Jolma na Galek in Gabe Tinompa Sisurungan
1Bani pambobai koor. Domu hubani Gitit. Psalm ni si Daud. (8-2) Ham Jahowa, Tuhannami, sangapni in goran-Mu bani sab tanoh on, Ham do na mannahkon hamuliaon-Mu bani langit.
2(8-3) Humbani pamangan ni dakdanak pakon na inuman iadongkon Ham do hagogohon halani munsuh-Mu, laho pasipkon imbang-Mu ampa sipambalas.
3(8-4) Anggo hukawahkon langit-Mu pakon horja ni jari-jari-Mu, bulan pakon sagala bintang na pinauli-Mu,
4(8-5) mintor aha ma nani jolma in ase pala ingaton-Mu ia, ampa anak ni manisia in ase ihargahon Ham ia?
5(8-6) Ijadihon Ham do ia otik toruhan humbani Naibata, anjaha isortalihon Ham do hubani hamuliaon pakon hatunggungon.
6(8-7) Ipabangkit Ham do ia mamarentah jadi-jadian ni tangan-Mu, ipatunduk Ham do haganup hu toruh ni naheini:
7(8-8) biribiri pakon lombu haganup, ampa binatang harangan;
8(8-9) manuk-manuk na i awang-awang pakon dengke na i laut, haganup tene na manjulur i longkit-longkit ni laut.
9(8-10) Ham Jahowa Tuhannami, sangapni in goran-Mu bani sab tanoh on.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan