1Wali yako etu tempo kami malinja, i Yesu manganto’oka wo’u kami to anaguruNya, Ia manganto’o, “Aku semo raporapaka ewa pu’u nu anggur to maya rasarumaka. Pasi Pa’angKu semo to raporapaka ewa to panawu to mampasilonga anggur etu.
2Wali to panawu to mampasilonga anggur, ane ia mangkita ra’a to taa mawua, ia mangampu’ak yau to etu. Pasi ane ra’a to mawua, ia mangantumpo yau joe nda’anya damampakayongongika ra’anya etu see mawali malagi wo’u wuanya. Wali ewa wetu seja naika mPa’angKu resi komi to mangalulu Aku, to raporapaka ewa ra’angKu. Ia mampakayongongika seja komi see komi dabae seja wua mpalaongimu.
3Wali komi roomo rapakayongo apa saba komi mangaya gombo to Aku room manganto’oka komi.
4Komi samba’a pei Aku, wali karoo masingkatao pei Aku, pasi Aku damaroo masingkatao pei komi. Apa komi raporapaka ewa ra’a. Wali ane ra’a, tare to maya mawua ane taa singkenta pei pu’unya. Wali ewa see seja komi, apa komi taa seja maya mangika bara kesaa to bae batuanginya ane taa maroo masingkatao pei Aku.
5“Wali Aku semo to raporapaka ewa pu’u nu anggur pasi komi ewa ra’anya. Wali i sema tau to maroo masingkatao pei Aku, pasi Aku maroo masingkatao pei ia, tau etu raporapaka ewa ra’a nu anggur to singkenta pei pu’unya see naka maya mawali malagi wuanya. Wali tau to maroo masingkatao pei Aku etu, tau etu dabae kojo wua mpalaonginya. Pei ane komi taa maroo masingkatao pei Aku, komi taa maya mangika bara kesaa to bae batuanginya.
6Wali i sema tau to taa masingkatao pei Aku, tau etu raporapaka ewa ra’a to taa mawua. Wali apa saba ra’a etu taa mawua, see naka rataji yau pei mangau yau. Roo see ra’a to ewa wetu naporomung ntau panewa rapanasoka la’u apu naka mosi yau.
7Pei ane komi maroo masingkatao pei Aku pasi sangkani mampalaika gombongKu, ane ewa see nempo bara kesaa to nuporani ngkomi, porapi resi i Pue Allah, Pa’a, panewa Ia damangawaika komi.
8Pasi ane komi bae wua mpalaongimu, ane ewa see sa’e damangabarong Pa’angKu. Pasi re’e wo’u to damawali ane komi bae wua mpalaongimu, etu semo damanasa resi sa’e komi anagurungKu.
9“Wali ewa wimba Pa’angKu mamporayang Aku, ewa wetu seja Aku mamporayang komi. Wali pakasanang rayamu mampobuuka pamporayangingKu etu.
10Pasi palaika porenta-porentangKu, apa ane komi mampalaika, komi sangkani masanang mampobuuka pamporayangingKu resi komi etu. Wali tempo komi mampolaika Aku etu, komi mangika seja to Aku mangika, apa Aku sangkani seja mampalaika porenta-porenta mPa’angKu, wali see naka Aku sangkani masanang mampobuuka pamporayangiNya resi Aku.
11Naka pei Aku manganto’oka komi samparia to etu, see komi maya mangarata seja kandende ndaya to bae kojo, sewaju ewa kandende ndaya to si Aku.
12“Wali si’i semo porentangKu. Aku rani komi masiporayang sewaju ewa Aku mamporayang komi.
13Pasi ane mangkonong pamporayang, tare pamporayang to bae wo’u pei pamporayang ntau to buya rayanya mate mangkapateka galunginya.
14Wali Aku buya rayangku mate mangkapateka komi, apa komi galungKu. Wali ane komi mangalulu porentangKu, manasa komi semo galungKu.
15Aku tamo manganto’oka komi to papolaongingKu, apa ane to papolaong, ia taa mangansani songka ntau puenya. Pei Aku manganto’oka komi galungKu, apa samparia to Aku mangandonge yako resi Pa’angKu, Aku roomo mampaponsanika seja resi komi.
16Wali Aku semo to mangampilis komi damawali galungngKu. Si’a komi to mangampilis Aku. Pasi Aku roomo mansarumakaka resi komi palaong to danuika. Palaong etu raporapaka ewa mampowuaka wua to taa dapura yau. Wali nempo bara kesaa to komi mamporapika resi Pa’angKu, Ia damangawaika komi apa saba komi Aku puenya.
17Wali porentangKu resi komi, etu semo masiporayang.”
18Wali i Yesu manganto’oka wo’u kami to anaguruNya, “Ne’e ipu raya ngkomi ane maja’a nakita nto lino to taa mangaya Aku. Pasi ne’e mangkalingan, Aku semo to uyunya maja’a nakita nsira.
19Ane rapanya komi samba’a pampobuuka pei to lino to taa mangaya etu, ane ewa see sira damamporayang komi apa komi yunu nsira. Pei komi taa samba’a pampobuuka pei sira. Aku room mangampilis komi pei mangaga’a komi yako resi sira, see naka sira maja’a nakita komi.
20Wali Aku roomo manganto’oka komi, si’a to papolaong to bae-bae angganya pei tau puenya. Tau puenya semo to baebae angganya. Wali pobuuka kojo gombongKu etu, apa ane tau room mangansesai Aku to Pue ngkomi to bae-bae anggangKu pei komi, ane ewa see taa manto’o tau etu damangansesai seja komi to anagurungKu. Pasi ane tau to mampalaika gombongKu, tau etu damampalaika seja gombo ngkomi.
21Pei to lino to maja’a nakita komi, sira damangansesai komi apa saba komi Aku puenya. Naka pei sira damangika ewa wetu apa sira taa mangansani Ia to nampokau Aku.
22“Wali ane rapanya Aku taa ma’i mampotundeka to lino to etu anu to monso, ane ewa see sira taa maya rato’oka madosa ane sira mampobo’o Aku. Pei Aku nama’i kojo mampotunde sira, see naka tamore sono to naponoto nsira mangkonong dosa nsira etu. Manasa kojo sira madosa.
23Apa tau to maja’a nakita Aku, tau etu ewa maja’a seja nakita Pa’angKu.
24Pasi ane rapanya Aku tare mangika palaong ri oyo nsira to taa nakoto ntau to yusa mangika, ane ewa see sira taa madosa nempo mampobo’o Aku. Pei sira mangkita kojo palaong to inikangKu etu, pei sira tiroo maja’a nakita Aku pasi Pa’angKu. Wali monso pu’u sira madosa.
25Wali palaong etu mangabanang gombo to ratulis yami ri raya mporenta to rawaika resi sira tempo owi. Gombo etu manganto’o, ‘Nempo tare to inikangKu to masipato maja’a nakita nsira, pei sira tiroo maja’a nakita Aku.’ Ewa wetu gombo to rabanang.
26“Wali Aku damampokau to Pansawang ma’i damangansawang komi. Ia dama’i yako resi Pa’angKu pasi Ia semo Nosa to mampakanasa anu to monso mangkonong i Pue Allah. Wali tempo Ia ma’i, tempo etu Ia damampakanasaka seja resi tau mangkonong i sema kamonsonya Aku.
27Pasi komi seja damampakanasaka tau mangkonong Aku, apa komi matamanasa to re’e siwaka pei Aku yako ri pamulanya Aku mangika palaongingKu ri lino si’i.”
Download Audio MP3 (Yohanes 15):
Mobile (Low Quality) - CD (High Quality)
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel