1Ri raya buku si’i re’e ratulis mangkonong palaong to napapokitaka i Yesu Kerisitu. I Pue Allah mangawaika Ia mampaponsanika to papolaongiNya see sira mangansani palaong to tamo masae damawali. Wali i Yesu mangampokau pomakauNya ma’i resi to papolaongiNya, i Yohanes. Wali pomakau etu mampakanasaka wo’u i Yohanes palaong to damawali etu.
2Wali tempo roomo pomakau etu manganto’oka ia, roo etu i Yohanes mawali matamanasa pei mangantulis buku si’i mangkonong gombo i mPue Allah anu to napaponsanika i Yesu Kerisitu. Wali samparia anu to nakita i Yohanes, etu semo to ia mangantulis.
3Wali tau to mangabasaka tau boros buku si’i to manganto’o yami mangkonong palaong to damawali, ia damasanang. Pasi tau to mampodongeka pasi mangaluluka anu to ratulis, sira seja damasanang. Apa mosumo temponya palaong etu damawali.
4Wali i Yohanes manganto’o: Sura si’i yako resi aku, i Yohanes. Aku mangantulisika komi to mangaya to re’e ri pitu kota ri tana Asia. I Pue Allah Ia re’e tempo si’i pasi re’emo tempo owi pasi dare’e ri tempo to darata. Wali aku marapi resi i Pue Allah see Ia mampaponsanika komi kanotoNya pasi mangawaika komi karodo ndaya. Pasi ewa see seja aku marapi resi nosa to pitu to re’e ri tango nggadera i mPue Allah ndate saruga,
5pasi yako resi i Yesu Kerisitu anu matamanasa to maya rasarumaka. I Yesu Kerisitu semo to uyunya rawangu muni yako ri kapateNya. Pasi Ia semo to mangkuasang samparia makolemakole to re’e ri lino si’i. Ia mamporayang kita pasi Ia roomo mangawaika raaNya damangalapas kita yako ri huku nu dosanta.
6Pasi Ia seja mampapowali kita mawali makole pasi mawali to pampue to mangika palaong i mPue Allah, Pa’aNya. Wali i Yesu Kerisitu, Ia rapakabae pasi makuasa rataka ri singkasaenya. Amin.
7Lo’aja, Ia dama’i sindara-ndara pei limu. Tempo Ia dama’i etu panewa samparia tau damangkita Ia. Pasi tau to nangantuja Ia seore, sira seja damangkita Ia. Wali samparia wiyaa nto lino damangantangis Ia. Monso kojo damawali palaong etu. Amin.
8Wali i Pue Allah anu Makuasa, Ia manganto’o, “Aku semo Alpa pasi Omega. Aku re’e tempo si’i, pasi Aku re’emo tempo owi, pasi Aku dare’e ri tempo to darata.” Etu semo gombo i mPue Allah.
9Wali aku semo i Yohanes, a’i ngkomi to samba’a pangaya. Komi rasesai apa saba mangalulu i Yesu, pasi aku seja rasesai sewaju pei komi. Pei ri raya ngkasesa etu kita samparia re’e sabara to nawaika i Yesu kita, pasi kita mangampeas temponya Ia damawali Makole ri lino. Wali aku raposaka ri pulo Patmos apa maja’a raya ntau tempo aku mampakarebaka tuntu i mPue resi tau pasi manganto’oka sira kareba matao mangkonong i Yesu.
10Wali tempo aku nja’u nja’u pulo Patmos etu, ratamo eo to napilis i mPue. Tempo etu i Nosa Mapasing mangawaika aku pangkita. Ri raya mpangkitangku etu aku mangandonge loo to maroso kojo to ewa loo ntarompet. Loo etu magombo yako ri payungku,
11pei manganto’o, “Oko buku pei tulis mangkonong palaong to danukita. Panewa buku etu danupokatuka resi tau to mangaya Aku ri pitu kota. Wali kota to pitu etu semo kota Epesus, Smirna, Pergamas, Tiatira, Sardis, Piladelpia pasi Laodikia.”
12Wali ojo karoonya aku mangandonge loo etu, aku mangalekoka tangongku pei mangalo’a bara i sema to mampogomboka aku etu. Tempo aku mangalo’a aku mangkita pitu tinja weyawa to darapamposaka pansona.
13Pasi ri oyo ntinja weyawa etu aku mangkita seja samba’a anu to ewa wiyaa nto lino ta’anya. Ia mampake baju to rata la’u witiNya pasi re’e seja so’o ri dadaNya to yako weyawa.
14WayuaNya buya kojo, pasi mataNya ewa kaa nu apu to mawea.
15WitiNya ewa tambaga to kalagalaga la’u raya nu apu. Pasi looNya kawuu-wuu ewa wera to bae.
16Pasi aku re’e seja mangkita ri paleNya tondo ngkana Ia re’e mangkongko batu’e pitu mpa’i. Pasi yako ri ngangaNya masuwu panai to mataja dua mbalia. Pasi aku mangkita seja lioNya mareme ewa mata nu eo tempo ntongo eo.
17Wali tempo aku mangkita Ia, aku mapuka yau ewa tau mate ri wawo ntana ri tango nbitiNya. Pei tempo etu Ia mamposaka paleNya tondo ngkana ri wawongku, panewa manganto’o, “Ne’e meka. Aku semo to uyunya pasi to purinya.
18Aku semo to tuwu. Tempo ruyu Aku mate pei tempo si’i Aku tuwu singkasaenya. Wali Aku semo mangkuasang kapate ntau pasi mangkuasang lipu ntau mate.”
19Wali yako etu Ia manganto’oka wo’u aku, Ia manganto’o, “Tulis mangkonong palaong to nukita to mawali ri tempo si’i pasi to damawali ri tempo to darata.
20Aku manganto’oka korom batuanginya batu’e to pitu mpa’i to korom mangkita ri palengKu tondo ngkana, pasi batuanginya tinja weyawa darapamposaka pansona. Tare tau to mangansani batuanginya tempo ruyu, pei Aku mampaponsanika korom batuanginya. Wali batu’e to pitu mpa’i etu, batuanginya pitu pomakau to mangansawang tau to mangaya Aku ri pitu kota to Aku room manganto’o ngena. Pasi tinja weyawa to pitu etu, batuanginya tau to mangaya Aku ri pitu kota etu.
Download Audio MP3 (Wahyu 1):
Mobile (Low Quality) - CD (High Quality)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel