalem pesẽngan Junjungan Saq Mulie Deside Isa Almasih, tiang pade ngebẽng nasẽhat adẽq side pade jaoqang diriqde lẽman selapuq semeton saq ndẽq ngelaksaneang pegawẽanne, dait saq ndẽq turut pengajahan-pengajahan saq sampun side pade terimaq lẽman tiang pade.

7Side mẽsaq nenaoq bahwe side pade harus turut teladan lẽman tiang pade. Tiang pade ndẽq lupaq begawẽan sewaktu tiang pade araq lẽq tengaq-tengaq side pade.

8Tiang pade ndẽq ngelor keloran dengan secare cume-cume. Sebalikne kenjelo kekelem tiang pade lelah begawẽan adẽq tiang pade ndẽq nyusahang sai juaq lẽq antare side.

9Hal nike tiang pade laksaneang ndẽqne lantaran tiang pade ndẽq bedowẽ hak nuntut, laguq lantaran tiang pade mẽlẽ jari teladan saq bau side pade turut.

10Sewaktu tiang pade masih araq lẽq tengaq-tengaq side pade, tiang pade bẽng peringetan niki, "Dengan saq ndẽq mẽlẽ begawẽan, ndẽqne kanggo bekelor."

11Tiang pade sampẽang hal niki sẽngaq tiang pade dengah bahwe araq dengan-dengan lẽq antare side saq idupne ndẽq tertib. Ie pade ndẽq ngelaksaneang napi juaq, kecuali rẽpot lẽq hal-hal saq ndẽq araq manpaatne.

12Siq kuase Junjungan Saq Mulie Deside Isa Almasih, tiang pade bẽng nasẽhat dengan-dengan nike dait ngebẽng peringetan, adẽq ie pade tenang begawẽan dait boyaqang diriqne mẽsaq napkah.

13Laguq side pade, semeton senamian, ndaq pendaq ngelaksaneang napi saq solah.

14Sang laun araq dengan saq ndẽq mẽlẽ nurut napi saq tiang pade sampẽang lẽq dalem surat niki. Side pade harus waspade lẽq dengan saq maraq nike dait ndaq bebatur kance ie adẽq ie ilaq.

15Laguq ndaq perlakuang ie maraq musuh; laguq bẽng ie nasẽhat maraq semetonde.

16Semoge Ie, Tuhan damẽ sejahtere, tetep ngicanin side damẽ sejahtere-Ne, dalem selapuq hal. Tuhan araq bareng kance side selapuq.

17niki. Niki tande saq tiang toloq lẽq selapuq surat tiang.

18Rahmat Junjungante Saq Mulie Deside Isa Almasih, araq bareng kance side pade selapuq.



 <<  2 Tesalonika 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel