Alkitab Mobile SABDA
[VER] : [TAA]     [PL]  [PB] 
 <<  Yohanes 18 >> 

1Wali ojo karoonya i Yesu makai-kai etu, Ia mayoko sindarandara pei kami to anaguruNya. Kami yau njo’u sambote ngkoro Kidron pei masua ri raya nawu ngkaju saitun to nja’u ria.

2Wali i Yudas, to mamposora yau i Yesu, ia mangansani seja mangkonong nawu etu, apa i Yesu pasi kami to anaguruNya mananya siromu nja’u ria.

3Wali i Yudas yau seja njo’u nawu etu apa ia mampondayaka i Yesu bara nja’u nja’u ria. Tempo ia yau, ia mangangkeni santalenga tentara nto Roma pasi sawei mba’a tau to palaonginya mangajagai banua i mPue Allah. Tau etu napokau ngkepala-kepala nto pampue pasi to Yahudi to aliran Parisi. Wali tempo sira yau etu, sira mangkeni pansona, suyu, wada pasi pampomobak.

4Wali ojo karata nsira ri nawu etu, i Yesu yau mangantomu sira apa Ia mangansani yami samparia palaong to damawali resi Ia. Ia mampotanaka resi sira, to’oNya, “Sema nuliwu ngkomi?”

5Wali sira manganto’o, “I Yesu to Nasaret.” Panewa i Yesu manganto’o, “Aku semo Ia.” Wali tempo etu i Yudas to mamposora yau i Yesu, ia makore seja nja’u ria sindara-dara pei tau boros etu.

6Pei ojo panganto’o i Yesu, “Aku semo Ia,” kodi majoli sira morempayu pei mapuka yau.

7Panewa i Yesu mampotanaka wo’u resi sira kadua ngkaninya, Ia manganto’o, “Sema nuliwu ngkomi?” Pasi sira manganto’o wo’u, “I Yesu to Nasaret.”

8Wali i Yesu manganto’o, “Aku room manganto’oka komi Aku semo Ia. Wali ane Aku semo to nuliwu ngkomi, ne’e rasoko yunungKu si’i.”

9Ewa wetu gombo to nato’oka i Yesu sira see sira taa mangansoko kami to anaguruNya apa palaong etu mangabanang gombo to Ia room manganto’o ngena tempo Ia makaikai resi i Pue Allah. Tempo etu Ia manganto’o, “Pa’a, tau to nusarumakaka ngKomi resi Aku tare pasi samba’a to darapakaja’aka yau.” Etu semo pakai-kai i Yesu resi i Pue Allah to rabanang.

10Wali yako etu i Simon Petrus mangarebu wada to re’e resi ia panewa ia mangansayu samba’a to papolaong ngkepala nto pampue to bae angganya. To papolaong etu sanganya i Malkus. Wali i Petrus mangansayu yau sambali ira ntalinganya tondo ngkana.

11Pei i Yesu manganto’oka i Petrus, “Penumpu muni wadamu ri raya nu gumanya! Aku buya rayangKu damangarata kasesa to roomo Pa’angKu mampakatantuka Aku.”

12Wali yako etu, tentara pasi kepala ntentara etu pasi tau to mangajagai banua imPue Allah, sira mangansoko i Yesu panewa mangampungu Ia.

13Roo see sira mangkeni Ia njo’u si Hanas ruyu. I Hanas etu ia tamanua i ngKayapas to langkai. I Kayapas etu, ia tiroowa kepala nto pampue to bae angganya ri to’u to etu.

14Pasi i Kayapas semo to seore manganto’oka kepala-kepala nto Yahudi, to tao-tao ane samba’aja tau mate mangkapateka tau boros.

15Wali tempo i Yesu rakeni damampotango i Hanas, tempo etu i Simon Petrus pasi samba’a anaguru to yusa mangalulu ri payuNya. AnaguruNya to yusa etu, ia nansanika ngkepala nto pampue to bae angganya, wali ia rabiaka masua ri tongonata nu banua ngkepala nto pampue etu sindara-ndara pei i Yesu.

16Pei i Petrus ia ojo mangampeas ri sambali mbombo mpampa. Wali anaguru to nansanika ngkepala nto pampue to bae angganya, ia masuwu muni yako ri tongonata etu pei mampotanaka resi tau we’a to mangajagangi wombo mpampa, see i Petrus bara maya seja masua. Wali tau we’a etu mangabiaka i Petrus masua.

17Panewa tau we’a to mangajagangi wombo mpampa etu, ia mampotanaka resi i Petrus, to’onya, “Bara si’anya korom samba’a anaguru ntau to rasoko etu?” Pei i Petrus manganto’o, “Si’a.”

18Wali tempo etu loto rao, see naka to papolaong ngkepala nto pampue to bae angganya, pasi tau to mangajagai banua i mPue Allah, sira mangika apu panewa makore-kore ri awenya maneru. Wali i Petrus yau maneru seja ri oyo nsira.

19Wali i Yesu rakeni ri tango i Hanas, kepala nto pampue to bae angganya, panewa kepala etu mampotanaka resi Ia, to’onya, “I sema pura anaguruMu pasi kesaa to nupotundeka ngKorom resi sira?”

20Wali i Yesu manganto’o, “Samparia to Aku mampotunde paka ri tango ntau boros see samparia tau maya mangandonge. Apa Aku sangkani mampotunde tau ri raya banua to napampotunde ngkita to Yahudi pasi ri raya banua i mPue Allah to napago seja nto Yahudi. Pasi tare to Aku mampotundeka tau to taa nadonge ntau boros.

21Wali maka pei komi mampotanaka resi Aku? Patanaka resi tau to room mangandonge anu to Aku mampotundeka, apa matantu sira mangansani anu to ito’ongKu etu.”

22Wali ojo panganto’o i Yesu gombo etu, re’e samba’a to panjaga to mangantoposaka lioNya, ia manganto’o, “Gete! Taa masipato Korom magombo ewa wetu resi kepala nto pampue to bae angganya!”

23Pei i Yesu manganto’o, “Ane re’e anu to maja’a ito’ongKu, pakanasaka Aku anu to maja’a etu. Pei ane Aku manganto’o anu to monso, maka pei korom mangantopo Aku?”

24Wali i Hanas mampokau tau mangkeni i Yesu njo’u si Kayapas, kepala nto pampue to bae angganya. Tempo i Yesu rakeni etu, Ia tiroowa rapungu.

25Wali tempo etu i Petrus tiroo makore maneru nja’u tongonata, pei tongo-tongonya ia maneru etu re’e tau to mampotanaka resi ia, tau etu manganto’o, “Bara si’anya korom samba’a anaguru ntau to rasoko etu?” Pei i Petrus mamposapuka, ia manganto’o, “Si’a.”

26Pasi re’e seja nja’u ria samba’a to papolaong ngkepala nto pampue to bae angganya, ngkai etu ja’i ngkai to nasayu yau i mPetrus talinganya. Wali ngkai etu manganto’o, “Bara si’anya korom samba’a yunu i Yesu to aku mangkita nja’u nawu ngena?”

27Pei i Petrus mamposapuka, ia manganto’o wo’u, “Si’a!” Wali ojo karoonya ia manganto’o gombo etu, manu mansaka matotoro’omo.

28Wali ojo karoonya i Yesu mampotango i Kayapas, dawuro kojowa Ia nakeni wo’u ngkepalakepala nto Yahudi njo’u tongonata banua gubernur, i Pilatus. Gubernur etu tau to si’a to Yahudi. Wali apa saba banua etu banua ntau to si’a to Yahudi, see naka to Yahudi etu taa rani masua tempo sira rata nja’u ria. Sira taa masua naka ne’e sira damawali makarika ane ewa ada nu agama nsira. Apa ane mawali makarika, sira taa maya mangkoni pangkoni ri Roa Paskah.

29Wali apa saba sira taa rani masua, see naka i Pilatus masuwu yako ri raya banuanya pei mampotango sira ri tongonata. Ia mampotanaka resi sira, to’onya, “Ane ewa panto’o ngkomi, kesaa sala ntau si’i?”

30Sira mangansono, “Gete, ane Ia tare mangika palaong to maja’a, kami taa mangkeni Ia resi komi.”

31Wali i Pilatus manganto’o, “Ane ewa see, keni yau Ia pei komi semo mangabotus Ia singkonong pei porenta ngkomi.” Pei to Yahudi etu manganto’o, “Taa mawali apa kami taa rabiaka mangahuku mate tau.”

32Wali tempo sira manganto’o gombo etu, palaong etu mangabanang gombo to nato’o i Yesu seore. Tempo etu Ia magombo yami mangkonong ewa wimba Ia darapopate yau. Apa Ia manganto’o Ia damate rapaku ri kaju pasape, pei ojo to Roma semo to mangika palaong to etu.

33Wali ojo karoonya i Pilatus mampogomboka to Yahudi etu, ia yau muni njo’u raya banuanya panewa manganto’oka joanya, “Keni mai i Yesu”. Wali sira mangkeni i Yesu mampotango i Pilatus. Roo see i Pilatus mampotanaka resi i Yesu, to’onya, “Wimba, bara Korom semo Makole nto Yahudi?”

34I Yesu manganto’o, “Wimba pampotanaka ngkomi etu, bara yako ri pampobuuka ngkomija, bara re’e tau to yusa mangansaritaka komi mangkonong Aku?”

35Wali i Pilatus manganto’o, “Gete! Aku si’i si’a to Yahudi! YunuMu to Yahudi pasi kepala-kepala nto pampue ngkomi, sira semo to mangkeni Korom resi aku. Wali kesaa nuika ngKorom naka pei nakeni nsira rire?”

36Wali i Yesu manganto’o, “Aku si’a ewa makole to maporenta ri lino si’i. Apa ane rapanya Aku ewa makole to maporenta ri lino si’i, ane ewa see joangKu damamparambangika Aku naka ne’e Aku danasoko ngkepala-kepala nto Yahudi etu. Pei si’a ewa wetu, wali manasa paporentangKu si’a ewa paporenta makole ri lino si’i.” Ewa wetu sono i Yesu.

37Wali see naka i Pilatus manganto’o, “Ane ewa see, bara monso pu’u Korom makole?” I Yesu mangansono, “Monso ewa panto’o ngkomi. Aku monso pu’u makole. Wali see naka Aku ma’i pei rapoanaka ri lino si’i, see damampaponsanika tau mangkonong anu to monso. Wali i sema-sema tau to rani mangansani anu to monso, tau etu masanang mampodongeka gombongKu.”

38Wali i Pilatus manganto’o, “Gete, ane ewa pampobuukangku, tare tau to nakoto mangansani anu to monso!” Wali ojo karoonya i Pilatus mampogomboka i Yesu, ia masuwu muni resi to Yahudi to re’e ri tongonata. Ia manganto’oka sira, “Aku taa kojo mangarata sala ntau etu.

39Pei ane ewa ada ngkomi, ponto ngkani rapongika Roa Paskah, aku mangalapaka komi samba’a tau to ratarungku. Wali wimba, komi bara nuporani aku mangalapaka komi makole ngkomi to Yahudi etu?”

40Pei sira maroso loonya sakaboo, manganto’o, “Ne’e ralapa ngkai etu. I Barabas semo to kami rani!” Wali i Barabas etu, naka pei ia ratarungku apa ia samba’a tau to mangewa kojo pamorenta.



Download Audio MP3 (Yohanes 18):
Mobile (Low Quality) - CD (High Quality)

 <<  Yohanes 18 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel