(Sambatni)
1Dearan do sansayat ruti na mapir marhasoman uhur na sonang, humbani rumah na gok gulei marhasoman paringoran.
2Jabolon na pentar do sirajai anak paruhur na bajan, anjaha dapotan tean-teanan do ia rap pakon saninani.
3Balanga panlalaan manguji pirak, liang panloburan manguji omas, tapi Jahowa do siuji uhur.
4Halak parjahat patangi-tangi sahap na masambor, halak siparladung manareihon pinggolni bani hata na parsedahon.
5Sipahiri-hiri halak na masombuh, pahirihon na manompasi do, anjaha na marmegah-megah pasal hamagouan ni hasomanni, lang tarbahen lang hona uhum do.
6Sortali ni halak na matua ai ma pahompuni, anjaha hamuliaon ni anak ai ma bapa ni sidea.
7Seng domu bani halak na oto sahap na mantin, samintolah hata ladung ma patut bani na sangap?
8Mata intan do sisip, ninuhur ni sibere ai, iagan maruntung ma ia bani sagala langkah-langkahni.
9Halak sirungkub hasalahan, ai ma siadongkon uhur na marsihaholongan, tapi halak na pararatkon sahap-sahap manirang na marhuan do.
10Margogohan do sada hata pinsang-pinsang bani halak na maruhur, ase saratus lonsing-lonsing bani halak na bodoh.
11Halak parjahat pitah mangindahi parlawanan do, tapi suruhan na mabajan do isuruh mangimbangsi.
12Rahanan do pajumpah pakon gipul na magouan anak, humbani na pajumpah ampa halak na oto ibagas habodohonni.
13Halak na mambalaskon na jahat bani na madear, seng morot be na masambor hun rumahni.
14Sitolkas bah binongbong do halak sibahen paringoran, halani ai, paima pultak paringoran, intopi ma ai.
15Halak na mamintori parjahat ampa halak sisalahkon na bujur, haduasi do ai hagigi bani Jahowa.
16Aha ma gunani duit bani tangan ni halak na bodoh, laho mamboli hapentaran, hape seng dong uhur bani?
17Bani sagala panorang do marholong atei huan-kuan, gabe sanina ibagas hasosakan do ia, ase tubuh.
18Jolma na hurang uhur, urah do marjabat tangan, laho mambere jaminan bani hasomanni.
19Halak na marosuh bani paringoran, siharosuhkon dousa do ai, anjaha na mambahen gijang hu atas labah ni rumahni, ai ma sipindahi hamagouan.
20Halak paruhur na geduk, seng jumpahan na madear, anjaha halak pardilah na lekluk, madabuh hubagas hamagouan.
21Halak siparanak na bodoh, pusok ni uhur do ai bani, seng marmalas ni uhur bapa ni halak na oto.
22Uhur na megah paminar bohi, tapi tonduy na marosak pamerung angkula.
23Sisip na hunja pe ijalo parjahat do, laho papeol pardalan ni uhum.
24Bani panonggor ni halak na maruhur dong do hapentaran, tapi anggo mata ni na oto maor do ronsi ujung ni tanoh on.
25Borit ni uhur do bani bapa anak na oto, anjaha pusok ni uhur bani na manubuhkonsi.
26Mandonda halak parpintor seng dear, manlonsing halak na sangap salah tumang do ai.
27Halak siantan parsahap, ai ma na marpambotoh, anjaha halak partonduy na lamlam siparuhur do ai.
28Halak na bodoh pe, anggo masip gabe songon siparuhur do, anggo sai itutup pamanganni, tarhira do ia halak na pentar.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel