Alkitab Mobile SABDA
[VER] : [SIMALUNGUN]     [PL]  [PB] 
 <<  2 Korintus 7 >> 

1Halani adong banta bagah-bagah na sonai, nasiam hinaholongan, paborsih hita ma dirinta humbani sagala na pabutakkon daging ampa tonduy, laho marayak hapansingon ibagas biar dompak Naibata.

Ipindo si Paulus Use Holong ni Uhur ni Halak Korint bani Sidea

2Jalo nasiam ma hanami, seng adong na ijahati hanami, seng adong na iparseda hanami, anjaha seng adong na iuhur-uhuri hanami.

3Seng na laho manguhumi nasiam ase huhatahon in, ai domma huhatahon, na dob ibagas uhurnami do nasiam, ase rap matei anjaha rap manggoluh hita.

4Banggal do tenger ni uhur hubani nasiam, banggal do age pamujingku bani nasiam; tarapoh tumang uhurhu, marmalas ni uhur tumang do uhurhu ibagas haganup sitarononnami.

Tarapoh Uhur ni Si Paulus Mambogei Barita Hamubahon ni Halak Korint Marhitei si Titus

5Ai age bani parrohnami hu Makedonia, seng marparsaranan dagingnami, tapi sosak do ibagas haganup, parlawanan hun darat, biar humbagas.

6Tapi Naibata, Siapoh na toruh maruhur. Ia do mangapoh hanami marhitei, parroh ni si Titus,

7seng marhitei parrohni tumang, dihut do marhitei pangapohon, na jinaloni humbani nasiam; ai ibaritahon do bannami sihol ni uhur nasiam, partangis nasiam, ampa ringgas ni uhur nasiam mangkopkop ahu, gabe lambin malas ma uhurhu.

8Ai pusok pe uhur nasiam hubahen marhitei surat ondi, seng husolsoli uhurhu. Anggo husolsoli pe lobei uhurhu, ai huidah pusok uhur nasiam tongkin ibahen surat ondi,

9sonari nani malas do uhurhu, sedo halani na dob pusok ai uhur nasiam, tapi halani hamubahon ni uhur, pangkorhon ni pusok uhur ai do. Ai humbani Naibata do pusok ni uhur nasiam, ase ulang rugi nasiam halani hanami ibagas atap aha pe.

10Ai ihorhon pusok ni uhur na humbani Naibata do hamubahon ni uhur hu haluahon, seng marpanosalan, tapi pusok ni uhur dunia on mangkorhon hamatean.

11Tanda nasiam ma pusok ni uhur na humbani Naibata, na mangkorhon ibagas nasiam sonai buei ni ringgas ni uhur, pangapition, ringis, biar, sihol ni uhur, pongkut ni uhur, ampa paminsangon. Ibagas haganupan ai domma ipatuduhkon nasiam, paboa borsih do nasiam ijai.

12Ase hutongos pe surat ai bani nasiam; sedo halani parjahat ai, atap halani na jinahatanni, tapi ase talar do bani nasiam i lobei ni Naibata, ringgas ni uhur nasiam mangkopkop hanami.

13Halani ai tarapoh do hanami. Ambah ni pangapohon na bannami ai, lambin malas do uhurnami halani malas ni uhur ni si Titus, ai sonang do tonduyni ibahen nasiam haganup.

14Ai seng tarmela ahu, na hupapuji-puji ai nasiam dompaksi, tapi songon na ihatahon hanami haganupan in bani nasiam sintong-sintong, sonai do homa gabe sintong pamujinami dompak si Titus.

15Anjaha lambin banggalni do holong ni uhurni bani nasiam, mardingat pambalosion nasiam haganup, sonaha panjalo nasiam bani ibagas biar ampa hitir.

16Malas do uhurhu, halani boi ahu martenger ni uhur bani nasiam ibagas haganup.



 <<  2 Korintus 7 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel