Parbagianan ni Marga Juda
1On do parbagianan mangihutkon ruji-ruji bani marga ni anak ni si Juda mar sasapangku, das hu parbalogan ni tanoh Edom, halimisan Sin dompak Dangsina, i ujung pardangsina.
2Anjaha parbalogan ni sidea hampit dangsina ai ma: Hun ujung ni Laut Garam, hun teluk na anjur dompak dangsina,
3hunjai laho hu dangsina ni raboyon Akrabim, mandipar hu Sin, tangkog i dangsina ni Kades-Barnea, mandipar use hu Hezron, das hu Adar, marlegot use hu Karka;
4dob ai mandipar hu Asmon, luar i lambung ni bah Masir, anjaha marujung i laut. Ai ma parbalogan nasiam hampit dangsina.
5Parbaloganni hampit hapoltakan: Laut Garam das bani ujung ni Jordan. Anjaha parbaloganni hampit utara: Mulai hun tuktuk ni laut bani babah ni Jordan,
6tangkog ma parbalogan ai hu Bet-Hogla, anjaha mamontas hun utara ni Bet-Araba; dob ai tangkog ma parbalogan ai hu batu ni si Bohan, anak ni si Ruben;
7anjaha tangkog ma parbalogan ai hu Debir, hun habungan Akor, torus hu utara, marlegot dompak Gilgal, tontang ni raboyon Adumim, ai ma na hampit dangsina ni bah ai; dob ai mandipar ma parbalogan ai hu bah En-Semes, anjaha marujung i En-Rogel.
8Dob ai tangkog ma parbalogan ai hu habungan ni anak ni si Hinnom, hampit dangsina ni raboyon ni halak Jebusi, ai ma Jerusalem; dob ai tangkog ma parbalogan ai hu pakpak ni dolog, tontang ni habungan Hinnom hampit laut, na i ujung ni habungan Refaim hampit utara;
9dob ai marlegot ma parbalogan ai hun pakpak ni dolog ai hu sombul ni Bah Neptoa anjaha luar ma hu huta ni Dolog Epron; dob ai marlegot hu Baala, ai ma Kiriat-Jearim.
10Dob ai marlegot ma parbalogan ai hun Baala dompak hasundutan hu Dolog Seir, dob ai mandipar hu urung ni Dolog Jearim parutara, ai ma Kesalon, dob ai tuad hu Bet-Semes, anjaha mandipar hu Timna.
11Luar ma parbalogan ai hu urung ni dolog hampit utara ni Ekron, dob ai marlegot ma parbalogan ai hu Sikron, anjaha mandipar hu Dolog Baala, dob ai luar hu Jabneel, anjaha marujung i laut.
12Anjaha parbaloganni hampit laut, ai ma laut na bolon ai pakon pasirni. Ai ma parbalogan ni anak ni si Juda mar sasapangku.
13Tapi bani si Kaleb, anak ni si Jepunne, ibere ma sabagian i tongah-tongah ni anak ni si Juda, ai ma Kiriat-Arba, romban hubani hata ni Jahowa hubani si Josua, ai ma huta ni si Arba, bapa ni si Enak, ai ma Hebron.
14Dob ai iusir si Kaleb ma hunjai na tolu halak Enak ai, ai ma si Sesai, si Ahimon pakon si Talmai, anak ni si Enak.
15Dob ai tangkog ma ia hunjai hu pangisi ni Debir, ia goran ni Debir sapari ai ma Kiriat-Seper.
16Jadi ihatahon si Kaleb ma, “Barang ise na manaluhon anjaha na manaban Kiriat-Seper, bereonku ma hubani borungku, si Aksa bahen parinangonni.”
17Dob ai itaban si Otniel, anak ni si Kenas anggi ni si Kaleb ma huta ai, gabe ibere ma hubani si Aksa bahen parinangonni.
18Jadi sanggah na masuk puang-puang ai ielek-elek ma ia mangindo juma sanlambar humbani bapani, lanjar susur ma ia hun halodeni, anjaha nini si Kaleb ma hu bani, “Aha bam?”
19Gabe nini ma, “Bere ham bangku pasu-pasu sada; halani domma inahkon ham ahu hu tanoh dangsina, maningon bereonmu do bangku bah tubuh.” Jadi ibere ma bani bah tubuh i huluan pakon i kehen.
20On ma parbagianan ni marga ni anak ni si Juda mar sasapangku.
21Huta na masuk hubani marga Juda i tanoh dangsina, i parbalogan hampit Edom, ai ma: Kabseel, Eder, Jagur,
22Kina, Dimona, Adada,
23Kedes, Hazor, Jitnan,
24Sip, Telem, Bealot,
25Hazor-Hadata, Kiriot-Hezron ai ma Hazor,
26Amam, Sema, Molada,
27Hazor-Gadda, Hesmon, Bet-Pelet,
28Hasar-Sual, Beerseba pakon dusunni,
29Baala, Iyim, Esem,
30El-Tolad, Kesil, Horma,
31Siklag, Matmana, Sansana,
32Lebaot, Silhim, Ain pakon Rimon. Haganup huta ai dua puluh siah rap pakon dusunni.
33I tanoh hondot: Estaol, Sorea, Asna,
34Sanoa, En-Ganim, Tapuah, Enam,
35Jarmut, Adullam, Soko, Aseka,
36Saaraim, Aditaim, Gedera ampa Gederotaim; sapuluh ompat huta ma ai pakon dusunni.
37Senam, Hadasa, Migdal-Gad,
38Dilan, Mispa, Joktel,
39Lakis, Boskat, Eglon,
40Kabbon, Lakmas, Kitlis,
41Gederot, Bet-Dagon, Naama, Makeda; sapuluh onom huta ma ai pakon dusunni.
42Libna, Eter, Asan,
43Jipta, Asna, Nesib,
44Kegilam Aksib, Meresa; siah huta ma ai pakon dusunni.
45Ekron pakon hutani ampa dusunni,
46hun Ekron das hu laut, ganup na i lambung ni Asdod pakon dusunni.
47Asdod pakon hutani ampa dusunni, Gaza pakon hutani ampa dusunni, das hu bah Masir anjaha laut na bolon parbaloganni.
48I atas dolog: Samir, Jatir, Soko,
49Dana, Kiriat-Sana, ai ma Debir,
50Anab, Estemoa, Anim,
51Gosen, Holon, Gilo; sapuluh sada huta ma ai pakon dusunni.
52Arab, Duma, Esean,
53Janum, Bet-Tapuah, Apeka,
54Humta, Kiriat-Arba, ai ma Hebron ampa siah huta ma ai pakon dusunni.
55Maon, Karmel, Sip, Juta,
56Jesreel, Jokdeam, Sanoa,
57Kain, Gibea, Timna, sapuluh huta ma ai pakon dusunni.
58Halhul, Bet-Sur, Gedor,
59Maarat, Bet-Anot, Eltekon; onom huta ma ai pakon dusunni.
60Kiriat-Baal, ai ma Kiriat-Jearim, pakon Rabba; dua huta ma ai pakon dusunni.
61I halimisan: Bet-Araba, Midin, Sekaka,
62Nibsan, Ir, Hamela pakon En-Gedi; onom huta ma ai pakon dusunni.
63Tapi anggo halak Jebusi na marianan i Jerusalem seng tarusir halak Juda; gabe marianan ma halak Jebusi rap pakon halak Juda i Jerusalem ronsi sadari on.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel