Aturan Pangurasion Pasal Naborit Gadam
1Dob ai nini Jahowa ma hubani si Musa,
2“On do titah pasal halak na gadamon bani ari pangurasionni: Maningon boanon do ia bani malim ai;
3ia malim ai maningon luar do ia hu darat ni parsaranan ai. Jadi dob ididah malim ai, na dob malum do gadam ai humbani na gadamon ai,
4jadi hatahon ni malim ai ma halak siurason ai mambuat bani dua manuk-manuk na manggoluh anjaha na borsih, ampa hayu ares, bonang sigerger ampa isop.
5Ihatahon malim ai ma na manayat sada humbani manuk-manuk ai i atas ni sada hudon tanoh, i atas ni bah mardalan.
6Dob ai ibuat ma manuk-manuk na manggoluh ai rap pakon hayu ares, bonang sigerger ampa isop ai, isornobkon ma ai rap pakon manuk-manuk na manggoluh ai hubagas daroh ni manuk-manuk, na sinayat i atas ni bah mardalan ai,
7ipispiskon ma ai pitu hali bani jolma siurason ai humbani gadam ai, sonai ma pangurasion bani; dob ai ipaluah ma manuk-manuk na manggoluh ai habang hu talun.
8Tapi halak siurason ai, maningon susionni do pakeanni, suhuronni ganup jambulanni anjaha maridi ia ibagas bah, ai pe ase borsih ia. Dob ai boi ma ia masuk hu parsaranan ai; tapi maningon tading ope ia pitu ari nari dokahni i darat ni lampolamponi.
9Bani ari papituhon maningon suhuronni do ganup jambulanni, jambulan na bani uluni, gumisni, ampa salibonni, haganup jambulan na adong bani maningon suhuronni do. Dob ai maningon susionni do pakeanni anjaha maridi ia ibagas bah; jadi pansing ma ia.
10Bani ari paualuhkon buatonni ma dua anak ni biribiri tunggal na so marsining, sada biribiri sisatahun na so marsining ambahni ai tolu parsapuluh efa itak lumat, niagu pakon minak bahen galangan sipanganon ampa satangkar minak.
11Anjaha malim, sidalankon pangurasion ai, boanonni ma jolma siurason ai rap pakon galangan ai hu lobei ni Jahowa, hu lobei ni labah ni lampolampo partumpuan ai.
12Ibuat malim ai ma sada humbani anak ni biribiri tunggal ai, igalangkon ma ai, igalangkon ma ai bahen galangan parsalahan, rap pakon minak na satangkar ai, anjaha itatang ma ai haduasi bahen galangan sitatangon bani Jahowa.
13Ia anak ni biribiri ai maningon sayaton do ai bani panayatan ni galangan pardousaon, ampa galangan situtungon ai, bani ianan na mapansing ai; ai songon galangan pardousaon ai, malim do homa simada galangan parsalahan ai; pansing do ai.
14Ibuat malim ai ma humbani daroh ni galangan parsalahan ai, inahkon malim ai ma ai bani bulung ni pinggol parsiamun ni halak siurason ai, ampa bani ompu-ompu ni tanganni siamun, ampa bani ompu-ompu ni naheini siamun.
15Ibuat malim ai ma deba humbani minak na satangkar ai, anjaha iuseihon ma ai hubagas tangan sambilouni sandiri;
16isornobkon malim ai ma jari-jari ni tanganni siamun hubagas minak na ibagas tangan sambilouni ai, anjaha ipispiskon ma deba minak ai marhitei jari-jarini pitu hali i lobei ni Jahowa.
17Anjaha deba humbani minak na tading ibagas tanganni ai, inahkon malim ai ma ai bani bulung ni pinggol parsiamun ni halak siurason ai, ampa hubani ompu-ompu ni tanganni siamun ampa hubani ompu-ompu ni naheini siamun, i atas ni daroh parsalahan ai.
18Ia minak na tading ai ope ibagas tangan ni malim ai, inahkon ma ai bani ulu ni halak siurason ai; ase sonai ma malim ai mambahen pardearan bani i lobei ni Jahowa.
19Dob ai boanon ni malim ai ma use galangan pardousaon, laho mambahen pardearan bani halak na pauraskon dirini ai humbani habutakonni, anjaha dob salpu ai sayatonni ma galangan situtungon ai.
20Galangkonon ni malim ai ma galangan situtungon ai ampa galangan sipanganon ai i atas anjapanjap ai, laho mambahen pardearan bani; jadi borsih ma ia.
21Anggo miskin do ia, gabe seng sungkup sibahenonni, ibuat ma anak ni biribiri tunggal sada gabe galangan parsalahan bahen sitatangon laho mambahen pardearan bani; ambahni ai saparsapuluh efa itak lumat na niagu ampa minak bahen galangan sipanganon ampa satangkar minak;
22sonai homa dua anduhur ginti ampa dua anak ni asas, domu hubani na tarbahensi, sada gabe galangan pardousaon anjaha na sada nari gabe galangan situtungon.
23Boanonni ma ai paualuh-arihon bahen pangurasionni hubani malim ai, hu lobei ni labah ni lampolampo partumpuan ai, hu lobei ni Jahowa;
24ibuat malim ai ma anak ni biribiri galangan parsalahan ai, ampa minak na satangkar ai, anjaha itatang malim ai ma ai gabe galangan sitatangon i lobei ni Jahowa;
25dob ai isayat ma anak ni biribiri galangan pardousaon ai; ibuat malim ai ma deba humbani daroh ni galangan parsalahan ai, anjaha inahkon ma ai bani bulung ni pinggolni parsiamun, ampa hubani ompu-ompu ni tanganni siamun ampa hubani ompu-ompu ni nahei siamun ni halak siurason ai.
26Anjaha iuseihon malim ai ma deba humbani minak ai hubagas tangan sambilouni sandiri,
27anjaha ipispiskon ma deba humbani minak ai, na bani tanganni sambilou ai, pitu hali i lobei ni Jahowa.
28Inahkon malim ai ma deba humbani minak na bani tangan siamun ai humbani bulung ni pinggol parsiamun ni halak siurason ai, ampa hubani ompu-ompu ni tanganni siamun, ampa hubani ompu-ompu ni naheini siamun, i atas ni pardarohan ni galangan parsalahan ai;
29anjaha teba-teba ni minak ai, na bani tangan ni malim ai, inahkon ma ai hu atas ulu ni halak siurason ai, laho mambahen pardearan bani i lobei ni Jahowa.
30Dob ai galangkononni ma anduhur ginti ai ampa anak ni asas ai, ansa na boi pinasirsirni ai,
31sada gabe galangan pardousaon anjaha na sada nari gabe galangan situtungon, rap pakon galangan sipanganon; sonai ma pajongjongon ni malim ai pardearan i lobei ni Jahowa bani halak siurason ai.
32In ma titah bani halak na marnaborit gadam, na so tuk pasirsirhon galangan pangurasionni.”
33Dob ai nini Jahowa ma hubani si Musa ampa si Aron,
34“Anggo das ma hanima hu tanoh Kanaan, sibereon-Kai bennima gabe parbagianan, anjaha Hupalopas tubuh naborit gadam bani sada rumah i tanoh parbagianannima ai,
35jadi maningon roh do halak simada rumah ai laho patuduhkon ai bani malim anjaha hatahononni ma, ʻAdong do tanda-tanda ni gadam taridah bani rumahku.ʼ
36Paima roh malim ai hujai laho mamareksa rumah ai, ihatahon ma lobei na palumeihon rumah ai, ase ulang gabe butak haganup na adong ibagas rumah ai; dob ai pe ase masuk malim ai, laho mamareksa rumah ai.
37Anjaha sanggah na mamareksa ai, anggo jumpahsi tanda-tanda na maratah atap na magerger bani dingding ni rumah ai, na holnohan idahon ase dingding na legan ai,
38jadi luar ma malim ai humbagas rumah ai hulabah ni rumah ai, anjaha itutup ma rumah ai pitu ari dokahni.
39Papitu-arihon roh ma use malim ai laho mamareksa, anjaha anggo lambin manrarat do naborit ai bani dingding ni rumah ai,
40jadi hatahonon ni malim ai ma na padaratkon batu ai, ianan ni naborit ai, anjaha igijigkon ma ai hu darat ni huta ai bani sada ianan na butak.
41Anjaha rumah ai kiskison ma ai hampit bagas inggot, anjaha orbuk pangkiskisan ai ambukkononkon ma ai hu darat ni huta ai, bani ianan na butak.
42Ibuat ma batu na legan panggantih ni batu na dob binuat ai, ampa hapur na legan laho mangkapuri rumah ai use.
43Tapi anggo mangulaki do roh naborit ai hu rumah ai, dob ipadarat batu ai hunjai, dob ikiskis rumah ai anjaha ikapur use ai,
44maningon laho do malim ai use laho mamareksa ai; anjaha anggo lambin manrarat do naborit ai i rumah ai, naborit gadam na bajan ma ai bani rumah ai; butak ma ai.
45Jadi parsedaon ma rumah ai, batuni ai, parhayuni ampa hapur na bani rumah ai, anjaha maningon padaraton do ai hu darat ni huta ai bani sada ianan na butak.
46Anjaha barang ise halak na masuk hu rumah ai, sadokah tutup ai, maningon butak do ia ronsi bodari.
47Barang ise na modom i rumah ai, maningon burihanni do pakeanni; anjaha barang ise na mangan i rumah ai maningon burihanni do pakeanni.
48Tapi anggo roh malim ai laho mamareksa rumah ai, tapi seng be lambin manrarat naborit ai i rumah ai, dob ihapuri ai, jadi patugahon ni malim ai ma na borsih do rumah ai; tongon domma malum naborit ai.
49Anjaha laho mangurus rumah ai, ibuat malim ai ma dua manuk-manuk, hayu ares, bonang sigerger ampa isop.
50Sada humbani manuk-manuk ai isayat ma ai i atas ni sada ni sada hudon tanoh, i babou ni bah mardalan.
51Dob ai ibuat ma hayu ares, isop, bonang sigerger ampa manuk-manuk na manggoluh ai, isornopkon ma ai hubagas daroh ni manuk-manuk na dob sinayat ai, ampa hubagas bah na mardalan ai; ipispiskon ma ai pitu hali hubani rumah ai.
52Sonai ma pangurasionni bani rumah ai, marhitei daroh ni manuk-manuk ai, marhitei bah mardalan ai, marhitei manuk-manuk na manggoluh ai, marhitei hayu ares ai, isop ampa bonang sigerger ai.
53Dob ai ipaluah ma manuk-manuk na manggoluh ai hu darat ni huta ai, hu tongah talun, laho mambahen pardearan bani rumah; jadi borsih ma ai.
54In ma titah pasal naborit-naborit gadam, pasal na marutu-rutu,
55pasal gadam na bani pakean ampa rumah,
56pasal bayoh, puru ampa hurap,
57laho patorangkon sadihari butak atap borsih ai. In ma titah pasal naborit gadam.”
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel