Alkitab Mobile SABDA
[VER] : [SIMALUNGUN]     [PL]  [PB] 
 <<  1 Tawarikh 9 >> 

Pangisi ni Jerusalem

1Ganup halak Israel tarsurat do ibagas buku tarombo, anjaha tonggor ma, domma tarsurat sidea ibagas buku ni raja-raja ni Israel. Tapi anggo halak Juda tarbuang do hu Babel halani pangoseionni.

2Ia pangisi ni tanoh ai hinan, ai ma na marianan bani parbagiananni bei pakon ibagas hutani bei, ai ma halak Israel, malim, halak Levi pakon siparugas i rumah panumbahan.

3Marianan do i Jerusalem deba humbani halak Juda, Benyamin, Efraim pakon Manasse.

4Humbani halak Juda: si Utai anak ni si Amihud, anak ni si Omri, anak ni si Imri, anak ni si Bani, na humbani anak ni si Peres, anak ni si Juda.

5Humbani halak Siloni: Si Asaya, bunga tubuhni pakon anakni ai.

6Humbani anak ni si Sera: Si Jehuel pakon sanina ni sidea, onom ratus siah puluh halak bueini.

7Humbani ginompar ni si Benyamin: Si Sallu, anak ni si Mesullam, anak ni si Hodavia, anak ni si Hassenua,

8si Jibneya anak ni si Jeroham, si Ela anak ni si Ussi, anak ni si Mihri, pakon si Mesullam anak ni si Sepatya, anak ni si Regual, anak ni si Jibniyah,

9ampa sanina ni sidea mar sasaompung, siah ratus lima puluh onom halak bueini. Ganupan ai kopala ni mar sasaompung bani ginompar ni ompung ni sidea.

10Humbani malim: Si Jedaya, si Joyarib, si Jakim,

11pakon si Asarya, anak ni si Hilkia, anak ni si Mesullam, anak ni si Sadok, anak ni si Merayot, anak ni si Ahitub, kopala i Rumah ni Naibata,

12pakon si Adaya, anak ni si Jeroham, anak ni si Pashur, anak ni si Malkia, pakon si Maasai, anak ni si Adiel, anak ni si Jahsera, anak ni si Mesillemit, anak ni si Immer;

13ambah ni ai sanina ni sidea, kopala ni ginompar ni ompung ni sidea saribu pitu ratus onom puluh halak bueini, halak na pandei mandalankon horja i Rumah ni Naibata.

14Humbani halak Levi: Si Semaya, anak ni si Hassub, anak ni si Asrikam, anak ni si Hasabya na humbani ginompar ni si Merari;

15pakon si Bakbakar, si Heres, si Golal, si Matanya anak ni si Mika, anak ni si Sihri, anak ni si Asap;

16pakon si Obaja, anak ni si Semaya, anak ni si Galal, anak ni si Jedutun pakon si Berekya, anak ni si Asa, anak ni si Elkana, na marianan i huta ni halak Netopati.

17Sijaga horbangan: si Sallum, si Akub, si Talmon, si Ahiman pakon saninani. Si Sallum do kopalani,

18anjaha ronsi nuan marjaga do sidea bani horbangan raja hampit hapoltakan. Ai ma sijaga horbangan ni parsaranan ni halak Levi.

19Si Sallum, anak ni si Kore, anak ni si Abyasap, anak ni si Korah, rap pakon saninani humbani ginompar ni ompungni, halak Korahi, ai do simada horja manjaga labah ni lampo-lampo ai, usih songon ompung ni sidea bani parsaranan ni Jahowa manjaga labah harorohan.

20Anjaha si Pinehas, anak ni si Eleasar do kopala ni sidea sapari; ihasomani Jahowa do ia.

21Si Sakarya, anak ni si Meselamya do sijaga labah bani lampo-lampo partumpuan ai.

22Ganup sidea, na tarpilih ai gabe si jaga labah, dua ratus sapuluh dua halak do. Tarsurat do sidea bani buku tarombo mangihutkon huta-huta. Si Daud pakon si Samuel, na marpanonggoran ai do na pabangkithon sidea bani tohonan ni sidea.

23Sidea pakon anak ni sidea do tongtong bani Rumah ni Jahowa, ai ma rumah lampo-lampo ai, laho manjagai ai.

24Mangihutkon desa na ompat ai do jongjong sijaga horbangan ai, hampit purba, hampit pastima, hampit utara pakon hampit dangsina.

25Anjaha sanina ni sidea, na marianan i huta ni sidea, maningon roh do ganup papituarihon, mangihutkon horin ni sidea laho marugas rap pakon sidea,

26tapi siompat halak kopala ni sijaga horbangan ai, totap do bani jabatanni. Deba halak Levi ipabangkit do gabe sijaga kamar pakon arta ni Rumah ni Naibata.

27Inggot Rumah ni Naibata ai do sidea marborngin; ai sidea do haondosan ni parrundaonkon, anjaha sidea do siungkab labah ganup sogod.

28Deba humbani sidea manramotkon parugas tohonan ai, ai maningon bilangon do ai sanggah pamasukkon ampa padaratkon.

29Deba nari humbani sidea ipabangkit manramotkon parugas, ai ma ganup parugas na mapansing ai, sonai homa manramotkon nitak na lumat ai, anggur, minak, dahupa pakon rium-riuman.

30Na legan, ai ma humbani anak ni malim, marmasak minak humbani rompah-rompah ai.

31Anjaha si Matitya humbani halak Levi, bunga tubuh ni si Sallum, halak Korahi ai, ia do ondosan ni na patureihon kuei na ginoreng.

32Ambahni ai deba humbani sanina ni sidea, humbani ginompar ni si Kahat do haondosan ni ruti sigalangkonon, sipasirsiron ganup ari Sabat.

33Anjaha on ma sipandoding, kopala ni halak Levi mar sasaompung, na marianan i kamar ni rumah panumbahan, na maluah humbani parugason na legan, ai marlahoan do sidea arian pakon borngin.

34Ai sidea do kopala ni halak Levi mar sasaompung, mangihutkon partubuh ni sidea; marianan i Jerusalem do sidea.

Pangisi ni Gibeon; Tarombo ni si Saul

35I Gibeon do marianan bapa ni si Gibeon, ai ma si Jehiel, anjaha si Maaka do goran ni parinangonni.

36Bunga tubuhni si Abdon, dob ai si Sur, si Kis, si Baal, si Ner, si Nadab,

37si Gedor, si Ahyo, si Sakarya pakon si Miklot.

38Ia si Miklot, ai ma bapa ni Simea; sidea pe i Jerusalem do marianan rap pakon saninani, patontang.

39Anak ni si Ner, ai ma si Kis, anak ni si Saul; anak ni si Saul: Si Jonatan, si Malhisua, si Abinadab pakon si Esbaal.

40Anak ni si Jonatan ai ma si Meribaal, anakni ai si Mika.

41Anak ni si Mika: Si Piton, si Melek, si Tarea pakon si Ahas.

42Anak ni si Ahas si Jaera; anak ni ai si Alemat, si Asmawet pakon si Simri, na maranakkon si Mosa.

43Anak ni si Mosa si Binea, anak ni ai si Repa, anak ni ai si Eleasa, anak ni ai si Asel.

44Onom do anak ni si Asel, na margoran: Si Asrikan, si Bohru, si Jismael, si Searya, si Obaja pakon si Hanan, ai ma anak ni si Asel.



 <<  1 Tawarikh 9 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel