Alkitab Mobile SABDA
[VER] : [SIMALUNGUN]     [PL]  [PB] 
 <<  Hosea 3 >> 

Holong ni Uhur ni si Hosea bani Naboru Siparbangkis

1Dob ai nini Jahowa ma hu bangku, “Laho ma use, haholongi ma sada naboru, na mangkaholongi dalahi na legan, siparbangkis, usih songon Jahowa na mangkaholongi bangsa Israel, age pe marbalik sidea bani Naibata na legan anjaha rosuh bani ruti na maragu buah anggur.”

2Jadi huboli ma ia bangku arga sapuluh lima sikal pirak ampa sada satongah homer andolei.

3Jadi ningku ma hu bani, “Maningon dokah do ho marianan rap pakon ahu, ulang marbangkis, ulang mardalahii, ahu pe sonai ma bam.

4Ai maningon dokah do halak Israel marianan, seng marraja atap markopala, seng manggalang atap martugu, seng marepod atap marterapim.

5Dob ai mulak ma use halak Israel, anjaha pindahan ni sidea ma Jahowa, Naibata ni sidea, ampa si Daud, raja ni sidea ai, anjaha roh sidea marhabiaran mangayaki Jahowa ampa hatuahonni ai bani panorang parpudi.”



 <<  Hosea 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel