Alkitab Mobile SABDA
[VER] : [SIMALUNGUN]     [PL]  [PB] 
 <<  1 Tawarikh 2 >> 

Ginompar ni si Juda

1On do anak ni si Israel: Si Ruben, si Simeon, si Levi, si Juda, si Isasar, si Sebulon,

2si Dan, si Josep, si Benyamin, si Naftali, si Gad pakon si Asser.

3Anak ni si Juda: Si Er, si Onan pakon si Sela; boru ni si Sua, halak Kanaan ai do manubuhkon na tolu halak on bani. Tapi anggo si Er, bunga tubuh ni si Juda, na jahat do ia i lobei ni Jahowa, halani ai do ase matei ia ibahen Jahowa.

4Itubuhkon si Tamar, parumaenni ai do homa bani, si Perez pakon si Zerah; ase lima halak do ganup anak ni si Juda.

5Anak ni si Perez: si Hesron pakon si Hamul.

6Anak ni si Zerah: Si Simri, si Etan, si Heman, si Kalkol pakon si Dara, lima halak haganup.

7Anak ni si Karmi: Si Ahar, na manunsahi Israel, halani ibuat ugas sisiapokonon.

8Anak ni si Etan: Si Asarya.

9Anak na tubuh bani si Hesron: Si Jerahmel, si Ram pakon si Kalubai.

10Si Ram, ai ma bapa ni si Aminadab, anjaha si Aminadab ai ma bapa ni si Nahason, kopala ni halak Juda.

11Si Nahason, ai ma bapa ni si Salma, anak ni si Salma si Boas;

12anak ni si Boas si Obed, anak ni si Obed si Isai.

13Anak ni si Isai: Si Eliab, bunga tubuhni, si Abinadab anak paduahon; si Simea na patoluhon,

14si Natanael na paompathon, si Raddai na palimahon;

15si Osem na paonomhon ampa si Daud na papituhon.

16Botou ni sidea ai ma si Seruya pakon si Abigail. Anak si si Seruya: Si Abisai, si Joab pakon si Asahel, tolu halak.

17Si Abigail manubuhkon si Amasa; anjaha bapa ni si Amasa, ai ma si Jeter, halak Ismail.

18Ia si Kaleb, anak ni si Hesron, adong do anak bani humbani parinangonni, si Asuba pakon si Jeriot; anjaha anakni ai, ai ma si Jeser, si Sobab pakon si Ardon.

19Dob matei si Asuba, ibuat si Kaleb ma si Efrata bahen parinangonni, na manubuhkon bani si Hur.

20Si Hur ai ma bapa ni si Uri, anjaha si Uri ai ma bapa ni si Besaleel.

21Dob ai iparayak si Hesron ma boru ni si Makir, bapa ni si Gilead, ibuat ma ai bahen parinangonni, sanggah marumur ia onom puluh tahun anjaha itubuhkon naboru ai ma si Segub.

22Anjaha si Segub, ai ma bapa ni si Jair; adong do bani dua puluh tolu huta i tanoh Gilead.

23Tapi ibuat halak Gesur pakon halak Aram ma huta-huta ni si Jair, sonai homa Kenat pakon dusunni, onom puluh huta. On ma ganup anak ni si Makir, bapa ni si Gilead.

24Dob matei si Hesron i Kaleb-Efrata, itubuhkon si Abia, parinangon ni si Hesron ma si Ashur, bapa ni si Tekoa.

25Anak ni si Jerahmel, bunga tubuh ni si Hesron: Si Ram, bunga tubuhni, si Buna, si Oren, si Osem pakon si Ahya.

26Adong ope sada nari parinangon ni si Jerahmel, na margoran si Atara, ia do inang ni si Onam.

27Anak ni si Ram, bunga tubuh ni si Jerahmel: Si Maas, si Jamin pakon si Eker.

28Anak ni si Onam: Si Sammai pakon si Jada. Anak ni si Sammai: Si Nadab pakon si Abisur.

29Goran ni parinangon ni si Abisur, ai ma si Abihail, na manubuhkon bani si Aban pakon si Molid.

30Anak ni si Nadab: Si Seled pakon si Appaim; matei pono do si Seled.

31Anak ni si Appaim: Si Isei. Anak ni si Isei: Si Sesan. Anak ni si Sesan: Si Ahlai.

32Anak ni si Jada, anggi ni si Sammai: Si Jeter pakon si Jonatan; matei pono do anggo si Jeter.

33Anak ni si Jonatan: Si Pelet pakon si Sasa. Ai ma ginompar ni si Jerahmel.

34Seng adong anak bani si Sesan, pitah boru do; tapi adong ma sada halak Masir, jabolon ni si Sesan, na margoran si Jarha.

35Jadi ibere si Sesan ma boruni hubani si Jarha, jabolonni ai bahen parinangonni, gabe itubuhkon ma bani si Attai.

36Si Attai ai ma bapa ni si Natan, si Natan bapa ni si Sabad.

37Si Sabad bapa ni si Eflal, anjaha si Eflal bapa ni si Obed.

38Si Obed bapa ni si Jehu, anjaha si Jehu bapa ni si Asarya.

39Si Asarya bapa ni si Heles, anjaha si Heles bapa ni si Elasa.

40Si Elasa bapa si Sismai, anjaha si Sismai bapa ni si Sallum.

41Si Sallum bapa ni si Jekamiah, anjaha si Jekamiah bapa ni si Elisama.

42Anak ni si Kaleb, anggi ni si Jerahmel: Si Mesa, bunga tubuhni, ai ma bapa ni si Zif. Anak ni si Mesa: si Hebron.

43Anak ni si Hebron: si Korah, si Tapuah, si Rekem pakon si Sema.

44Si Sema ai ma bapa ni si Raham, bapa ni si Jorkeam; anjaha si Rekem ai ma bapa si Sammai.

45Anak ni si Sammai: Si Maon; anjaha si Maon do bapa ni si Betzur.

46Si Efa pe, parinangon ni si Kaleb, itubuhkon do si Haran, si Mosa pakon si Gases.

47Anak ni si Jadai: si Regam, si Jotam, si Gesan, si Pelet, si Efa pakon si Saaf.

48Tapi anggo si Maaka, parinangon ni si Kaleb, itubuhkon do si Seber pakon si Tirhana.

49Itubuhkon do homa si Saaf, bapa ni si Madmanna ampa si Sewa, bapa ni si Makbena pakon bapa ni si Gibea; anjaha boru ni si Kaleb ai ma si Aksa.

50Ai ma ginompar ni si Kaleb. Anak ni si Hur, bunga tubuh ni si Efrata: Si Sobal bapa ni si Kiryat-Jearim.

51Si Salma, bapa ni si Betlehem anjaha si Hareb, bapa ni si Betgader.

52Anak ni si Sobal, bapa ni si Kiryat-Jearim: Si Haroe pakon satongah halak Menuhoti.

53Ginompar ni si Kiryat-Jearim: Halak Jitri, halak Puti, halak Sumati pakon halak Misrai; humbani sidea do roh ni halak Zori pakon halak Estaoli.

54Anak ni si Salma: Si Betlehem, halak Netofati, si Atrot-Bet-Joab pakon satongah ni halak Manahati ampa halak Zori.

55Ia ginompar ni sibotoh surat, na marianan i Jabes, ai ma halak Tirhati, halak Simeati pakon halak Sukati. Ai ma halak Keni, na roh hubani si Hamat, bapa ni ginompar ni si Rekab.



 <<  1 Tawarikh 2 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel