Alkitab Mobile SABDA
[VER] : [TAA]     [PL]  [PB] 
 <<  Ibrani 1 >> 

1Wali tempo owi i Pue Allah malagi ngkani mampogomboka buebue ngkita liu ri nganga nto pantuntu TuntuNya. Pasi mpangaya-ngaya jaya to Ia mangampake mangampogomboka sira etu.

2Pei ri tempo si’i, to mosumo kapuranya temponya to si’i, Ia mangampogomboka kita liu ri nganga nu AnaNya semo. AnaNya etu semo to Ia nangampake mampapowali lino tempo owi. Pasi AnaNya etu semo to i Pue Allah room mampakatantuka yami pasi roomo mangawaika samparia anu to re’e.

3Wali AnaNya etu semo to mampaporaoka kita kayawa i mPue Allah. Pasi Ia ewa lengke to mampaporaoka kita ewa wimba kamonsonya i Pue Allah, apa Ia sewaju kojo pei i Pue Allah. Pasi Ia mampasilonga pasi mangampiara samparia anu to re’e yako ri gomboNya semo to bae kuasa. Ia semo to mampakayongo kita to lino yako ri dosa ngkita, panewa tempo Ia room mangika palaong to etu, Ia yau matunda ri awenya to Makuasa ndate saruga ri sambaliNya tondo ngkana.

4Wali ane Ana i mPue Allah, Ia semo to bae-bae pangkaNya pei pangka mpomakau i mPue Allah ndate saruga, apa sanga to nawaika i mPue Allah Ia, etu semo to bae-bae batuanginya pei sanga to rawaika resi pomakauNya.

5Kita mangansani monso pu’u ewa wetu apa i Pue Allah tare manganto’oka pasi samba’a pomakauNya, Ia tare manganto’o, “Komi AnangKu, Seo si’i Aku mawalimo Pa’aMu.” Pasi Ia tare seja manganto’o mangkonong pasi samba’a pomakauNya ewa si’i, Ia tare manganto’o, “Aku damawali Pa’aNya, pasi Ia damawali AnangKu.”

6Pasi re’e wo’u to nato’o i mPue Allah, etu semo tempo i Pue Allah mampokau AnaNya to tu’anginya ma’i ri lino, tempo etu Ia manganto’oka pomakauNya, “Samparia komi taa maya taa mampue mampakabae AnangKu etu.”

7Wali tempo i Pue Allah magombo mangkonong pomakauNya, ewa si’i gomboNya, Ia manganto’o, “Aku nampapowali pomakaungKu see sira damangika palaongingKu. Wali tempo sira mangika palaongingKu etu sira magasi kojo ewa ngoyu marimbo pasi ewa bilak.” Wali ewa wetu gombo i mPue Allah mangkonong pomakauNya.

8Pei ane Ia mampogomboka AnaNya, Ia manganto’o, “O Allah, Komi Makole rataka ri singkasaenya. Pasi paporentaMu sangkani singkonong pei Aku, i Pue Allah.”

9Komi mamporayang kojo anu to singkonong pei Aku, pasi Komi maja’a Nukita anu to maja’a. Wali see naka Aku, AllahMu, roomo mangokotaka Komi mawali makole. Wali angga ngKomi to bae-bae pei angga nu yunuMu. Pasi tempo Aku manga’angga Komi etu, Aku mangawubu minya ri wo’o ngKomi mangika tondong kandende ndaya. Wali palaong to etu mampakanasaka resi samparia tau Aku manga’angga Komi.” Wali ewa wetu gombo i mPue Allah resi AnaNya.

10Pasi Ia manganto’o wo’u, to’oNya, “O Pue, ane ri pomulanya, Komi semo to mampapowali tundasi nu lino pasi pale ngKomi semo to mangika yangi.

11Lino pasi yangi etu dapaya yau, pei Komi re’eja. Lino pasi yangi damawali maja’am ewa pake to masaem.

12Wali tempo etu Komi damangayuyu yau lino pasi yangi ewa naika ntau mangayuyumaka yau baju to masae. Pasi ewa baju to masae rabolosika baju to bou, ewa see seja lino pasi yangi darabolosika seja lino pasi yangi to bou. Pei Komi tare pombaliMu, pasi katuwu ngKomi tare kapuranya.” Wali ewa wetu gombo i mPue Allah resi AnaNya.

13Pei i Pue Allah tare manganto’oka pasi samba’a pomakauNya ewa si’i, Ia tare manganto’o, “Patundamo ri awengKu ri sambali tondo ngkana sampe rata temponya Aku damanganangi balimu pei mangawaika komi mangangkuasang sira.” Wali i Pue Allah tare mampogomboka pomakauNya ewa wetu. Ojo AnaNya semo to Ia mampogomboka ewa wetu.

14Apa pomakauNya etu, sira ojo nosa-nosa to mangika palaong i mPue Allah. Pasi sira napokau i mPue Allah damangansawang tau. Wali tau to nasawang mpomakau etu, etu semo kita to danapalaes i mPue Allah. Wali manasa kojo sanga pasi pangka i Ana i mPue Allah, etu semo to baebae batuanginya pei sanga pasi pangka mpomakau i mPue Allah.



Download Audio MP3 (Ibrani 1):
Mobile (Low Quality) - CD (High Quality)

 <<  Ibrani 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel