Alkitab Mobile SABDA
[VER] : [SIMALUNGUN]     [PL]  [PB] 
 <<  Mazmur 1 >> 

Hatuahon ni Halak Parpintor ampa Hamagouan ni Halak Parjahat

1Martuah ma halak na so ra mangihutkon riah ni halak parjahat, na so ra jongjong bani dalan ni pardousa, anjaha na so ra hundul bani tumpuan ni halak siparrisai.

2Tapi titah ni Jahowa do harosuh ni uhurni, sai titah-Ni ai do ipingkiri arian pakon borngin.

3Songon hayu do ia na sinuan i topi ni bah mardalan, na marbuah bani musimni, bulungni pe seng ra melus, anjaha sagala hinorjahonni manjadi do.

4Seng sonai anggo halak parjahat, tapi songon lapa-lapa hinabangkon ni logou do sidea.

5Halani ai seng tahan halak parjahat i lobei ni paruhuman, sonai homa pardousa ibagas humpulan ni halak parpintor.

6Ai itanda Jahowa do dalan ni halak parpintor, tapi sai maseda do dalan ni halak parjahat.



 <<  Mazmur 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel