Ontangan humbani Hapentaran ampa Haotoon
1Ia hapentaran ai domma ipajongjong rumahni, ipasuk do basikahni na pitu ai,
2isayat do pinahanni, irarui anggurni, anjaha ipasirsir do mejani.
3Isuruh do juakjuakni naboru martaur humbani ianan na gijang i huta ai,
4“Barang ise na so marpambotoh, roh ma ia hujon!” Bani halak na oto ihatahon,
5“Roh ma, pangan hanima ma indahanku anjaha inum ma anggurhu, na dob hurarui.
6Tadingkon hanima ma haotoon ase manggoluh anjaha mardalan ma hanima bani dalan pangarusion.”
7Halak sipinsang sipanrisai dapotan habadoron, anjaha halak sihata parjahat pasambor dirini sandiri do.
8Ulang ma pinsang sipanrisai, ase ulang mardomdom ia bam, halak siparuhur ma pinsang, gabe haholonganni ma ho.
9Bere ma bani siparuhur, ase lambin maruhur ia, ajari ma halak parpintor, ase tambah habotohonni.
10Biar mangidah Jahowa do mula ni hapentaran, anjaha panandaion bani Na Pansing ai, ai do pangarusion.
11Ai marhitei ahu do ganjang ari-arimu anjaha tambah bam tahun ni goluhmu.
12Anggo pentar ho, bam do hapentaranmai; tapi anggo manrisai ho, ho sandiri do na mangahapkon ai.
13Ia haotoon doskon naboru na garang do ai, seng dong pangartianni, seng dong binotohni.
14Bani labah ni rumahni do ia hundul-hundul, bani ianan sigijangan i huta ai,
15dilo-dilo bani halak na mamontas, na mannunuti pardalananni, nini,
16“Barang ise na bodoh, singgah ma hujon!” Bani halak na oto ihatahon,
17“Matobu do bah tinangko-tangko, anjaha mantin do ruti na pinangan marponop-ponop.”
18Tapi seng ibotoh adong do hamatean ijai, anjaha ibagas nagori toruh do niontangni ai.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel