1Wali ojo karoonya i Yesu manganto’o gombo etu, Ia mayoko yako ri propinsi Galilea. Ia yau wo’u njo’u propinsi Yudea. Rata nja’u propinsi Yudea panewa Ia mangawote koro nu Yordan. Tempo Ia yau etu, kami to anaguruNya pasi boros kojo tau to yusa mangalulu Ia. Wali rata ri lipu to sambote Yordan etu i Yesu mampakatao muni tau boros to masaki nja’u ria.
2(19:1)
3Pasi re’e wo’u sawei mba’a to Yahudi to aliran Parisi sira ma’i mangampago i Yesu. Sira rani mangakal i Yesu wali tempo etu sira mampotanaka resi Ia, sira manganto’o, “Wimba ane pampobuuka ngKorom, ane tau samboko, to langkai bara maya mampoga’aka indo nu ananya nempo bara kesaa sabanya?
4Wali i Yesu mangansono, Ia manganto’o, “Komi mangansani to ratulis ri raya ntuntu i mPue Allah to manganto’o ri tempo pamulanya i Pue Allah mampapowali to lino. Ia mangika tau langkai pasi tau to we’a.
5Pasi tempo Ia mangika sira dua etu Ia re’e manganto’o, ‘See naka to langkai damampiyaika pa’anya pasi indonya dasiwaka pei rongonya. Wali to langkai pasi to we’a etu damawali samba’aja.’ Etu semo to nato’o i mPue Allah.
6Wali tau dua etu si’amo dua, mawali samba’aja. I Pue Allah semo mampasimba’a tau dua etu, wali see naka kesaa to napasimba’a i mPue Allah taa maya to lino mangaga’a.”
7Wali to Yahudi to aliran Parisi mampotanaka wo’u resi i Yesu, sira manganto’o, “Wali ane ewa see, maka pei i Musa mangabiaka tau maga’a? Apa ia mamporenta manganto’o ane to langkai mangawaika resi indo nu ananya sura to manganto’o, ‘Aku mampoga’aka korom,’ ane ewa see ia maya mampoga’aka indo nu ananya etu.”
8Wali i Yesu manganto’oka sira, to’oNya, “Apa saba komi mako’o wo’omu, see naka i Musa mangabiaka komi mampoga’aka indo nu anamu. Pei si’a ewa see songka i mPue Allah yako ri pamulanya.
9Pasi Aku manganto’oka komi i sema tau to indo nu ananya tare masala, pei ia tiroo mampoga’aka indo nu ananya etu, panewa roo see ia mamporongo wo’u tau we’a to yusa, tau etu masala. (Pasi tau to mamporongo tamale ntau etu, ia seja masala.)”
10Wali kami to anaguru i Yesu manganto’oka Ia, kami manganto’o, “Ane ewa wetu to mawali resi to langkai pasi indo nu ananya, to tao-tao ne’e marongo.”
11Wali i Yesu manganto’oka wo’u kami, to’oNya, “Si’a samparia tau to nakoto nempo taa marongo ewa nuto’o ngkomi etu. Ojo tau to nasawang i mPue Allah.
12Apa to langkai to taa marongo, re’e to taa nakoto marongo apa ewa see semo koronya yako ri kare’enya. Pasi re’e seja to taa nakoto saba roomo nakabiri yau nsa’e. Pasi re’e seja tau to taa marongo apa sira rani ojo mangika palaong i mPue Allah, Makolenya. Wali tau to nakurang nempo taa marongo, matao ane ia taa marongo ewa nuto’o ngkomi etu.”
13Wali yako etu re’e seore ma’i tau mangkeni ngana mayunu resi i Yesu apa sira rani Ia mamposaka paleNya ri rapa mbo’o nu ngana mayunu etu pei mampokaika sira mamporapika resi i Pue Allah see Ia mampakasanang katuwu nsira. Apa ewa wetu ada nto Yahudi. Pei tempo kami to anaguru i Yesu mangkita tau etu mangkeni ngana mayunu, kami manganseko tau etu, kami manganto’o, “Gete, ne’e mangkenika Ia ngana mayunu si’i!”
14Pei tempo i Yesu mangkita palaong etu, Ia manganto’o, “Biakamo naka ma’i ngana mayunu resi Aku. Ne’e mangamparas sira apa tau to ewa ngana mayunu etu, sira semo to mawali tau to Makolenya i Pue Allah.”
15Wali i Yesu mamposaka paleNya ri rapa mbo’o nu ngana mayunu etu mampokaika sira. Roo see Ia mayoko yako ri lipu etu.
16Wali yako etu re’e samba’a tau to damangurawa mangampago i Yesu pei manganto’oka Ia, “Pa’a Guru, (Komi to matao), bara kesaa palaong to matao to dakuika see aku damangarata katuwu to singkasaenya?”
17Wali i Yesu mangansono, “(Maka pei korom manganto’oka Aku matao?) Ojo patanya i Pue Allah semo to matao. Tare to yusa. Pei ane korom rani mangarata katuwu to singkasaenya, lulu kojo porenta i Musa.
18Wali tau etu mampotanaka, “Porenta-porenta to imba to dakululu?” Wali i Yesu manganto’o, “Ne’e mampopate sa’e, ne’e masala, ne’e malima, ne’e mawali mata manasa to taa monso,
19pakabae pa’amu pei indomu, pasi porayang yunumu ewa nuika mamporayang koromu ngkalio.”
20Wali ngkai to damangurawa etu manganto’o, “Samparia porenta etu aku mangalengkoka. Wali kesaa wo’u to dakuika?”
21Wali i Yesu mangansono, Ia manganto’o, “Ane korom rani mawali masilonga kojo, intamo pei pobalu yau samparia kasugimu pei olinya tilaka yau tau to masiasi. Ane ewa wetu nuika ngkorom, korom damangarata kasugi ndate saruga. Pasi ane roomo mangawaika yau samparia etu, mai muni pei lulu Aku.”
22Pei ojo pangandonge ngkai damangurawa gombo i Yesu etu, ia mawo kojo rayanya mawolili muni apa ia bae kojo kasuginya pasi ia mamporayang kasuginya etu.
23Wali tempo ia mawolili muni i Yesu manganto’oka kami to anaguruNya, “Aku manganto’oka komi, monso pu’u ane tau sugi, masuli kojo ia mawali tau to Makolenya i Pue Allah apa kasuginya semo to isarumakanya.
24Pasi Aku manganto’oka wo’u komi, to gampagampa binatang to rato’oka unta masua ri raya mpoko njau sakowa tau sugi mawali tau to Makolenya i Pue Allah.”
25Wali kami to anaguru i Yesu ipu kojo raya mami mangandonge gomboNya etu. See naka kami mampotanaka resi Ia, manganto’o, “Gete! Ane tau sugi to bae-bae rasinya pei tau to yusa pei taa maya rapalaes, ane ewa see, tare tau to maya rapalaes!”
26Wali i Yesu mangalo’aka resi kami pei manganto’o, “Ane to lino taa kojo nakurang mampalaes koronya, pei ane i Pue Allah Ia samparia palaong paka nakurang mangika.”
27Wali roo see i Petrus magombo, ia manganto’oka i Yesu, “Lo’a, kami room mampiyaika samparia ngaya-ngaya mami pei mangalulu Komi. Wali kesaa ntanapa to darawaika resi kami?”
28Wali i Yesu manganto’oka kami, “Aku manganto’oka komi, monso pu’u ane ratamo temponya lino to bou, Aku, Wiyaa nto Lino, damatunda ri wawo gadera to mawali tondong kayawangku pasi kuasangKu. Pasi tempo etu semo komi to mangalulu Aku ri tempo si’i, komi damatunda seja ri wawo gadera to sampuyu pei dua to mawali tondong kuasa ngkomi. Pasi Aku damangawaika komi kuasa damamporentang suku nto Israel to sampuyu pei dua.
29Wali re’e tau to roomo mampiyaika samparia saba rani mangalulu Aku. Anu to napiyaika nsira etu, etu semo banuanya, bara tukakanya pasi tua’inya, bara pa’anya, bara indonya, bara ananya, bara nawunya. Wali samparia tau to etu ane mampiyaika samparia to etu, ri raya ngkatuwu nsira to tempo si’i sira mangarata satu ngkani kaborosinya to sira mampiyaika etu. Pasi sira damangarata seja katuwu to singkasaenya.
30Pei boros tau ri tempo si’i tau etu bae angganya ane ri pangkita nto lino, pei ri tempo to darata tau etu damawali to kodi angganya ane ri pangkita i mPue Allah. Pasi boros tau to kodi angganya ri pangkita nto lino tau etu damawali bae angganya ri pangkita i mPue Allah.”
Download Audio MP3 (Matius 19):
Mobile (Low Quality) - CD (High Quality)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel