Alkitab Mobile SABDA
[VER] : [TOBA]     [PL]  [PB] 
 <<  Mazmur 19 >> 

I. Pujipujian tu Debata marnida na tinompana 2-7. II. Marnida hatana 8-12. III. Roha na mangkalungunhon sun ni habadiaon 13-15

1Ende sian si Daud.

2(I.) Angka langit do mamaritahon hamuliaon ni Debata, jala jadijadian ni tanganna do pinaboa ni na ratarata ni langit.

3Masipaboaan do angka ari, jala masilehonan parbinotoan do angka borngin.

4Ndada barita manang hatahata na so binege soarana i di bagasan.

5Tolhas tu liat portibi on tali pangungkurna, jala ro di topi ni tano on do baritana. Dibahen do disi soposopo ni mata ni ari.

6Jadi songon bajo pangoli do ibana ruar sian bilutna; las do rohana songon ulubalang na manopot sitopotonna.

7Sian topi ni langit do habibinsarna, jala tolhas ro di angka topina muse pangkusorna i, jala ndang adong na buni maradophon mohopna i.

8(II.) Sun denggan do patik ni Jahowa, tau sipasabam roha; sintong do panindangion ni Jahowa, dipabisuk do na tobok marroha.

9Tigor do patik ni Jahowa, angka sipalas roha; pita do patik ni Jahowa, dipatiur do parnidaan.

10Pita ni parsombaon tu Jahowa do na hot tongtong, hasintongan do angka uhum ni Jahowa, tigor do sudena.

11Ummarga do angka i sian mas dohot sian sere palangki na godang situtu, tumonggi do angka i sian situak ni loba dohot tanggule.

12Naposom pe dapotan sipaingot do hinorhon ni, godang do upa ni na mangaradoti angka i.

13(III.) Tung ise ma umboto angka haliluon? Sai sesa ma dohot dosa, angka na so huboto.

14Palua ma huhut naposom sian angka haginjangon ni roha, asa unang ahu dirajai! Disi pe asa lias jala bontor ahu sian pangalaosion na godang i. (19-15) On pe, sai lomo ma roham di angka hata ni pamanganki dohot di pangkataion ni rohangki tu jolo ni bohim, ale Jahowa, partanobatoanku dohot siluluhon ahu.



 <<  Mazmur 19 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel Single Panel