Alkitab Mobile SABDA
[VER] : [TAA]     [PL]  [PB] 
 <<  Filipi 3 >> 

1Wali a’i-a’ingku, re’e katawanya aku mampakaroo sura si’i, re’e wo’u paposia to aku rani manganto’oka komi. To tao-tao ndende raya ngkomi apa komi seja samba’a pei i Pue. Aku taa mosa mangantulisika wo’u komi mangkonong anu to aku roomo manganto’oka komi. Apa samparia paposia to aku manganto’oka komi damangajagang katuwu ngkomi.

2Wali jagai kojo tau to maja’a to raporapaka ewa asu to maja’a kiranya. Tau etu maja’a palaonginya, pasi sira rani mampakasaaka komi, sira manganto’o komi taa maya taa damangangkojot koro ngkomi see danatima i mPue Allah.

3Wali jagai kojo tau to ewa wetu apa si’a sira to nato’o i mPue Allah tauNya to rasui. Kamonsonya kita to mangaya, kita semo to nato’o i mPue Allah tauNya to rasui, apa kita semo to mampue mampakabae i Pue Allah yako ri pansawang NosaNya. Pasi kita ndende rayanta apa saba palaong to naika i ngKerisitu Yesu resi kita, pasi kita taa mansarumaka palaong to naika nto lino.

4Pei ane rapanya masipato kita mansarumaka palaong to naika ngkita samba’a pei samba’a, ane ewa wetu, re’e kojo palaong to si aku to maya rasarumaka. Pasi ane bara re’e tau to mampobuuka re’e palaonginya to masipato rasarumaka, palaong to si aku semo to manganangi palaong ntau to etu.

5Apa tempo kare’engku, ojo kagananya pitu mbengi aku rasui singkonong pei ada nto Yahudi. Pasi aku samba’a to Israel to wiyaa i Benyamin. Pasi aku seja tau Ibrani apa tau tu’angku paka tau Ibrani semo. Tare tau tu’angku to si’a tau Ibrani. Pasi ane mangkonong porenta i Musa, aku madota kojo mangaluluka apa aku masua seja ri aliran Parisi.

6Wali aku madota kojo mangalulu agama nto Yahudi, see naka aku mapari kojo seore mangansesai tau to mangaya i Pue Yesu. Pasi ane mangkonong lengko to singkonong pei i Pue Allah to napakanasaka mporenta i Musa, tare lengko to etu to taa inikangku.

7Wali samparia palaong to etu, ane tempo seore aku mampobuuka bae batuanginya resi aku. Pei si’i-si’i aku mampobuuka palaong to etu tare batuanginya apa jamo i Kerisitu semo to kusarumaka.

8Pei kamonsonya si’a ojo palaong to etu to aku mampobuuka tare batuanginya. Ane ewa pampobuuka to si aku, samparia anu to re’e paka tare batuanginya resi aku. Apa to bae kojo batuanginya resi aku, etu semo aku masinsani pei i Kerisitu Yesu, Puengku. Wali saba Ia naka pei aku roomo mampiyaika yau samparia palaong to bae batuanginya resi aku seore. Pasi tempo si’i aku mampobuuka palaong to etu ewa wusu to makarika see aku kanjo’unjo’u ojo tiduga-dugang pansarumakangku resi i Kerisitu.

9Pasi apa saba aku samba’a pei i Kerisitu, see naka aku nato’o i mPue Allah tare dosangku. Pei si’a yako palaong to inikangku mangalulu porenta i Musa naka pei aku nato’o i mPue Allah tare dosangku. Yako pangayangku resi i Kerisitu semo. Wali i Pue Allah semo to mangika jaya see Ia maya manganto’o aku tare dosangku apa saba pangayangku etu. See naka aku tamo kojo rani mangika palaong to inikangku seore tempo aku mansarumaka porenta i Musa.

10Wali tempo si’i aku rani kojo masinsani pei i Kerisitu. Pasi aku rani seja kuasa i mPue Allah mapalaong ri raya ngkatuwungku. Kuasa etu semo kuasa to nangawangu muni i Kerisitu yako ri kapateNya. Pasi aku rani seja mangepe kasesa ewa narata i ngKerisitu mangepe kasesa ri raya ngkatuwuNya ri lino si’i. Pasi aku rani lengko ngkatuwungku mawali sewaju ewa lengko i ngKerisitu ri tempo kapateNya.

11See tuwu-tuwuja aku damangika lengko ngkatuwu to masipato naika ntau to darawangu muni yako ri kapatenya.

12Wali tempo si’i kunsani si’awa samparia lengkongku to ewa wetu pasi aku tawa masilonga kojo katuwungku. Pei nempo ewa wetu, aku tare pandoonya rani mangika pamporani i ngKerisitu, apa etu semo songka i ngKerisitu Yesu tempo Ia mangoko aku mawali Ia pueNya.

13Wali a’i-a’i, ane ewa pampobuuka to si aku, aku tawa masilonga kojo mangika lengko to etu. Pei tempo si’i jamo samba’a songkangku. Etu semo, aku tamo mampobuuka palaong to roomo inikangku. Aku maya raporapaka ewa tau to matilumba to maripo mangampago anu to ri tangonya.

14Wali ewa naika ntau matilumba etu mangampago ungkanya daraparipo etu see maya mangarata dale, ewa wetu seja kuika mangampago dale to danawaika i mPue Allah aku. Etu semo samparia to napokioka i mPue Allah kita damangantima ndate saruga apa saba kita samba’a pei i Kerisitu Yesu.

15Wali kita to maroso pangayanta, anu kita samba’a pampobuuka ngkita mangkonong anu to aku roomo manganto’o etu. Pei ane bara re’e komi to yusa pampobuuka mangkonong anu to etu, ane ewa see, i Pue Allah semo to damampakanasaka komi pasisalanya.

16Pei tempo si’i anu kita mangangkongko pasi mangaluluka anu to roomo napakanasaka i mPue Allah kita.

17Wali a’i-a’i, lengko ngkatuwu to si aku masipato mawali tondong resi komi, wali lulu seja tondong etu samba’a pei samba’a. Pasi lo’a seja tau to yusa to lengko ngkatuwunya sewaju ewa to kami roomo mampotundeka resi komi, apa sira seja mawali tondong resi komi.

18Wali lulu lengko ntau etu semo apa boros tau to yusa to lengko ngkatuwunya si’a ewa wetu. Wali seore aku mandudu ngkani mampatiendoka komi mangkonong tau to ewa wetu. Pasi si’i-si’i aku tongo ngkatumangingku mampatiendoka wo’u komi manganto’o tau etu semo bali ngkareba mangkonong kapate i ngKerisitu ri kaju pasape.

19Wali tau to etu darapakaja’aka yau. Apa tau etu, ojo pamporani ndaya nsira semo to mawali pue nsira. Pasi sira tabaro mangkonong palaong to naika nsira to kamonsonya masipato napokea nsira. Pasi ojo anu to ri lino si’i semo to napobuuka nsira.

20Pei ane kita, kamonsonya lipu ngkita ri saruga semo. Pasi kita mangampea-mpeas kama’i nto Pansomponta yako ndate saruga etu. To Pansomponta etu, etu semo i Pue Yesu Kerisitu.

21Wali ojo kama’iNya, tempo etu Ia damangawali yau koro ngkita to masiasi si’i see damawali sewaju ewa koro to si Ia to bae kojo kayawaNya. Ia damangika palaong to etu damangampake kuasaNya. Wali kuasaNya etu sewaju pei kuasaNya to mampakakoro Ia mangkuasang samparia anu to re’e.



Download Audio MP3 (Filipi 3):
Mobile (Low Quality) - CD (High Quality)

 <<  Filipi 3 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2020
Alkitab.SABDA.org

Android.SABDA.org
SABDA.mobi
Bantuan
Single Panel

Laporan Masalah/Saran