Naibata do hansa Sipasangapon
1Seng bennami, ale Jahowa, seng bennami, tapi bani goran-Mu ma bere Ham hasangapon, halani idop ni uhur-Mu, halani hasintongan-Mu.
2Mase ma hatahonon ni sipajuh begu-begu, “Ija do Naibata ni sidea?”
3Ia Naibata i nagori atas do, ipasaud do sagala rosuh ni uhur-Ni.
4Sisombah-sombahon ni sidea, ai pirak pakon omas, na pinauli ni tangan ni jolma.
5Dong do babahni, tapi seng boi marsahap; dong do matani, tapi seng marpangidah.
6Dong do pinggolni, tapi seng marpanangar; dong do igungni, tapi seng marpanganggoh.
7Dong do tanganni, tapi seng boi manjamah; dong do naheini, tapi seng boi mardalan; seng luar sora humbani tolonanni.
8Sai songon sidea ma halak na paulihonsi, sagala halak na martenger ni uhur hujai.
9Ale Israel, porsaya ma bani Jahowa! Ia do pangurupi bani sidea pakon gantar bani sidea.
10Ale ginompar ni si Aron, porsaya ma bani Jahowa! Ia do pangurupi bani sidea pakon gantar bani sidea.
11Nasiam sihabiari Jahowa, porsaya ma bani Jahowa! Ia do pangurupi bani sidea pakon gantar bani sidea.
12Idingat Jahowa do hita, pasu-pasuon-Ni, pasu-pasuon-Ni do ginompar ni Israel, pasu-pasuon-Ni do ginompar ni si Aron.
13Pasu-pasuon-Ni do na mangkabiari Jahowa, dakdanak rap pakon na magodang.
14Sai martambah ma nasiam ibahen Jahowa, nasiam pakon anak nasiam.
15Sai pinasu-pasu ma nasiam humbani Jahowa, sitompa langit pakon tanoh on.
16Nagori atas Jahowa do simadasi, tapi tanoh on ibere do bani jolma manisia.
17Sedo na dob matei mamuji Jahowa, sedo halak na dob tuad hu nagori toruh.
18Tapi hita, hita do na mamuji Jahowa, humbani sonari ronsi sadokah ni dokahni. Haleluya!
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel