Partingkian ni Malim-malim ampa Halak Levi
1On ma malim-malim ampa halak Levi, na tangkog rap pakon si Serubabel, anak ni si Sealtiel, ampa si Jesua, Si Seraya, si Jeremia, si Esra,
2si Amarya, si Malluk, si Hattus,
3si Sekanya, si Rehum, si Meremot,
4si Iddo, si Geneton, si Abia,
5si Miyamin, si Maaja, si Bilga,
6si Semaya, si Joyarib, si Jedaya,
7si Sallu, si Amok, si Hilkia ampa si Jedaya. Ai ma kopala ni malim ampa sanina ni sidea bani panorang ni si Jesua.
8Halak Levi, ai ma: Si Jesua, si Binnui, si Kadmiel, si Serebya, si Juda ampa si Matanya, ai ma sibobahon doding puji-pujian ampa sanina ni sidea.
9Anjaha si Bakbukya ampa si Unni, sanina ni sidea, jongjong do patontang pakon sidea bani horja ai.
10Ia si Jesua, ai ma bapa ni si Joyakim, si Joyakim bapa ni si Eliasib, si Eliasib bapa ni si Joyada.
11si Joyada bapa ni si Jonatan, si Jonatan bapa ni si Jadua.
12Sanggah bani panorang ni si Joyakim, kopala ni malim mar sasaompung, ai ma: Humbani si Seraya, si Meraya; humbani si Jeremia, si Hananya;
13humbani si Esra, si Mesulam; humbani si Amarya si Johanan;
14humbani si Malluk, si Jonatan; humbani si Sebanya, si Josep;
15humbani si Harim, si Adna; humbani si Merayot, si Helkai;
16humbani si Iddo, si Sakaria; humbani si Gineton, si Mesulam;
17humbani si Abia; si Sikri; humbani si Miyamin ampa humbani si Moadia, si Piltai;
18humbani si Bilga, si Sammua; humbani si Semaya, si Jonatan;
19humbani si Joyarib, si Matenai; humbani si Jedaya, si Ussi;
20humbani si Salai, si Kallai; humbani si Amok, si Heber;
21humbani si Hilkia, si Hasabya; humbani si Jedaya, si Netaneel.
22Humbani halak Levi, bani panorang ni si Eliasib, si Joyada, si Johanan ampa si Jadua do tarsurat kopala ni mar sasaompung, sonai malim-malim das hubani harajaon ni si Darius, halak Persia ai.
23Kopala ni halak Levi mar sasaompung, tarsurat do ibagas buku barita das ronsi panorang ni si Johanan, anak ni si Eliasib.
24Kopala ni halak Levi ai ma: Si Hasabya, si Serebya ampa si Jesua anak ni si Kadmiel pakon sanina ni sidea, na patontang pakon sidea jongjong, laho mamuji-muji ampa mangkatahon tarima kasih, romban hubani parentah ni si Daud, halak ni Naibata, marbanjei-banjei.
25Si Matanya, si Bakbukya, si Obaja, si Mesulam, si Talmon pakon si Akkub, ai ma sijaga horbangan, marjaga i lambung ni kamar parartaan, na i lambung ni horbangan ai.
26Manggoluh do sidea ai sanggah panorang ni si Joyakim, anak ni si Jesua, anak ni si Josadak, ampa sanggah panorang ni si Nehemia, panrajai ai, ampa malim Esra, sibotoh titah ai.
Pesta Tembok ni Huta Jerusalem
27Sanggah na laho mamestahon tembok ni Jerusalem ai, ipindahi sidea ma halak Levi bani ganup ianan ni sidea laho mangarahkon sidea hu Jerusalem, laho mamestahon tembok ai marhasoman malas ni uhur, marhasoman tarima kasih ampa doding, marhasoman arbap, sordam ampa husapi.
28Roh ma martumpu ginompar ni halak sipandoding hun tanoh inggot ni Jerusalem ampa hun huta-huta ni halak Netopati.
29Sonai homa hun Bet-Gilgal ampa hun talun Geba pakon Asmavet; ai inggot ni Jerusalem do ipauli halak sipandoding ai huta ni sidea.
30Jadi iuras malim ampa halak Levi ai ma dirini; iuras sidea ma homa bangsa ai, horbangan ai pakon tembok ai.
31Dob ai huhatahon ma kopala ni Juda naik hu tembok ai, anjaha huangkat ma dua tumpuan banggal sipandoding, na mardalan marodor. Sada laho dompak siamun i atas tembok ai hu horbangan parnapuan.
32Irik hubani sidea mardalan ma si Hosaya ampa satongah kopala ni Juda.
33Sonai homa si Asarya, si Esra, si Mesulam,
34si Juda, si Benjamin, si Semaya ampa si Jeremia,
35ampa deba humbani anak ni malim marhasoman tarompit: Si Sakaria, anak ni si Jonatan, anak ni si Semarya, anak ni si Matanya, anak ni si Mikaya, anak ni si Sakkur, anak ni si Asap;
36ambah ni ai sanina ni sidea: Si Semaya, si Asareel, si Milalai, si Gilalai, si Maai, si Netaneel, si Juda ampa si Hanani rap pakon parugas musik ni si Daud, halak ni Naibata ondi; si Esra, sibotoh titah ai do mardalan i lobei ni sidea.
37Bani horbangan bah tubuh ai, tontang ni sidea, inaiki sidea ma andar ni si Daud; ijai ma naik tembok ai hu atas, hun lambung rumah bolon ni si Daud; anjaha mardalan ma sidea das hu horbangan bah hampit hapoltakan.
38Tumpuan pandoding na paduahon ai laho ma dompak sambilou, irik hubani sidea do ahu mardalan rap pakon satongah bangsa ai, i babou ni manara pamurunan ai das hu tembok na lumbang ai,
39hun lambung ni horbangan Efraim, horbangan Na Matua ampa horbangan Dengke ai, ampa hun lambung ni manara Hananeel ampa manara Meeya das hu horbangan Biribiri; anjaha i horbangan Parjagaan ma sidea maronti.
40Dob ai jongjong ma tumpuan pandoding na dua ai i rumah ni Naibata, sonai homa ahu ampa satongah kopala-kopala na rapkon ahu ai,
41ampa malim-malim: Si Eliakim, si Maseya, si Miyamin, si Mikaya, si Elioenai, si Sakaria ampa si Hananya, martarompit bei;
42ambah ni ai si Maaseya, si Semaya, si Eleasar, si Ussi, si Johanan, si Malkia, si Elam ampa si Eser. Anjaha mandoding ma sipandoding ai binobahon ni si Jisrahya.
43Igalangkon sidea ma galangan banggal bani ari na sasada ai anjaha marmalas ni uhur, ai ipamalas Naibata do uhur ni sidea marhitei malas uhur banggal; parinangon ampa dakdanak pe marmalas uhur do, pala tarbogei das bani na daoh malas ni uhur ni Jerusalem ai.
Pansarihon bani Guguan
44Lanjar bani panorang ai ma homa ipabangkit sidea halak, na manramotkon kamar panimpanan ni arta, guguan, limbuah pakon parsapuluhan, laho patumpuhon hujai guguan bani malim ampa halak Levi, na dob tinontuhon marhitei titah, mangihutkon buei ni juma ni ganup huta; ai malas do uhur ni Juda mangidah malim ampa halak Levi siparugas ai.
45Idalankon sidea do parsombahon bani Naibata ni sidea ampa horja pangurasion ai, sonai homa halak sipandoding ampa sijaga horbangan, romban hubani parentah ni si Daud pakon si Salomo, anakni ai.
46Ai humbani sapari nari, olat ni si Daud, sai ginompar ni si Asap do kopala ni pandoding, mambobahon doding puji-pujian ampa tarima kasih bani Naibata.
47Halani ai, sanggah panorang ni si Serubabel ampa si Nehemia ganup halak Israel mamberehon guguan siganup ari hubani halak sipandoding ampa sijaga horbangan; ibere sidea do homa sibere-bere na pansing bani halak Levi, anjaha halak Levi mambere parbagianan ni ginompar ni si Aron.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel