1Wali ri tempo etu seja re’e to langkai to sanganya i Ananias pasi rongonya, i Sapira, sira dua seja mampobalu yau tananya.
2Yako etu sira dua mangkalisoka yau singga’a doi oli ntana etu. Panewa toronya nakeni i Ananias pei naposaka ri tango mbiti mpomakau i mPue Yesu. Ia mawuti manganto’oka sira, “Pata si’i semo doi oli ntanangku.”
3Pei i Petrus manganto’oka i Ananias, “Gete, Ananias, maka pei korom ojo mangaluluka yau pampobuuka ndaya to nawaika i ngKepala Measa korom see korom mangawutis i Nosa Mapasing? Apa korom rani mangantipu kami see kami mampobuuka si’i sampariamo oli ntana etu, pei kamonsonya re’ewa singga’a to nusayaka yau ngkorom.
4Gete, tempo korom tawa mampobalu yau tana etu, korom semo puenya. Pasi nempo roomo korom mampobalu yau, tiroowa korom puenya doi oli ntana etu. Wali maka pei korom mangika songka to maja’a si’i? Si’a ojo to lino to korom mangawutis, i Pue Allah seja.”
5Wali ojo pangandonge i Ananias gombo i mPetrus etu, ia mansaka mapuka yau, tamo la nosanya. Panewa samparia tau to mangandonge kareba etu sira meka kojo rayanya.
6Wali ojo kapuranya nosa i Ananias etu, ma’i sawei mba’a tau langkai. Tau to langkai etu mangawungus lemba i Ananias panewa sira mangkeni yau darapongkeli.
7Wali ojo kagananya togo jam ma’i seja rongo i Ananias, i Sapira. Ia tawa nansani palaong to nawali etu.
8Wali i Petrus mampotanaka wo’u resi i Sapira, to’onya, “Wimba, bara monso pu’u ojo patanya si’i doi oli ntana to nupobalu yau ngkomi etu?” Panewa i Sapira mangansono, “Monso pu’u, patanya etu.”
9Wali i Petrus manganto’o, “Maka pei komi dua samba’a pampobuukamo rani mangansoba Nosa i mPue? Lo’aja! Tau to owo roo mampongkeli yau rongomu, sira re’e muni ri sambali mbombo. Tau etu damangkeni yau seja lemba ngkorom darapongkeli.”
10Wali ojo panto’o i mPetrus gombo etu mansaka napuka yau seja i Sapira ri tango mbiti i mPetrus etu pei pura yau seja nosanya. Wali ojo karata muni ntau to nampongkeli yau i Ananias etu, sira mangarata i Sapira namatemo seja. Wali sira mangkeni yau wo’u ia pei mampongkeli yau ri awe ndayo nu rongonya etu.
11Wali samparia tau to mangaya pasi samparia tau to yusa to mangandonge kareba etu, sira meka kojo rayanya.
12Wali ri tempo etu samparia tau to mangaya samba’a pampobuuka nsira siromu-romu ri gandaria nja’u banua i mPue Allah. Gandaria etu rato’oka Gandaria i nSalomo. Pei ane tau to tawa mangaya, sira meka rayanya siromu sindara-ndara pei tau to mangaya etu. Pei nempo ewa wetu, tau to mangaya etu na’angga ntau boros pasi kanjo’u-njo’u tiduga-dugang kaborosinya tau to langkai pasi tau to we’a to mangaya i Pue. Pasi ri tempo etu, pomakau i mPue Yesu, sira boros kojo mangika palaong to mawali tondong resi tau pasi palaong to mampakaipu raya ntau. Sira mangika palaong etu ri tango ntau boros.
13(5:12)
14(5:12)
15Wali see naka tau to masaki rakeni sigalo lima-limanya pasi alinya panewa rapoduli nja’u wii njaya mangampeas i Petrus liu nja’u ria. Apa tau mampobuuka tempo i Petrus liu nja’u ria nempo ojo lengkenya to kono tau to masaki etu, sira damatao muni.
16Wali tempo etu boros tau kangguyu-ngguyu yako ri kampukampu to ri awe ngkota Yerusalem. Sira mangkenika pomakau i mPue Yesu etu tau to masaki pasi tau to nasesai measa. Panewa tau etu samparia rapakatao muni.
17Wali yako etu, kepala nto pampue to bae angganya pasi joanya, etu semo to Yahudi to aliran Saduki, sira timopo kojo rayanya mangkita tau boros mangalulu pomakau i mPue Yesu etu.
18Wali sira mangansoko pomakau i mPue Yesu pei mangantarungku sira nja’u tarungku to nja’u kota etu.
19Pei ri raya mburi rata samba’a pomakau i mPue yako ri saruga. Ia mangaloka ba’a mbombo ntarungku etu pei mangkeni muni sira njo’u sambali mbombo etu. Panewa ia manganto’oka sira,
20to’onya, “Inta njo’u banua i mPue Allah, panewa pakore nja’u ria pei pakarebaka resi tau boros mangkonong katuwu to bou to narata ntau to mangaya i Yesu.”
21Wali sira mampolaika gombo mpomakau i mPue etu. Ojo kaeonya rao sira yau njo’u banua i mPue Allah panewa mampotundeka tau nja’u ria. Tongo-tongonya sira mangika palaong etu, kepala nto pampue to bae angganya pasi joanya mampasiromunaka songonya to pobotus nto Yahudi pasi samparia tau tu’a nto Yahudi. Panewa sira mampokau to papolaonginya njo’u tarungku, to’onya, “Inta pei oko tau to soko mami wengi pei kenika kami.” Sira manganto’o ewa see apa sira mampobuuka nja’uwa tau etu nja’u tarungku.
22Wali to papolaonginya etu yau njo’u tarungku, pei tempo sira rata nja’u ria sira taa mangarata pomakau i mPue Yesu. Wali sira mawolili muni njo’u kepala-kepala etu pei manganto’o,
23“Tempo kami rata kami mangkita mainti kojo ba’a mbombo ntarungku etu, pasi nja’uwa tau to mangajagang. Pei tempo kami mangua wombo ntarungku etu, tamo nja’u tau nja’u rayanya.”
24Wali ojo pandonge ngkepala ntau to mangajagang banua i mPue Allah pasi kepala-kepala nto pampue gombo nto papolaonginya etu, sira masusa rayanya mampobuuka bara kesaa to nawali resi pomakau i mPue Yesu etu.
25Wali yako etu re’e tau to rata resi sira. Tau etu manganto’oka sira, “Tau to nutarungku ngkomi etu nja’umo nja’u raya banua i mPue Allah. Sira mampotunde tau nja’u ria.”
26Wali kepala nto panjaga etu pasi to papolaong nsira yau njo’u raya banua i mPue Allah pei mangoko pomakau i mPue Yesu etu. Pei tempo sira mangoko etu sira taa mampoja’a bara mantidas pomakau etu, apa sira meka rayanya tau boros bara damangantasoka sira watu.
27Wali sira mangkeni pomakau etu mampotango samparia to pobotus nto Yahudi. Yako etu kepala nto pampue to bae angganya manganseko sira,
28ia manganto’o, “Kami roomo mamporentangika komi manganto’o ne’e kojo mampotundeka tau mangkonong ngkai to nululu ngkomi etu. Pei komi taa mampolaika porenta mami etu. Komi ojo mampotundeka wo’u wali tempo si’i juku tau ri Yerusalem mangandonge kareba to nupotundeka ngkomi etu. Pasi komi rani mampakasala kami apa komi manganto’o kami semo to nampopate yau ngkai etu.”
29Pei i Petrus pasi pomakau i mPue Yesu to yusa sira mangansono, sira manganto’o, “To tao-tao kami mangaluluka porenta i mPue Allah sakowa kami mangaluluka porenta nto lino.
30I Pue Allah to napue nu bue-bue ngkita tempo owi, Ia semo to nangawangu muni i Yesu to mate nupaku ngkomi ri kaju pasape seore.
31I Pue Allah mangokotaka i Yesu etu pei mamposaka Ia ri ri tampa to bae angganya ri aweNya tondo ngkana. Wali si’i-si’i Ia semo Kepala ngkita pasi to Pansompo ngkita. Wali naka pei i Pue Allah mangika ewa wetu see kita to Israel maya mangandolika tangonta resi Ia see daralapas dosa ngkita.
32Wali kami mawali matamanasa to mampakarebaka palaong to etu pasi i Nosa Mapasing seja matamanasa. I Nosa Mapasing etu nawaika i mPue Allah samparia tau to mampalaika songkaNya.”
33Wali ojo pangandonge ngkepala-kepala gombo to nato’o mpomakau i mPue Yesu etu, sira maja’a kojo rayanya. Sira rani mampopate yau pomakau etu.
34Pei re’e samba’a tau ri oyo nto pobotus to sanganya i Gamaliel. I Gamaliel etu samba’a tau to mampoguru porenta i Musa pasi samparia tau boros manga’angga ia. Wali i Gamaliel etu makore pei manganto’oka tau keni yau ruyu pomakau yako ri songi nto pobotus etu sangkodi tempo.
35Panewa tempo sira rakeni yau etu, i Gamaliel manganto’oka kepala-kepala etu, to’onya, “O to Israel, pobuuuka kojo ruyu palaong to danuika ngkomi resi tau etu.
36Apa sawei nto’u liu, masuwu samba’a tau to sanganya i Teudas. I Teudas etu manganto’o, ‘Aku tau to bae angga,’ wali boros tau to mangalulu ia. Tau to mangalulu ia etu bara opo atu kaborosinya. Pei i Teudas etu rapopate yau panewa joanya etu tiga’as yau sampe puramo.
37Pasi yako etu, tempo to Roma mangantulis sanga ntau, tempo etu masuwu wo’u i Yudas to yako Galilea. Ia mangantipu singga’a tau see sira mangalulu ia. Pei ia rapopate yau seja panewa joanya ojo tiga’as yau seja.
38Wali a’i-a’i, ane mangkonong tau to si’i, ewa si’i pampobuukangku. Ne’e raika bara kesaa resi tau to si’i. To tao-tao ojo rabiaka sira ruyu apa ane songka nsira pasi palaong nsira etu ojo yako pampobuuka nto lino, taa masae songka pasi palaong etu danapandooka.
39Pei ane yako resi i Pue Allah, komi taa nukurang manganangi sira. Wali pakatao kojo naka ne’e sampe mangewa i Pue Allah.”
40Wali kepala-kepala etu mampodongeka kojo to nato’o i Gamaliel etu. Wali sira mampokio muni pomakau i mPue Yesu etu panewa mangampedas sira pei manganto’oka sira, “Ne’e kojo mampotundeka wo’u tau mangkonong i Yesu.” Wali ojo karoonya sira manganto’o etu, sira mangalapa muni pomakau etu.
41Wali pomakau etu masuwu muni yako ri tango nto pobotus etu. Sira ndende rayanya mampobuuka i Pue Allah manga’angga kojo sira see naka Ia mangabiaka sira narunes nsa’e apa saba mangalulu i Yesu.
42Wali yako etu, ponto eo sira yau ri banua i mPue Allah pasi ri banua ntau, sira tare pandoonya mampotundeka tau pasi mampakarebaka tau manganto’o, “I Yesu Ia semo i Kerisitu, Makole parajanji i mPue Allah.”
Download Audio MP3 (Kisah Para Rasul 5):
Mobile (Low Quality) - CD (High Quality)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel