Ojur-ojur Mangolobkon Jahowa, Sipaluah in
1Sada Psalm. Dodingkon nasiam ma sada doding na bayu bani Jahowa, ai Ia do sibahen halongangan; tangan siamun-Ni do na mangurupi-Si, sonai age botohon-Ni na pansing in.
2Domma ipabotohkon Jahowa hatuahon-Ni, i lobei ni bangsa-bangsa ipatalar do hapintoron-Ni.
3Idingat do idop ni uhur-Ni ampa hasintongan-Ni bani ginompar ni Israel. Ganup ujung ni tanoh on mangidah haluahon na humbani Naibatanta.
4Olobkon ma Jahowa, ale sab tanoh on, marmogah-mogah ma, marsurak anjaha mandoding ma nasiam!
5Puji ma Jahowa marhasoman husapi, marhasoman husapi ampa doding na gomos,
6marhasoman tarompit pakon sora ni tanduk, marsurak ma i lobei ni Raja Jahowa.
7Mardorom ma laut pakon sagala isini, sonai dunia on ampa na mangiankonsi.
8Martopap-topap ma bah mardalan, marolob-olob ma rap-rap sagala dolog,
9i lobei ni Jahowa, ai roh do Ia laho manguhum tanoh on. Uhumon-Ni ma dunia on marhitei hapintoron ampa sagala bangsa marhitei hasintongan.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel