Alkitab Mobile SABDA
[VER] : [SIMALUNGUN]     [PL]  [PB] 
 <<  2 Tesalonika 1 >> 

Tabi bani Kuria ai

1Hun bani si Paulus, si Silpanus, ampa si Timoteus, hubani kuria Tessalonik, na ibagas Naibata Bapanta ampa Tuhan Jesus Kristus.

2Idop ni uhur ma bani nasiam ampa damei humbani Naibata Bapanta ampa Tuhan Jesus Kristus.

Tarima Kasih ampa Tonggo; ase Lambin Totapni Kuria ai

3Patut tumang do hanami, nasiam sanina, tongtong mangkatahon tarima kasih bani Naibata halani nasiam. Patut do sonai, ai lambin ganda tumang do haporsayaon nasiam, anjaha martambah do holong ni uhur ni ganup nasiam samah nasiam.

4Hanami sandiri mamuji-muji dirinami halani nasiam i lobei ni ganup kuria ni Naibata, halani hatotapon ampa haporsayaon nasiam ibagas sagala parburuon ampa hamarsikon, na tinaron nasiam.

5In ma na patandahon pintor ni paruhuman ni Naibata, gabe talup nasiam ihira masuk hu Harajaon ni Naibata; halani ai do manaron nasiam nuan.

6Pintor do in tongon, ninuhur ni Naibata, mambalaskon hamarsikon bani na mangarsik-arsik nasiam,

7tapi hasonangan bani nasiam, na niarsik-arsik, rap pakon hanami, bani partalar ni Tuhan Jesus tuad hun nagori atas rap pakon malekat ni hagogohon-Ni,

8ibagas apuy na marjilam-jilam, laho mandabuh uhum bani na so mananda Naibata, anjaha na so ra mambalosi Ambilan Na Madear ni Tuhanta Jesus.

9Hona uhum ma sidea, ai ma hamagouan sisadokah ni dokahni, humbani bohi ni Naibata ampa humbani hasangapon ni hagogohon-Ni,

10sanggah roh Ia bani ari ai, ase marsangap Ia humbani na mapansing-Ni anjaha longang sagala na porsaya bani, ai porsaya do nasiam tongon bani hasaksian na binoannami bani nasiam.

11Jadi martonggo do hanami tongtong pasal nasiam, ase Naibatanta ma na patalup nasiam domu hubani pandiloon-Ni ai, anjaha ipasaud ma ganup sura-sura na madear ampa ganup horja haporsayaon marhitei hagogohon-Ni,

12ase marsangap ma goran ni Tuhanta Jesus Kristus ibagas nasiam, sonai homa nasiam ibagas Ia, domu hubani idop ni uhur ni Naibatanta ampa Tuhan Jesus Kristus.



 <<  2 Tesalonika 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel