Huta Haporusan
1Dob ai nini Jahowa ma dompak si Josua,
2ase ipatugah hubani halak Israel sonon, “Papulig hanima ma bannima huta haporusan, songon na Hutonahkon hinan hubani si Musa.
3Ase hujai maporus sibunuh jolma, na so tinuntun barang na so binotoh; gabe huta haporusan ma ai bani nasiam dompak sibalaskon daroh.
4Barang ise na maporus hubani sada humbani huta ai, maningon jongjong ma ia bani babah ni horbangan ni huta ai, mangadu-aduhon parharani hubani pinggol ni pangintuai ni huta ai; dob ai jaloon ni sidea ma ia hu huta ai, anjaha bereonni ianan bani, ase boi ia marianan i lambung ni sidea.
5Anggo ipardakdak sibalaskon daroh ai ia hun pudi, seng bulih ondoskonon ni sidea jolma sipamunuh ai hubagas tanganni, halani na so tinuntunni do mamunuh hasomanni ai, anjaha lang marmunsuh hinan ia hu bani.
6Maningon marianan i huta ai ma ia lobei, paima jongjong ia i lobei ni rapot paruhuman, paima matei sintua ni malim na marhorja bani panorang ai. Dob ai boi ma mulak sibunuh jolma ai hu hutani pakon hu rumahni, hu huta tinadingkonni ai hinan.”
7Jadi iuras sidea ma Kedes i Galilea, i Dolog Naftali, pakon Sikem i Dolog Efraim, pakon Kiriat-Arba, ai ma Hebron i dolog Juda.
8Anjaha i dipar ni Jordan, dohorhon Jeriko hampit hapoltakan, ipapulig sidea ma Beser i halimisan, bani tanoh na hornop, humbani marga Ruben, pakon Ramot i Gilead humbani marga Gad, pakon Golan i Basan, humbani marga Manase.
9Ai ma huta, na pinapulig bani ganup halak Israel pakon bani halak dagang, na manginsolat i tongah-tongah ni sidea, ase boi maporus hujai sagala sibunuh jolma na so tinuntunni, ase ulang matei ia ibahen sibalaskon daroh paima jongjong ia i lobei ni rapot paruhuman.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel