I. Habobolong ni Israel ala roha panundalionna, pinatudos ni parjolmaon ni si Hosea di boruboru parmainan ro di tubuna i 1-9
1(I.) On ma hata ni Jahowa na ro tu si Hosea, anak ni si Beeri di angka ari ni si Usia, si Jotam, si Ahas dohot si Hiskia, angka raja di Juda; dohot di angka ari ni si Jerobeam, anak ni si Joas, raja di Israel.
2Mula ni hata ni Jahowa marhitehite si Hosea: ninna Jahowa ma tu si Hosea: Laho ma ho, buat ma sada boruboru sibabijalang dohot angka tubu ni sibabijalang! Ai sai didatdati isi ni tano i do marmainan, marbalik sian Jahowa.
3Jadi laho ma ibana, jala dibuat ma si Gomer, boru ni si Diblaim, gabegabean ma nasida jala ditubuhon di ibana sada anak.
4Dung i didok Jahowa ma tu ibana: Jou ma goarna si Jesreel; ai otik nari marlulu ma ahu di angka utang mudar ni si Jesreel tu pinompar ni si Jehu, jala ahu pasiaphon harajaon ni pinompar ni Israel.
5Jadi di ari na sasada i ponggolhononku ma sior ni Israel di rura Jesreel.
6Dung i gabegabean muse ma boruboru i, jala ditubuhon sada boru. Dung i didok Jahowa ma tu ibana: Jou ma goarna Nai Sohinasian; ai ndang be marpangulahi rohangku tu pinompar ni Israel, manang marpamuati rohangku tu nasida.
7Alai marpangulahi ma rohangku anggo tu pinompar ni Juda jala paluaonku nasida marhitehite Jahowa, Debatanasida i; alai ndang paluaonku marhitehite sior manang podang manang hamusuon, manang hoda manang jolma parsihundul pe.
8Jadi dung sirang susu Nai Sohinasian, gabegabean muse ma boruboru i, jala ditubuhon sada anak.
9Jadi ninna Jahowa ma: Jou ma goarna Lo Ami, ai ndang bangsongku hamu, jala ndang hamu nampuna ahu.
10(2-1)
I. Morpangulahi roha ni Debata tu nasida 1-2. II. Udutna pajojorhon roha parbalihon ni Israel ro di torutoru na mangonai tu nasida alani 3-15. III. Padan parasian na imbaru i 16-25
(I.) Alai anggo bilangan ni halak Israel sogot sobokkon horsik ni laut do godangna na so hasuhatan jala na so habilangan, jala di hajongjongan pandohonan tu nasida: Ndang bangsongku hamu, dohonon ma sogot tu nasida: Angka anak ni Debata na mangolu i do hamu.
11(2-2) Dung i marpungu ma sogot halak Juda rap dohot halak Israel, jala pabangkitonnasida ma sahalak bahen ihutannasida, jala borhat nasida sian tano i; ai timbul do ari ni si Jesreel sogot.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel