Marga na i Dipar ni Bah Jordan: Ruben, Gad pakon Manasse Satongah
1Ia anak ni si Ruben, bunga tubuh ni si Israel -- (ai ia do namin anak bunga tubuh, tapi halani na binutakanni podoman ni bapani, gabe minsah ma hak hasintuaonni ai hubani anak ni si Josep, anak ni si Israel), seng masuk hubagas buku tarombo sidea songon anak sikahanan;
2age pe sangapan si Juda i tongah-tongah ni saninani, anjaha humbani marharorohan sada raja, tapi anggo hak hasintuaon hubani si Josep do dabuhni.
3Ia anak ni si Ruben, bunga tubuh ni si Israel, ai ma: Si Hanok, si Pallu, si Hesron pakon si Karmi.
4Anak ni si Joel: Si Semaya, anak ni ai si Gog, anak ni ai si Simei.
5anak ni ai si Mika, anak ni ai si Reayah, anak ni ai si Baal,
6anak ni ai si Beera, na binoan ni si Tiglat-Pilneser, raja hun Assur hu habuangan; ia do sada kopala ni marga Ruben.
7Saninani mar sasaompung, mangihutkon buku tarombo: Kopalani, si Jekiel pakon si Sakaria,
8pakon si Bela anak ni si Asas, anak ni si Sema, anak ni si Joel, na marianan i Aroer das hu Nebo pakon Baalmeon.
9Marianan do homa ia hampit hapoltakan das hubani pispis ni halimisan, na hampit dipar ni bah Eufrat, ai buei tumang do pinahan ni sidea i tanoh Gilead.
10Anjaha bani panorang ni si Saul marporang do sidea dompak halak Hagari, gabe rasei sidea ibahen; anjaha isoluk sidea ma lampo-lampo ni sidea i sab nagori hampit hapoltakan ni Gilead.
11Patontang pakon sidea marianan do halak Gad i tanoh Basan das hu Salka.
12Si Joel do kopalani, si Sapam paidua, dob ai si Janai pakon si Sapat i Basan.
13Ia sanina ni sidea mangihutkon ginompar ni ompung ni sidea bei, ai ma: Si Mikael, si Mesullam, si Seba, si Jorae, si Jakan, si Sia pakon si Heber, pitu halak.
14On do anak ni si Abihail, anak ni si Huri, anak ni si Jaroah, anak ni si Gilead, anak ni si Mikael, anak ni si Jesisai, anak ni si Jahdo, anak ni si Bus.
15Si Ahi, anak ni si Abdiel, anak ni si Guni do kopala ni ginompar ni ompung ni sidea.
16Marianan do sidea i Gilead, i Basan pakon i dusun-dusunni pakon i tanoh sampalan ni Saron das hu pispisni.
17Ganupan ai ipamasuk hu bagas buku tarombo bani panorang ni si Jotam, raja ni Juda pakon bani panorang ni si Jerobeam, raja ni Israel.
18Ia ginompar ni si Ruben, si Gad pakon satongah marga Manasse adong do bani sidea halak siimbang munsuh, na manghadang tanja pakon podang, pakon sisintak panah ampa halak na somal marmunsuh, ompat puluh ompat ribu pitu ratus onom puluh halak, na sirsir marporang.
19Iporang sidea do halak Hagari, Jetur, Napis, pakon Nodab,
20anjaha sanggah dapotan pangurupion sidea mangimbang sidea, gabe ondos ma hu bagas tangan ni sidea halak Hagari ai pakon haganup na rap pakon sidea, ai dilo-dilo do sidea hubani Naibata i parporangan ai, anjaha itangihon do elek-elek ni sidea ai, halani marhatengeran do sidea Bani.
21Anjaha iboan sidea ma pinahan ni sidea, lima puluh ribu unta, dua ratus lima puluh ribu biri-biri, dua ribu halode, ambahni ai saratus ribu jolma na manggoluh.
22Ai buei tumang do na rasei, ai humbani Naibata do parporangan ai. Anjaha isoluk sidea ma ianan ni sidea ai das ronsi panorang habuangan.
23Ginompar ni satongah marga Manasse marianan do i tanoh ai, singgan ni Basan das hu Baal-Hermon, das hu Seir pakon dolog Hermon ai buei tumang do sidea.
24Anjaha on do kopala ni ginompar ni ompung ni sidea: Si Eper, si Jesei, si Eliel, si Asriel, si Jeremia, si Hodawya ampa si Jahdiel, puanglima na gogoh, halak na tarbarita, anjaha kopala ni ginompar ni ompung ni sidea.
25Tapi mardousa ma sidea dompak Naibata ni ompung ni sidea, anjaha marbangkis sidea mangirikkon naibata ni bangsa, pangisi ni tanoh ai, na niagou ni Naibata i lobei ni sidea.
26Jadi ipuhoi Naibata ni halak Israel ma tonduy ni si Pul, raja ni Assur pakon tonduy ni si Tiglat-Pilneser, raja ni Assur, gabe ibuangkon ma halak Ruben, Gad pakon satongah marga Manasse, anjaha iboan ma sidea hu Hala, Habor, Hara pakon hu bah Gosan, ronsi sadari on.
<< 1 Tawarikh 5 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel